¹ Ni lowo iya nufudugeene gwigi mutulu Kobo gunu wa pasi ande kiene, ² ni yitu nuwa kiene, bini nupaaga meeme kiesi, banawa bini pa meeme kiesi? ³ Gimi ndegini giyi nusonogeene mugaana mutulu ni meeme ngwigi mu kiesi bini se nugele mu kiesi. ⁴ Luyi sonoga yigele mu kiene ande nsanga mu misi, nuyabeene gimi fini, asi gumono pasi lowo. ⁵ Ni muudu wumoso mu kebe gabini gigi mu kiene, lowo ni gwigi mutula meeme peele, asi mutula baada babosogo ni lowo mutula baada bamoso mu kebe gabini. ⁶ Gimi gigi ni baada bavulu bamu nungeene muudu wunu, ⁷ luulu nukono gubisa dala gubiyi guga masala nde, asi numu we gibagala. ⁸ Ndelunu iya nuloomo ni numu leese guzolo gubini. ⁹ Dalaana gisini giyi nusonogeene, mutulu ngiabeene ni bunu labaga mapaana mayi nulongoga. ¹¹ mutulu gukono guleede nzili gugele Sadana nga bunu yaba mapaana mande mafa. ¹² Luyi duulu ya bulu bu Twalasa, Nzaama ganseleene mapaana mapimi, ¹³ asi yimono kiene mutulu lowo yimu mono paangabisi Tito, ndelunu luyi sala wa bisi Twalasa mbodo, luyi gie gu Masedoni. ¹⁴ Dulumusaana Nzaama bugaya dudwala hoso daanga mu gimvugu ande Yesu mu guleese gibingi giana hoso gihene gini ngagwi ni maasa ma nsungu yipimi ya misi mi baada. ¹⁵ Bisi se twigi nga maasa ma nsungu yipimi mana maga diaga Yesu ya misi mi Nzaama ande gugele baada bana baya laba nzili yi moono du mvulande mvulu ande baada bana bamu nanga. ¹⁶ Bisi lowo twigi nga baada bana bayaya dege Ndaga-Nzaama, asi twigi bana bayaya laba guzolo gu Nzaama mu nzili yini yima fanagana, ¹⁷ duyi longaana mu gimvugu ande Yesu ya misi mi ndege Nzaama wunu wudu dumuga.