¹ Sy efa antitsa i Samoela, de nagnotany ho pitsara eo amin'ny Israely ny zanany lahy. ² Joela ro agnaran'ny lahimatoany, de i Abia ro agnarany zanany lahy faharoa. Pitsara tao Beri-sheba reo. ³ Tsa nandeha tamin'ny lalany ny zanany lahy, fa nitadia fihariana tsa marina. Nandray kolikoly reo sady namadika ny rariny. ⁴ De niara nivory ny loholon'Israely aby de avy teo amin'i Samoela tao Rama. Zao ro nataon-dreo taminazy: " ⁵ Zao, antitsa agnao, sady tsa mandeha amin'ny lalano koa ny zanakao. Manindre panjaka ho anay mba hitsara anay tahaka ny firenena aby." ⁶ Nefa tsa nakasitrahan'i Samoela zay nitarogna reo hoe: "Omeo panjaka agnay mba hitsarana anajy." Ko nivavaka tamin'i Yaveh i Samoela. ⁷ Zao ro nataon'i Yaveh tamin'i Samoela hoe: " ikeo ny feo'ny vahoaka amin'ny raha aby ze lazain-dreo aminao; fa tsa agnao ro lavin-dreo, fa Iaho ro lavin'ny tsa ho panjakan-dreo. ⁸ Amizao reo de manao tahaka ny nataony hatramin'ny andro nitondrako an-dreo nienga hatagny Egypta, nahafoa Anahy, de nanopo ny andriamanik-kafa, de tahaka anizay koa ro nataon-dreo aminao. ⁹ Amizao henò reo; nefa apitandremo mafy ko apahafantaro ny fomba hanapahan'ny panjaka eo amin-dreo." ¹⁰ Ko de notarognin'i Samoela tamin'ny vahoaka ze nangataka ny tarogn'i Yaveh aby. ¹¹ Zao ro nataony: "Izao ro fanaon'ny panjaka ze hanjaka eo aminareo. Hangalaka ny zanakareo lahy i ko hanendry an-dreo ho an'ny kalesiny sy ho hanjary pitengi-tsovaliny, de hiridiridy eo alohan'ny kalesiny. ¹² hanendry kapiten'ny an-drivony, de kapiten'ny dimapolo ho anazy i. Hapiasainy tany ny sasany, mila ny vokatsa ny sasany, de hamboatsa ny fitaova-piadiana sy ny fitaovana ho an'ny kalesy ny sasany. ¹³ Ny zanakareo vavy koa de hataon'ny pangaroharo raha-magnitsa, mpahandro, sady panao mofo. ¹⁴ Halain'ny ny soa ndrindra eo amin'ny tanimbolinareo, ny tanim-boalobokareo, de ny tanin'olivanareo, ko hameny an'ny mpanompony. ¹⁵ Halainy ny apahafolon'ny varinareo sy ny hatamin'ny tanim-boalobokareo ko hameny an'ny mana-pahefany sy ny mpanompony. ¹⁶ Halainy ny panomponareo lahy sy ny panomponareo vavy de ny soa ndrindra amin'ny tovolahinareo sy ny borikinareo; hapiasainy ho anazy i aby. ¹⁷ Halainy ny apahafolon'ny ondry aman'osinareo, ko hanjary andevony agnareo. ¹⁸ Ko amizay andro zay de hitaraigna tratsan'ny panjakanareo ze nifidianareo agnareo; kanefa tsa hamaly amareo i Yaveh amizay andro zay." ¹⁹ Kanefa nandà ny hieno an'i Samoela ny vahoaka; zao ro nataon-dreo: "Tsa mety! tokony hisy panjaka eto aminay ²⁰ mba hitovianay amin'ny firenena hafa aby, sady mba hitsaran'ny panjakanay anay sy hiengany eo alohanay ko hiady ny odinay." ²¹ Sy efa ren'i Samoela ny tarogny ny vahoaka aby de napodiny teo apotots'ofin'i Yaveh zay. ²² Zao ro nataon'i Yaveh tamin'i Samoela hoe: "Ikeo ny feon-dreo de ataovo manjary mpanjakan-dreo ny ona raika. " Ko zao ro nataon'i Samoela tamin'i olon'ny Israely: "Tsy maintsy mandeha agny amin'ny tanànany aby ny lihilahy tsiraidrika."