¹ Bisi baada duya sala ande Nzaama duyanu boneene ni gubebese lowo mapimi magaya nusaleene Nzaama. ² Daanga lupimi aluulu lugaya dodo ni mu daanga lupimi buyi gusalasa, buyi guhulusu bufugu bunu. Duzolaaga ni muudu gabeye gisala gibisi, duzolaaga guwa muudu nsono, ³ asi duzologa ni dumonogo daanga lulwosogo ni twigi baada ba gisala ba Nzaama, si mu daanga lupasi, si mu daanga lu kiesi. ⁴ Duya mono pasi yivulu ande kiesi, asi duya ganga mudimi. ⁵ Badu bula, duwingina mu bologo, Badu waaya gisala gipasi, badu nangasa dolo ande gudia, badu dumusa baada mu gwa duyidi, asi duya ganga kaga mudimi. ⁶ Duya monogoso ni twigi baada ba gisala gisala ba Nzaama mu mapimi mana madu guumunu gugele Nzaama ande Muhungaana ⁷ ande guzolo gunu tu mudimi ande malongi mabisi mu bngolo yi Nzaama. ⁸ Mada mabisi ligi gumonogo baada bapimi ya misi mi Nzaama. Baada bamoso munu gudu zidisi, bambaana munu gudu sawala, bambaana badu luga ni dubagaaga, ⁹ asi duyaba ni twigi bamvaama; badu luga ni twigi banzenzi gisi lowo bisi twigi banga-gisi, duyabagana; badu luga ni twigi banga-fa, asi twigi bamoono; ¹⁰ badu waaya kiene, asi twigi mu kiesi, badu waaya duumbu, asi lowo duya fa; badu luga ni bapala gisi lowo duyaya longoa paana-paana. ¹¹ Bapaanga ba bulu lu Kolinti, duya loomo ni nudu zibileene midimi mibini, ¹² nuguumunu mapaana maduya nulongo, nudu leese guzolo gubini nga budu nuzologa bisi. ¹³ Meeme yinu seenega bini nga baana baama. ¹⁴ Nugabalagana ande baada ba bifu bifa, gunu numono geele mooso wugosaganana ande pibi ni lowo muklisto ande mumpani ni lowo bidegi ande nzo-Nzaama ni lowo Yesu wuma gosagana ande Sadana? ¹⁵ Yesu gigi mooso, bisi twigi nzo-Nzaama ndebunu buga dodo ndege Nzaama ni ¹⁶ meeme ngini galaaga ande biwi, ngini gwenaaga ande biwi, ngwini gidigi Nzaama wubiwi, biwi bini gidigi baada baama. ¹⁷ Ndelunu nuba dini, nukono gulamana gimi gifa, ¹⁸ yanwiyi gugele meeme Nzaama wunu wuma digi ngolo yiyosogo. Meeme ngini gidigi gidaabini, bini nwini gidigi baana baama ba bakaada ande babanbagala.