¹ De sy efa avy tagny Ziklaga i Davida sy ny olony tamin'ny andro fahatelo, de nanafika teo amin'ny Negeva sy teo amin'i Zikklaga ny amalekita. Nanafika an'i Ziklaga reo, sady nandoro anizay, ² sady nisambotsa ny apela sy ny klonga aby ze tao amizay, na kely na lihibe. Tsa namono na ia na ia reo, fa nitondra an-dreo sady nandeha tamin'ny lalany. ³ Sy efa nandeha tagny amin'ny tanàna i davida sy ny olony, de efa may zay, de ny vadiny, sy ny zanany lahy, sy ny zanany vavy de nalaina ho babo. ⁴ Sy avy eo de napiakapeo i Davida sy ny ona niaraka taminazy sady nitomagny mandrapaha laniny hery tao agnatiny tao ko tsa nahatomagny koa. ⁵ Voababo ny vadin'i Davida roa, Ahinoama Jezeralita, de i Abigaila vadin'i Nabala Karmelita. ⁶ Nijaly tateraka i Davida, satria niresaka ny momba ny hitoraham-bato anazy ny vahoaka, satria mangidy arapagnahy ny vahoaka aby, ny ona tsiraidraika nohon'ny zanany lahy sy ny zanany vavy; fa Davida nagnatanjaka ny tegnany tamin'i Yaveh, Andriamagniny. ⁷ Zao ro nataon'i Davida tamin'i Abiatara zanak'i Ahimeleka, ny pisorogna: "Miangavy aminao aho, fero aty amionahy ny efoda."de noferin'i Abiatara teo amin'i Davida ny efoda. ⁸ Nangataka torolalagna tamin'i Yaveh i Davidan nanao hoe: "Lehe mandoodotsa anio antokoio aho, hoazako ve reo? " De i Yaveh namaly anazy: "Tòzoro, fa azoko antoka fa hoazanao tokoa reo, sady azoko antoka fa hamerigna ny raha aby agnao." ⁹ De nandeha i Davida, i sy ny eninjato lahy ze niaraka taminazy; de niaraka taminazy;de avy tagny amin'ny reniranon'i Besora reo, ze niagnenan'ny ze tavela tagny afara. ¹⁰ Fa tratsany fagninjehana an'i Davida, reo sy ny efajato lahy; fa ny eninjato niegnina tagny afara, ze tena osa ko tsa afaka ny handeha eo amin'ny lohasahan-driakan'i Besora. ¹¹ Nahita Egyptiana raika tegny atanimboly reo sady nitondra anazy tagny amin'i Davida; namen-dreo mofo i, de nihinana; namen-dreo rano hosotroana i; ¹² de namen-dreo apahana mofomamin'aviavy sy sapam-boaoboka roa i. Sy efa nihinana i, de nahazo hery ndraika, satria tsa nihinana mofo na nisotro rano mandritsy ny telo andro sy telo aligna i. ¹³ Zao ro nataon'i Davida taminazy: "Ania moa agnao? Hataia agnao?" De zao ro nataony hoe: "Tovolahin'i Egypta aho, mpanopona Amalekita raika; namela anahy ny topoko satria narary aho telo andro zay. ¹⁴ Nanafika an'i Negevan'i Keretita agnay, sy ze an'i Joda, de negevan'i Kaleba, de nodoroany i Ziklaga." ¹⁵ Zao ro nataon'i Davida taminazy: "Hitondra anahy mandeha agny amin'ny atoko panafika ve agnao?" Zao ro nataon'i Egyptiana: "Mianiàna aminahy amin'Andriamagnitsa mba tsa hamonoana anahy na hamadihanao anahy eo apelatagnana'ny topoko, de hitondra anao hidigna amizay atoko panafika zay aho." ¹⁶ Sy efa nitondra an'i Davida nidigna ny Egyptiana, de niparitaka teo amin'ny tany aby ny panafika, nihinana sy nisotro sady nandihy nohony babo aby ze nolazain-dreo tamin'ny tanin'i Joda. ¹⁷ Nanafika an-dreo i Davida nanomboka ny harivan'ny andro magnaraka. tsa nisy nako ona raika aza tafalefa hafatsy ny tovolahy efajato, ze nitengigna rameva ko nilefa. ¹⁸ De tafapodin'i Davida ze aby nalain'i Amalekita; de voaavots'i Davida ny vadiny roa. ¹⁹ Tsa nisy raha tsa ampy, na kely na lihibe, na ny zanany lahy na ny zanany vavy, ny ny babo, na reo aby ze nobaboan'ny panafika ho an-dreo. Napodin'i Davida ny raha aby. ²⁰ Nalain'i Davida ny ondry aman'osy aby sy ny omby, ze noferin'olo nialiha ny biby fiompy hafa. Zao ro nataon-dreo hoe: "Ireo ro babon'i Davida. " ²¹ Avy tagny amin'ny ona roanjato ze tena osa lehe hagnaraka anazy i Davida, ny zanany ze nataon'ny hafa niegnina tagny amin'ny reniranon'i Besora. Ny lihilahy de nadroso mba hihaogna amin'ny Davida sy ny vahoaka niaraka taminazy. Sy efa avy teo amin'ny ona reo i Davida, de niarahaba an-dreo i. ²² De ny ona ratsy fagnahy sy ny namana tsa misy ilàna anazy teo ami'ze efa nandeha niaraka tamin'i Davida nilaza hoe: "Satria tsa niaraka tramitsika reo lihilahy reo, de tsa hagnome an-dreo babo ze efa hazatsika tsika. Letsy hoe afaka mangalaka ny vadiny sy ny zanany reo lihilahy tsiraidraika, ko mitarika an-dreo, de mandeha." ²³ De zao ro nataon'i Davida: "Tsa tokony hanao anizay, amize efa nomen'i Davida atsika, agnareo ry rahalahiko. Efa narovany tsika sady efa natolony teo atagnatsika ny panafika ze avy nanohitsa atsika. ²⁴ Ia ro hieno anao amizay tranga zay? Fa ny fizarana de ho an'izay mandeha agn'ady, sy ho an'ny ona ze miandry ny entagna koa; fa hizara mitovy reo." ²⁵ De tahaka anizay ny tamizay andro zay ko hatramizao, satria nataon'i Davida ho didy sy lalàna ho an'Israely zay. ²⁶ Sy efa avy tagny Ziklaga i Davida, de nandefa ny sasany tamin'ny babo ho an'ny loholon'i Joda, ho an'ny namany i, nanao hoe: "Io, itito misy fagnomezana ho anao avy hatamin'ny babo hatamin'ny fahavalon'i Yaveh." ²⁷ Nandefa ny sasany tagny amin'ny loholona ze agny Betela hiany koa i, de ho an'ny ze tagny Ramotan'ny atsimo, ²⁸ sy ho anireo ze agny Jatira, de ho anireo ze agny Aroera, sy ho anireo ze agny Sifmota, de ho an'ny ze agny Estemoa. ²⁹ Nandefa ny sasany tagny amn'ny loholona ze agny Rakala, sy reo ze agny amin'ny tanànan'i Jeremelita, de reo ze agny amin'ny tanànan'i Kenita, ³⁰ de ho anireo ze agny Horma, sy reo Korsana, de ho anireo z agny ataka, ³¹ sy ze agny Hebrona, de amin'ny toerana aby ze nandihianan'i Davida sy ny olony matetika i.