¹ Bisi duya saga gulu monogoso ya misi mi baada ande gulu sa bisi beene nga buya sala baada bambaana bana bayaya sonogo mu mugaana ni lowo bana bayaya loomo? ² Mugaana wubisi wigi bini beene, wudu masonogo mu midimi mibini, muudu muwosogo wunu wuya wudaanga munu guyaba mapaana migi mu kebe. ³ Nwigi mugaana wunu wuya sonogo Mfumu Yesu mu nzila-bisi, lowo gawu sonogo ande maja ma mugaana, asi ande Muhunga-Nzaama wu moono mu kebe ga midimi mibisi. ⁴ Bisi dusaaga mudimi gugele Nzaama mu nzila-mwanaana Yesu ⁵ ginaga ni bisi peele nga lowo duma fana gusala si gimi gimoso, asi gwigi nde wudu waaga ngolo yini yidu salaga gisala gigi. ⁶ Bisi twigi baada baana ba gisala, wudu gidili baada ba lusili lufini, lowo gwigi ni mu misigi, asi gwigi mu Muhungaana. Misigi midwalaga muudu gu lufa, asi Muhungu wudwalaga gu moono wu mvulande mvulu. ⁷ Misigi bami sonogo mu midoyo, lugugu lu Nzaama lumonogo mu daanga lunu lugele mbunzu yi Mose yiseema, baana ba Yisaleele bugu mudala lowo, si ndebunu gugele mu daanga lutsisi. ⁸ Ni misigi midwalaga muudu gu lufa mima gala bunu, asi mugieme wu Muhunga-Nzaama abunu wini gala? ⁹ wunu wugidiliga baada pimi ya misi mi Nzaama? ¹⁰ Ni mugieme wunu wu kulu wuma gala ndebunu, si wunu wu loolo wuwunene? ¹¹ Ni wunu buwu digi gawiwi, si wunu wini lama mvulande mvulu abunu wini gala? ¹² Bisi duya sa mudimi, ¹³ asi lowo ni nga Mose wulu fugu mulele gu mbunzu ni baana ba Yisaleele bakono gumono misieme mini si bunu bumi kono gulama gamiwi. ¹⁴ Asi ndungu yibiwi yibwi pibi tii loolabubu bigi gutsina mulele wunu wulu fugu Mose, lunu luba daangaaga migaana mi lusili lukulu. Mulele wunu wuma fana gudoogo kaga mu mooso wu Yesu. ¹⁵ Tii loolabubu ndungu yibiwi yigi gutsina mulele lubaya daanga migaana mi Mose. ¹⁶ Basonogo ni mulele wunu wini doogo ni duma dala Mfumu Yesu wunu wigi Muhungu. ¹⁷ Ni bisi babosogo nde wutu duzibili misi lunu duma doogo mu gihigi, duma hululugu, ¹⁸ duma gidigi nga nde wunu wini duwa mugieme, wunu wuma digi bunene. Gini gigi gisala gi Muhungu.