¹ Yezu, ntangu elim nde mpiog, atshunde ne teritoir e Judee n'edzug e yurdan. Oluhu aviar waya ondogmog diaka pembeni ende, mpi otshino mimesana nde, ala pea alwong. ² Wapfarizi oyo ngien; mpi,djwi n'omeka, woo ywe yug wa pea nswa na wum a kima wiar nde. ³ A la kiara:Mose apfugni nge? ⁴ Mose, watuba, apinde nswa na pfugn onkian e mog e djug iviar mpi na nkima wiar. ⁵ Mpi Yezu akaba: eli djwi n'etura buo gnu e Mose apindignu nsiku. ⁶ Kansi n'itshin vi ankum, Nziam akinde ompeam mpi onkiar. ⁷ Djwi na woo ompeam a lim nde Tea mpi mea nde aya kangama nde na wiar nde. ⁸ Mpi wa pe akum woo djung emog. Mbiyi wa pa ya ipe, kansi akum woo wur emog. ⁹ Djwi wur a le na miki emi sangisa Nziam. ¹⁰ Ntangu ekum woo n'evrur, wa longoki wo yie diaka kokog. ¹¹ A lakab: wur kima wiar nde mpi a kea ntsug emu, akie bizuma etayi e nde. ¹² Mpi yug onkiar emog ayisianga wum e nde mpi ayi kea ntsug wum emu, akie bizuma etayi e ende. ¹³ Ovari woo ama na leang, djwi atshuk ewo asami djwi na woo; kansi ba longoki wa ngiang aviar eyi na woo. ¹⁴ Yezu ,ayen ngying, mpi ala kaba: siagni aman aliang wa ye etayi eme, mpi oya pumagni ;djwi ekub e Nziam eli n'aviar eyi kesi woo. ¹⁵ Ndo kabagni eviavi, wur enkum epa yama ekub e Nziam kesi mon'iliang apa ya swe. ¹⁶ Mbiyi a la veyi n'embuo, mpi asakumuni nde,mpi atshug ewoo. ¹⁷ Kesi Yezu eletshukinde, ompeam emog eye niviang, mpi alog nabwong nteang nde: nkum e woo, o ywe nde nge kie me djwi nsa viya luzingu e mvue na mvue? ¹⁸ Yezu akaba:djwi n'ange onvie woo? e woo eli ko ndemien Nziam . ¹⁹ Ojia enkwon: o pa kie kinduma, opa djag, opa kuma, o kun nzia temue oyang, opa kie ipwo ve; pea Tea ti mea ye lokumu. ²⁰ A lokaba: Nkum, aki me viya nkum etuba ye bana bomuana e me. ²¹ Yezu , olir tii, oleang , mpi okaba: eyakwon vim emog: tshuag sar vima ye enkum,pea aviar azanga , mpi aviya ye bomengo ne dzug, mbiyi yag ondani, ²² kansi otuba e Yezu okie mpayi akien na mawa n'etura ; djwi ayinde na vim mingi. ²³ Yezu , a lir pembeni ende, atuba na balongoki: aya wa mpayi djwi n'aviar eyi na kimvuana na nsue ekati ekub e Nziam; ²⁴ Walongoki wa yituka notchino etubi Yezu ,mpi , akea mveyi otuba , ala kaba: Amana me ,eli mpayi n'aviar etshug etura na kimvuama na nswe n'ekub e Nziam. ²⁵ Epa eli mpayi ve djwi na nyam evi wo shiamo na ndag ni tuni sindani na wur ekri na ntshue ekati ekub e Nziam. ²⁶ Wa longoki wa yituka diaka , mpi wa tuba wog na wog; wur nagn ayi kug na mvug? ²⁷ Yezu alir , mpi atuba: egni ekunsalama n'aviar ,kansi epa na Nziam:djwi enkum esalama na Nziam. ²⁸ Petelo abana n'onkaba ;Lir ,si sianga enkum mpi si tolani, ²⁹ Yezu akiara:ndokabagni e viavi, kaku wur e siagna enkum, djwi na me mpi djwi na sango malamu evur ende, atwunga nde a mpeam ti e ankiar, ti mya nde, ti Tea nde, ti aman a nde, ti buu ende. ³⁰ Okiari mbala nkam, opeane ne mvue ene, wa mvrur, atwung a mpeam, ankiar, wa mya wa man mpi wa buu, ti minioki ti ne mvue eyi ya yiar, luzungu ekuon nsuka. ³¹ Mingi e bantete aya woo ba nsuka,mpi mingi ba nsuka akum woo ba ntete. ³² Ayi woo n'embug djwi na nvian ne Yelusalemi, mpi Yezu atshuki nde nteang ewo. Balongoki wakum nginu etshin etshin, mpi woo dje na wom. Mpi Yezu akea mveyi wa djum ni pe pipi e nde, mpi abana na nkaba viya leye djwi na nde. ³³ Lir, siya viana ne Yelusalemi,mpi mon e wur aso pea woo n'ansur e ba nganga nzami mpi ba kalaka. woo bag nkanu ewa, mpi asopea woo na wa mpagn. ³⁴ Aso ywe wo two, asotue woo asuyi,asobere wo enuagn, mpi asodjag woo; mpi ne mbiyi ntshu isar, ayi futumuka nde. ³⁵ Aman e Zebede, Zaki ti Yoani, wa veagna na Yezu, mpi atuba: Nkum, si ya leang oteki eling vim eling sug. ³⁶ Akaba: nge e lingnu mokiagn? ³⁷ Esepi, watuba, si nyemie emog n'ewo wum, emu n'ewo onkiar, ntangu eya ye ne kati enkembo. ³⁸ Yezu akaba: opijiagni vim elingnu. Okukagni na ngua nkeni efuete me ngua, mpi aveyignu mbotika efuteme na mveyi. ³⁹ Asi kug sug, watuba. mpi Yezu akiara: eli ngiyi ayinguagnu nkeni e gnua me, mpi asi veyi gnu mbotika efuete me mvey. ⁴⁰ Kansi djwi na nyeme n'ewo wum ti ewo onkiar enagn epi ndir me, mpi aya pea woo kuna aviar ami wuma ma woo. ⁴¹ Walongoki djum ntangu eyug woo viya nagn, wa bana na mbokuta ti Zaki mpi Yoani. ⁴² Yezu aviye, mpi atuba: ojiagni aviar elir woo kesi wa nkum okiri wa pea mpayi mpi ansur wali ne dzug ewo. ⁴³ Ekwon Nziam n'ekatignu. Kansi wur enkum eling nkum wur enen ne kati egnu ayi nsadi egnu; ⁴⁴ Mpi wur enkum eling nzia ontete ne kati gnu, ayi mpika aviar enkum. ⁴⁵ Djwi mon ewur ayinde, epa djwi wo pi, kansi djwi nankie mpi na pea luzingu kesi lifuta epea woo n'aviar etshing. ⁴⁶ Wakum, ne Jeriko, mpi, Yezu apwe, ti wa longoki mpi oluhu aviar, mone Timee, Bartime, ewign wign emi bue viyi, aniemikinde nikri embug. ⁴⁷ Ayug eli Yezu e Nazarete abana na tshug eliye; mone Davidi, Yezu onzuk mawa! ⁴⁸ Aviar mingi wopum, djwi atshung odjum; kansi atshug eliye buo; mone Davidi onzuk mawa. ⁴⁹ Yezu ayima, mpi atuba: onviyande, wa viye wur me bue viyi, wokaba:tshug buo, nso yima oviye. ⁵⁰ Wur e mi bue viyi apfanga kazaka, mpi ayima ne mbala emog, aya etayi Yezu. ⁵¹ Yezu, aveyi otuba,okabi: nge ling ye mokie? Nkum(Rabbuni), okiari wur emi bue viye, ndi nzen. ⁵² Mpi YEzu okaba: tshuag, lukwikilu eye eto bikisa. ko ntangu enagn akea nzen, mpi alana Yezu ne kati e mbug.