¹ Bambayi ba guzolo, malese maama mamosogo mama faana ande bisi, migi mapimi; ndelunu dusaana ngolo duwesele gusala masumu, duma dinaana, dusalaaga mapaana mapimi nga Gidaabisi Nzaama. ² Nudu seenaaga pimi mu midimi mibini. ³ Bisi lowo duya nusala si gubiyi gumoso, meeme nkudu ngwigi kiesi givulu mutula bini nga buyi nusileene mudimi. ⁴ Mu pasi yibisi yiyosogo, kiesi gimeeme gigi givulu mutula bini nga buyi nusonogeene geele. ⁵ Luduya duulu ya Masedoni, lowo dumono kiesi si bitsi mutulu mapaana mapasi magele mavulu, baada bamoso lowo badalagana pimi, ⁶ asi dusangaga mu daanga luya duulu Tito. Nzaama wunu wuwaaga baada bana bama woono luudu ngolo. ⁷ Lowo gwigi ni nde peele wudu we kiesi, asi mapaana mana madu wugu, manuya sala mu lugwigili lubini , bunu mu we ndege beene ngolo ande mutula nwaneene meeme ande bunu zolo gubisa mono meeme. ⁸ Ngiaba ni mugaana wuyi nusonogeene wunu we kiene, lowo ni gugele mu luzolo, buyi mono ni numona kiene ⁹ asi kiene yileedega Daada Nzaama gunsugu yigidigiga kiesi, yilamaaga gayiwi, lowo yigi nga yini yiduuguga mu manungu ma baada bana baya mono pasi mu midimi; yini yidwalaga baada gu lufa. ¹⁰ Asi yigi yi Nzaama, yini yidwalaga baada gu moono wu mvulande mvulu, yini yisoboga mugeleene wu baada. Ndelunu meeme ngwigi mu kiesi gima hinagana mutula bini. ¹¹ Dalaana mamvudu mama duugu mu kiene yibini yinu zoleene Nzaama amaama: guzolo gubini gipimi ande ngolo yibini yinu geme gisala gi Nzaama and1e gunanga masumu ande guwugu Nzaama boomo ande gunwana gubini ande gusaga mu gubisa mono meeme. Guya monogo ni lowo nwigi si gubiyi gumoso. ¹² Ndelunu mugaana wuyi nusonogeene lowo wugele mutulu gubiyi gunu sele muudu ni lowo mutulu muudu wuga sele gubiyi, asi gwigi mutulu nuyabeene bu Nulu leedega mu gisala gi Nzaama. ¹³ Gimi ndegini gidu waaga bisi gusangaga ande bu nuseene Tito mu kebe gabini, numu we kiesi givu!u tsili. ¹⁴ Ni yitu lusigisi bitsi mu kuumabini, gwigi mutula mugeleene wubini ande lugugu luduya wugu mu kuumabini mu gisala gipimi ginuya sala nga budu wugu gu gono lu Tito. ¹⁵ Ndelunu guzolo gubini gunu muleese guya muwa kiesi givulu ni wunu nunga ande luzidi lunu muyaamba mu kebe gabini ande gulu gulumunu gubini ya misi minde. ¹⁶ Ngwigi mu gusangaga guvulu mutula bini, iya nusileene mudimi mu mapaana mabini mamosogo.