¹ Avy tagny amin'i Saoly tagny Gibea ny Zifta de nitaroga hoe: "Tsa misitrika agny amin'ny lhasahan'i Hakila, ze mifagnatrika amin'i jesimona ngaha i Davida? " ² De nandeha i Saoly nandeha nidigna agny amin'ny efits'i Zifa,nitondra ny lihilahin'Israely voafatigna telo arivo niaraka taminazy, mba hitadia an'i Davida agny an-tany efits'i Zifa. ³ Nitoby teo amin'ny havoan'i Hakila i Saoly, ze nagnatrika an'i Jesimona, teo amoron-dalagna. Fa nitoatsa tagny atany efitsa i Davida, de hitany fa tavy hitadia anazy tagny atany efitsa i Saoly. ⁴ Ko nagniraka pitsikilo i Davida ko nahafatatsa fa tena avy tokoa i Saoly. ⁵ Nitsangagna i Davida de nandeha tagny amin'ny toerana ze nitobian'i Saoly; hitany ny toerana natorian'i Saoly, sy Abnera zanak'i Nera, ny jenralin'i tafiny; natory tao amin'i Saoly, de nitoby magnodidigna an-dreo ny ona, samy resitory aby. ⁶ De zao ro nataon'i Davida tamin'i Ahimeleka Hitita, sy tamin'i Abisay zanak'i Zeroia, rahalahin'i Joaba hoe: "Ia ro handeha hidigna handeha hoagny amin'i Saoly ao an-toby miaraka aminahy?" Zao ro nataon'i Abisay hoe: "Iaho! Hidigna miaraka aminao aho. " ⁷ Ko nandeha nadeha agny amin'ny tafika i Davida sy Abisay ny aligna. Natory tao amin'ny toby niaraka tamin'ny lefony nitsatoka tamin'ny tany teo agnilan'ny lohan'i Saoly. Ntory nagnodidigna anazy i Abnera sy ny miaramilany. ⁸ De zao ro nataon'i Abisay tamin'i Davida hoe: "Natoatsan'Andriamagnitsa eto agnilanao ny fahavalonao androany. Avilao roa aho hanindrogna anazy ho amin'ny tany indray mamely hiany amin'ny lefogna.Tsa hamely anazy fagnindroany mihintsy aho." ⁹ Zao ro nataon'i Davida tamin'i Abisay hoe: "Aza mamono anazy; fa ia ro afaka magninjitsa ny tagnany hamely ny voahosots'i Yaveh ko tsa ho meloka?" ¹⁰ Zao ro nataon'i Davida hoe: "Lehe vona velogna koa i Yaveh, de Yaveh ro hamono anazy, na ho avy ny andro hafatesany, na handeha hiady i ko ho maty agny. ¹¹ Ho raràn'i Yaveh anie ny hagninjirako ny tagnako amin'i voahosony; fa androany, miangavy aminao aho, raiso ny lefogna ze eo an-dohany sy ny sinindrano, de andao handeha." ¹² Ko de nalain'i Davida hategny an-dohan'i Saoly ny lefogna sy ny sinin-drano, de niala i reo . Tsa nahita an-dreo na nahalala ny momba anizay, na nisy ona nifoha, fa resitory aby reo, satria nilatsaka tamin-dreo ny torimaso laligna hatamin'i Yaveh. ¹³ De nandeha tegny apita i Davida sady nitsangagna teo an-tampon'ny tendrombohitsa lavitsa egny; nisy halavirana be nagnelagnelagna an-dreo. ¹⁴ Nitabataba mafy tamin'i vahoaka sy Abnera zanak'i Nera i Davida; zao ro nataon'ny hoe: "Tsa mamaly nga agnao?" De namaly Abnera hoe: "Ia agnao ze mangaingaika ny panjaka zao?" ¹⁵ Zao ro nataon'i Davida tamin'i Abnera hoe: "Tsa agnao nga ro lihilahy be herim-po? Ia ro tahaka anao eto Israely? Nahoana ary agnao ro tsa miambigna ny panjaka toponao? Fa nisy ona niditsa hamono ny panjaka toponao. ¹⁶ Tsa soa zao raha ataonao zao. lehe vona velogna koa i Yaveh, de mendrika ny ho maty agnao satria tsa niambigna ny toponao, de ny voahosots'i Yaveh. Androany de jireo ze misy ny lefogn'i panjaka sy ny sinin-drano teo agnilany lohany!" ¹⁷ Nahatsiaro ny feon'i Davida i Saoly ko nanao hoe: "Feonao nga zao?" Zao ro nataon'i Davida hoe: ''Feoko zao,ry panjaka, topoko." ¹⁸ Zao ro nataony hoe: "Nahoana ro mandodotsa ny panopon'ny topoko? Ina nga ro nataoko? ina ro ratsy eto atagnako? ¹⁹ Androany ary, miangavy aminao aho, aoka ny topony panjaka hieno ny tarogny ny panopony. Lehe i Yaveh ro napietagna anao hanohitsa anahy, aoka i hagneky fagnatitsa raika; fa lehe olombelogna zay, de ho voaozogna eo imason'i Yaveh anie i, fa nandroak anahy reo androany, mba tsa hifikirako amin'ny lovan'i Yaveh; zao ro nataon-dreo taminahy hoe: ' Mandihiana manopo andriamani-kafa.' ²⁰ Androany ary, aza avela ho very eo amin'ny tany lavitsy ny fagnatrehan'i Yaveh ny ràko; fa efa nienga hitadia ny parasy kely raika tahaka ny fanamboran'olo tsipoy raika agny amin'ny tendrombohitsa ny panjakan'Israely." ²¹ De zao ro nataon'i Saoly hoe: "Nanota aho. mipodiana, ry Davida, zanako lahy; fa tsa hagnisy ratsy anao koa aho, satria sarobidy teo imasonao ny aiko androany. Io, niadaladala aho de nanao fahadisoana ratsy ndrindra." ²² Namaly i davida ko nanao hoe: "Io, ty ny lefognao, ry panjaka! aoka hisy amireo tovolahy hiapita sady hangalaka anizay ko hitondra anizay agny aminao. ²³ Yaveh anie hamaly ny ona tsiraidraika nohon'ny fahamarinany sy ny fahamarinany aby; satria nametraka ano teto antagnako i Yaveh androany, kanefa tsa namely ny voahosony aho. ²⁴ Io, tahaka ny saha sarobidy ny ainao androany teo imasoko, de enganie ka homendanja eo imason'i Yaveh tahaka anizay ny aiko, sady hagnavotsa anahy amin'ny fahoriana aby anie I." ²⁵ De zao ro nataon'i Saoly tamin'i Davida: "Ho tahiana anie agnao, ry Davida zanako! Hanao raha lihibe tokoa agnao de hoambinina amizay.'' Ko nandeha tamin'ny lalany i Davida, de nipody tagny amin'ny toerany i Saoly.