¹ Muudu wumafana gudwalasa dibundu lowo gamafana gugala wu mugeleene wufa, gwigi ndebunu. Gamafana gudwaala mugese wumoso peele, gamafana gugala muudu wu luzidi, ² wu guluyaala ande guyaala nzo yaana, baana bande bamafedi gugala ande mugeleene wupimi, wu luzidi, lowo guwudu mono ande gugala nzala-nzimi. ³ Gamafana guyambaaga banzenzi gu nzwana, gakono gugala muudu wu gisaga-saga ande wu gikagala-ngolo, gagele pwede. ⁴ Ni lowo gamafana guyaala nzwana, abunu gini dwalasa dibundu lu Nzaama? ⁵ Lowo gamafedi gugala muudu wufini mu dibundu ni lowo gini gala luleene. ⁶ Asi gumabodo muudu wukulu mu dibundu wu basilineege baada babosogo mudimi, si bamimpani bamu guumunu ni gigi muudu mupimi. ⁷ Lowo gamafana gudigisi gidese mu hoso paana yini . ⁸ Bisiele se gifa gimoso, lowo si gisiele gimoso gimafana gugala ande mugeleene wufa nga guwudu mono ni lowo guda bupala ni lowo gugala gisaga-saga. ⁹ Bisiele bimafana gulaba mapaana maya bileese Nzaama mu gusala. ¹⁰ Mu gubi nimisi ya misi mi baada, tomo guba mege. ¹¹ Bakaada se bamafana gudwala mudimi wumoso, mugeleene wubiwi wumafana gugala wupimi. ¹² Luulu lu iya gusonogeene mugaana wuwu, tama lowo bu ngwiyaa gudala, ¹³ ni yima lama geele, mugaana wuwu buwa guleese mapaana mawaa laba mu kebe ga dibundu lu Nzaama wu moono. ¹⁴ bifu bi guseleene nga guunzu luma gama nzo. ¹⁵ Yesu gagidigi muudu, gavaada muhungu wunu wumu bingisi, bawanzio luba mulumusu. ¹⁶ Paana yinde yiyabagana gisi gimutsini, baada babosogo bamusileene mudimi, ndelunu Nzaama luga muzangana gu tala.