¹ Yima zolo ni nungweseleene gaama gaaga ga buzobo. Nuganga bitsi mudimi. ² Meeme ngwigi mugu nusileene buhala, bunu bula duuga gugele Nzaama. Meeme yinu genese waala ande mudimi wumoso kuumaana Yesu, giniya nubaga bakono yaabagana ande bagala wumbaana, ³ Gugala lowo nga kaagabisi Eva, wunu wugaya doneene ngongono. ⁴ Bini nuzibili misi mu malongi ma baada bambaana, ni muudu wutwa nuleese Yesu wumbaana, lowo ni wuwu wudutu nulongo bisi, nukono gumu guumunu, labaana Ndaga-Nzaama yiyi yi Muhungu wumoso, wumbaana lowo. ⁵ Yima nungu ni batumu babini baba nene lowo bama ndigi meeme mu gulongo ni lowo mu guyabeene pima-pimi Ndaga-Nzaama. ⁶ Mapaana mamosogo buyi nulonga daanga lulwosogo . ⁷ Yinu longa Ndaga-Nzaama gukono gunu loomo si gimi gimoso, lowo yinu waaya bugogo bumeeme, ⁸ buyi lugulumuna mutulu yinu zangana bini; yisala gubiyi? ⁹ Bapaanga ba Masedoni buba tumusu bimi bibiosogo bi yigelabiwi mfunu. ¹⁰ Lowo ni yisala bunu mu gukono gunu zolo, lowo gwigi bunu, Nzaama munu guyaba ni meeme yinu zolo bini. Mfumu Yesu wunu wuya dudumu mu gisala giana munu guyaba ni ¹¹ meeme ngini salaaga kaga ndebunu bihene bibiosogo tii gu ndaama yi Akayi mutulu baada bana baya lusigisi bamono. ¹² Biwi bigi batumu ba bupala, bayaya ludoneene ni bigi ba Mfumu Yesu, gisi lowo gabiwi. ¹³ Lowo gwigi paana yi guwibigeene ¹⁴ ginaga ndege Sadana gigi wanzio wu mooso, wanzio wu bupala. ¹⁵ Biwi baya lusa ni bigi batumu ba Nzaama, gisi lowo, asi gu nsugu bubini baga duumbu lubiwi. ¹⁶ Iya bisa nuleele ni nukono gunseene meeme ngagwi ni mubeela-lese ni lowo nga zobo, ¹⁷ asi lowo gwigi ni mu guzolo gu Nzaama ¹⁸ baada bavulu baya lusigisi mu mapaana mabiwi beene, meeme se buyi lusigisa ndebunu. ¹⁹ Ni bini baada ba ndungu nuguumuna buzobo bu baada bana, abunu meeme yikono gusala nga biwi? ²⁰ Nuguumuna ni banu lugulu bimi, banu bulu, banu gidili bahigi babiwi, ²¹ meeme iya wugu nsono, todo ndebunu nga zobo, mu gulu sigisi, lowo ngini wugu nsono ya misi mi bini ande ya misi mi baada bana baya sala buzobo. ²² Meeme lowo ngwigi muyudu nga biwi? Lowo ngwigi mu-ebele nga biwi? Lowo ngwigi mudigili wu Abalayama? ²³ Lowo ngwigi muuda-gisala gi Mfumu Yesu? ²⁴ Nkudu yitu badigi biwi. ²⁵ Meeme yimono pasi yi gifande gifa ande mu gumbulu fimbu mbala dede ande mu bologo mbala yivulu ande mugu bugumugu mu nzele ²⁶ ande mu bisala bingolo gugele bayudu ande gugele baada ba bigaana bimbaana, mu mabulu manene ande mu tsege yibwasa ²⁷ ande mu kebe ga bapaanga bafa. Daanga lumoso bandwalasa ande midoyo. ²⁸ Mafugu mavulu dolo lowo gu misi, yigala nzala ande pwisa-maja, buguulu. ²⁹ Yiwuga pasi ni muudu wuma bwa mu lugwigili lwana, yinu wugune bini kiene, yimona pasi yivulu hoso bufugu mu kebe ga mabundu. ³⁰ Ni gulu sigisi, meeme yima fana gulu sigisi mu mapaana maama maya menese meeme ngolo. ³¹ Lowo ni iya nuleele bupala, galumu gwana gidaana-Mfumabisi Yesu. ³² Luyi gele gu Damasa, mfuma-bulu lunu kuumaana Aletasa luga mana sa basuda ya mambele mabulu mamosogo mutulu bakeme meeme, asi baklisto luba tuusu ya neele lu gibege gi lupangu mu kebe ga gidungu mu pibi. ³³ Ndelunu luyi gie gwama.