¹ Muhunga-Nzaama wudodoga gumusomo ni mafugu ma nsugu baada bubini bwisi lugwigili lubiwi gisini mapaana ma bupal, ² mini longaaga baada bambana bana bigi we manungu mafa mu mudimi mibiwi. ³ Baada bana balongoga gunanga madia, gisi lowo Nzaama wusi madia ma gifa ande gifa mutula muudu, ⁴ mamosogo migi mapimi. ⁵ Balongoga se ni gukwele gwigi gitsini. ⁶ Malongo mana ni wutumalongo, baada bubini guguumunu, bini mono ni gumusomo nze wuyasaleene lugwigili we ginzaama. ⁷ Gulaba mapaana mapamba-pamba lowo, ⁸ saleene gumusomo ande lugwigili, ⁹ baada badi madia mamosogo gungoya bisaama. ¹⁰ Longo baada musomo wuwu, guguumunu lowo si muudu wumoso ni ¹¹ gagusawala nze mutulu wigi mbeele, ¹² leese gimbangi gipimi, bifu binze we gudodo gunze we guzolo se lugwigili we ginzaama ginze mu kebe ga baklisto tii gunu gungini duulu meeme; ¹³ nze dangaaga kaga mugaana-Nzaama ya midi mi baada, ¹⁴ longaaga, guwesele lowo magaba maguwe Nzaama ma Muhunga-nde duugu ludodo babigili lunu lubagusi miogo. ¹⁵ Ni bisala binze biena gu gilungunu, baada bugini hulugu nzili gimoso we nzege beene. ¹⁶ Gala ngolo mu gisala gigi, gebe malongo maama, lugebe se nzege beene.