¹ Eswe nagn, aviar ebele watuba diaka mpi wakayia na madia, Yezu avie wantumwa, mpi atuba. ² Nde la mawa djula aviar ane; wakie nshwoo isar etay elime,mpi wato li ve. ³ Wur makeara lanzia, biwo. Ayachir le mbuk, djula ikabu emuu wayin ntama. ⁴ Wayekoli watuba:ochin nge esi lawo amungn endiye mpe wayur? mpi l'ondi eli kaku vim. ⁵ Yezu ayuwe:amungn endiye kwe elingu la wa? isiambia, otuba wo. ⁶ Mpi wakangn onsi le buu, avey amungn ishianbia, mpi lembig epea ngrasia akabula wo mpe apea wayekoli djula wakabuli wo. ⁷ Ayiwo diaka lamwa ndamu ense vay, mpi Yezu lembig epea ngrasia na Nziam akie kaka otinomok. ⁸ Wala,wayuk mpi wa vara atung ishiambia eyweto l'iting. ⁹ Wayiwo kam iniy lembiwo Yezu akeara. ¹⁰ Ntangu enu avian le war nda bantumwa e mpi wakum le biu Dalamanuta. ¹¹ Wafalaso wayen, wabana tuba wa Yezu mpi wo meka; waling elembo eyim le dzug. ¹² Yezu, ntangu emikeande mpema le molimo atuba,djula nge aman atang ene ,aligne wo koyen elembo? Molabagni eli mpay mingi naman me wayen elembo. ¹³ Mpi asasiang, amata leki ewar djula akum l'ouy emu evay. ¹⁴ Wayekoli wazin na nviara amungn indiy ayiwu kaka imugni imok le war. ¹⁵ Yezu atuba nda wo kangn keba okoyiani keti wafalaso na fulu Herode. ¹⁶ Wayekoli wabanza wulawu mpi watuba:djula kakusu na amungn indiye. ¹⁷ Yezu tangu emayen nde atuba, djula nge etuba gnu kakusu na amungn indiye wagn kaku kaku; kaku basosoli ve? ituri gni ngitshung? ¹⁸ Olagni na kasi opiyenagni ve? olagni athy, opiyuragni ve, nge opiragn ve? ¹⁹ Ntangu ebukime amungni ateam djula aviar kam iteam,asatongnu isale ikwe? djum ipe eyetubiwo. ²⁰ Ntangu ebukime amungn ishiambia djula aviar kam iniy, atongi gnu Isaak ikwe? ishiambia iyitubiwo. ²¹ Mpi atuba:apisosolagni ve? ²² Wakum le Betesda, wavara etay Yezu wur epitshi gne ve. Waling, Yezu okir. ²³ Avey wur epiyen, ovara ti lelien ewiya mpi avey asuyi akwe le viy, mpe yab mbwo lote mbi aywe yuk oyen? ²⁴ Alir, pe atuba:nayen aviar kasi ompiyen etshung ve. ²⁵ Yezu okeantsuk mbwo le viy, ntango emilir wo abika mpi ayen bieu. ²⁶ Mbiy Yezu okeara le vur, atuba:ya swe ve le wiya ²⁷ Yezu akien, bayekole , na kati na bwala Cezare. Ewiya Filipe, na lemvuk wamowe djwi me nde nagn? ²⁸ Watuba ngean: Yoani mbotika mpi amwu, eli amwu, ali ali ngunza. ²⁹ Mbignu aywe mpi, otubagni nge djula me? Petelo atuba:yie ali Kristo . ³⁰ Yezu apum na nkaba aviar vi ande. ³¹ Mbi Yezu abana na nkaba ayen mon 'yur ayande mpay, ayofongowo la ntshuru, ti wanganga nzambi yempi wa kalaka odjawo, mpi afutumuka lemiy nswi isar. ³² Akaba polele viawo. Mpe piene atuba oshin emwu mbi akeani nde le mbuk. ³³ Kasi Yezu, atshim mpi alir wa ntumwa, agneang Petelo, mpe atuba,lembiye me, satana! djula yie mabanza inziam kaku ve, olikaka mabanza viar. ³⁴ Mpi aviye fulu mpi watumwa, akaba yuk ali ngiya etay ime, atun nteang djung nde avari kulonsi inde, mpi andani me. ³⁵ Djwi wur eli na mfunu e ngwum luzingu ende, ayavidisande luzingu ende, kansi wur esividisa luzingu ende djwa na me ye djwi n'otuba o Nzeam, ayavugnde. ³⁶ Mfunu nge la wur na mvea okiri opfugn mpe na mvidisa molimo ende . ³⁷ Vim nge wur esikugnde nsongo na luzingu ende? ³⁸ Kasi wur eyuk nsong djula me mpi otuba le kali aman ntango ekiye bizumba na aviar masumu, mon ewur ayosuk nde nsong, ntangu eyayiande na nkembo eteande mpi wandjo ili santu.