¹ Ankiab ntuba na woo: ndo kabugni eviavi, aviara mu wali ne ndiene wapi ya wa, nkwon nzen ( kimfumu e Nziam eya na biu). ² Mbiyi , ie ntshu isome Yezu aveyi na nde Petelo, Zaki, ti Yoani, mpi avara ndemien n'ikrir ne djug ombim.Angala ne nteang ewo. ³ Ileaminde ingenga, mpi si yi ye matu ekwon monika n'ebuu. ⁴ Elia ti Mose apwi woo, wa sula na Yezu. Petelo, avey atuba, na Yezu:ewong siyagni ⁵ n'endiene; si tungi mvru isar, emog djwi naye, emog djwi na Mose, mpi emog djwi n'elia. ⁶ Djwi akajia nge tuba, womo elakir. ⁷ Owung emog alafinika, mpi ne kati londende enagn ongunung epwe:ene ali mome nsyk yug a nde. ⁸ Ko mbale emog wa longoki wa lir pipi ewo, wayen Yezu ali ndemien na woo. ⁹ Kesi ekri ki woo n'ombime, Yezu a ling na woo, na nkwon tuba na wur emi yen woo, ti ntangu efutumaka mone ewur n'ewa. ¹⁰ Wa lir otuba enggn, wa ywe wog na wog mfutumuka ewa eli nge? ¹¹ Walongoki wo ywe: djwi n'ange aviar epfugn wa tuba eloma Elia ayi nteang? ¹² A la kiara: Eli ayande nteang, mpi akiakande vim ankum, mpi djwi ange Eli nga pfugn na mon'ewur ayiyen nde mpayi mingi mpi asotuma woo. ¹³ Kansi ndokabagn Elia amiyia, mpi okiwoo kesi eleang woo, otshino mi fugn woo djwi na nde. ¹⁴ Ntangu enkum pembeni e wa longiki wayen oluhu aviar pembeni ewoo,mpi aviar epfugn enkian wa kalaka wa sula na woo. ¹⁵ Ko ntangu oluhu aviar wa yen Yezu, wayituka mpi wa kim iviang na lo pea mbea. ¹⁶ Ama ywe: nge tubikignu na woo? ¹⁷ Mpi wur emog ne kati aviar akiara:ntojiai mon me ompiam, ali na mpeve episu ntuba. ¹⁸ Ondag e nkum e lokir, a lo log n'ebuu; mone ayen mpayi, ala vin, mpi ayakum epwo, alomme na balongiki eye wa kum mpeve, mpi wa ka kug. ¹⁹ Kimvuka aviar etura buo, Yezu atuba, ti ntangu nge ayame na gnu? Ti ntangu nge a so (supporter) gnu? ondjiagni la me. ²⁰ Wa lovara. Ko ntangu mone ayen Yezu, mpeve e lonikisa na buo enkum; a log n'ebuu, mpi a le tshimi. ²¹ Yezu aywe Tea: ekie ntangu ikwe elokie? yim bomuan'ende ekiara nde. ²² Mpi mbala mingi mpeve e lotshigni neti e tshia mpi neti e vayi djwi awi. Kansi yug olena nkie vim, yag ote sungi, ete yug mawa. ²³ Yezu a lokaba, yug okug!...wur enkum e ndima aviande. ²⁴ Ne mbal'emog Tea e mone atshug oliye:nti ndima! yag onsungi n'etura e me buo! ²⁵ Yezu, ayen oluhu aviar eleye, angeanga mpeve ipwo,mpi atuba mpeve epituba ti mpeve epi yug, ndo peagni mitundu, pwe ne mon ene, mpi oyafikea. ²⁶ Mpi apwe, na tshukaka eliye, mpi alonikisa na buo enkum. Mone akum kesi ayi wa, otshin etubiki aviar mingi awi nde. ²⁷ Kansi Yezu, okir n'ewo, otelemisi.. Mpi ami yima. ²⁸ Ntangu Yezu ekeyi nde n'evru,walongoki wo ywe nde mien: djwi ange si kakug na nkima mpeve enagn? ²⁹ A la kaba:otshino n'agni ekug na mpwe ko ne bisamu. ³⁰ Salim wo kog, watear buu e Galile. Kansi Yezu akaleang wur aji etay eliwo. ³¹ djwi alongikinde walongoki inde. Sakabinde ngean: "Mon-Wur ayosarwo ne mbwo i vear a buu; ayodjagwo. Ntangu eyodjagwo, ne mbiy i ntshu isar, ayafutumukande. ³² Kansi walongoki wakakug ndjia djwi ilingiki ntuba Yezu ye mpi ayugikiwo womo n'ongwe. ³³ Wa kum ne Kapernaum, ntangu eyi woo ne kati evur, Yezu a la yue:nge tubikignu n'embug? ³⁴ Kansi wa yia pwo, djwi n'embug atubiki wog na wog n'andjia nagn ali onen. ³⁵ Mbiyi aminyeme, aviye djum n'epe, mpi atuba:yug wur aling n'angia ontete, ayande onsuka aviar ankum mpi nsadi e aviar a nkum. ³⁶ Mpi aveyi mon'eliang, otshug n'ekati wo, mpi okir ne mvuo e nde, a la kaba: ³⁷ Wur enkum eyama ne dzin i me emog n'amana liang aya yama mi me mien; mpi wur enkum esi dzama, ayama epa me, kansi wur entumi. ³⁸ Yoani akaba: nkum ayen su wur ematu a kuma etshung ne dzin iye:mpi si ko pea mbug, djwi api se lani. ³⁹ Oyo bagagni mbug, ekiara Yezu, djwi kaku wur ekika kidimbu ne dzin me, mbiyi atubi ipwo djwi na me. ⁴⁰ Epi tuba epwo djwi na sug ali na sug. ⁴¹ Mpi wur enkum eso pea ikobi vayi ngnua ne dzin me ogniang oli e Kristu, mokabagni eviavi, apa vidisa lifuta ende. ⁴² Kansi, yug wur etshug ibag n'emog ileang e ndima, eya lomo djwi na nde wotshug n'enking ebine odjur e achine, mpi wofangi ne vayi e nen. ⁴³ Yug ewo eye eli djwi na ye mbug e masumu, bag woo; ewong oyi n'ewo emog djwi na ye ovi moyo e kieleka. ⁴⁴ Na ngia na mbuo ipe mpi otshu ne bilungi, ne kati etshia epi dzum. ⁴⁵ Yug eku eye eli, djwi na ye mbug e masumu, bag woo; ewong na ye oshwi n'ekom ne luzingu, ⁴⁶ na ngia nku pe wo fangi ne bilungi, ne kati etshia epi dzum. ⁴⁷ Yug dziyi eye eli djwi na ye mbug e masumu, peaba woo; ewong na ye nswe ne ekub Nziam oyi na dziyi emog, oyi na woo ipe mpi wofanga ne bilungi. ⁴⁸ Ondi esuu episingwa, mpi tshia episi dzum. ⁴⁹ Djwi wur enkum alag nde n'etshia. ⁵⁰ Okwa eli vim emog e woo: kansi yug okwa ezanga nsa , e'nde nge si tshug sug djwi vim eyi nsa? yagni n'okwa gnu nkianga gnu, mpi yagni n'etura mpio gnug na gnug.