¹ Betanie, n'ombim e wa olivia, Yezu atum ba longoki, ² Atuba:tshuagni ne wiya eli n'eteang gnu; ko ntangu esue gnu, ayi gen gnu ano emog moshing, kaku wur emi nieme; lima inde notshing, mpi jiayinde. ³ Yug wu atokabagn:djwe ange ekiegnu ngiyi? kiaragni: nkum ali na nfunu. Mpi mbale mbale mog wa siagn. ⁴ Walongoki, wakien, wayen ano n'oshing ne lien pipi e emog, niya mbug, mpi wo lima. ⁵ Aviar mu n'ekati aviar eyi kog wa tuba: nge kiegni gnu? Djwi n'ange o ngamagn anoene? ⁶ Wakiara kesi yezu atubile mpi wo sianga akien. ⁷ Wo je etayi Yezu ano, wafanga iliam woo ne dzug inde, mpi Yezu anyeme ne dzug ewo, ⁸ Aviar mingi watana iliami woo n'embug, mpi aviara mu nkayi ebag ka woo ne wa ivur. ⁹ Agni etshu nteang mpi agni elaniki Yezu wa tshug eliye: Hozana! lusakumuna eyi na wur eleye ne dzin nkum! ¹⁰ Lusakumuna eyin'ekub eya Davidi, Tea sug! Hozana n'ondag elag dzug. ¹¹ Yezu asue ne Yelusalemi, ne tempelo. Mbiyi e ndir vim ankum, kesi nkangu elag woo, atshui nde Betani a na wa longoki ende djum n'upe. ¹² Esue elani, mbiyi epue Betani, Yezu a yug nzia. ¹³ Ayen ntama oshung emog efigi eyi na nkayi, a tshu nde ndir yug ayende vim;mpi apusana, ayen ko nkayie mpamba, djwi eka yia nsungi wa figi. ¹⁴ Aveyi otuba: kaku ata wur emog eyala mbuma eye!mpi wa longoki wa yug. ¹⁵ Wa kum Yelusalemi, mpi Yezu asue n'ekati tempelo. Abana na nkuma aviar esaraki mpi achumaka ekati tempelo; atshima wa mesa a aviar esonga ekri, mpi endwo eniemiki asar nkodima. ¹⁶ Mpi aka sianga wur avari ata vim emog ne tempelo. ¹⁷ Alongoki nde mpi atubinde: epa wamifugn:evrur eme aya viewo evrur ebisamu djwi n'okir ofugn? kansi gnu, okiegni ondag e ankia wumu. ¹⁸ Ansur e wa nganga Nzambi mpi walaka etugn enkian,ntangu eyug woo, walingotshino nge o djug nde; kansi ayukiwoo womo, djwi malongi ende akir woo oluhu aviar. ¹⁹ Wakum epiekuo, Yezu apwe ne vile. ²⁰ Ne suka ntangu elag nde, walongoki wayen oshing etigi nga yum ti ne misisa. ²¹ Petelo, amikana viya ilagi, atuba na Yezu: Fumu, lir ochung figi e shinge ye eyum. ²² Yezu aveyi otuba, mpi atuba: yagn na lukwikilu na Nziam. ²³ Ndo kabagni eviavi, yug wur ayituba n'ombim ene: lim kog mpi tuag olog ne vayi anen, mpi yug aka tshug esiyi n'etura ende, kansi aya ndima viya tuba nde ayi kugwoo, ayagen nde e kug. ²⁴ Otshino nagn, mokabagn: enkum elingignu n'embug bisamu, ndemagni koyiviagni, mpi ayengn ekug. ²⁵ Mpi ntangu eyiye ngayima okie bisamu,yug oli na djui na wur, limbisa nde, djwi teagnu eli djug so limbisande masumu egnu. ²⁶ Kansi yug opi limbisagni teagnu eli ne djug apo olimbisa nde masumu egnu. ²⁷ Wa kia nsa Yelusalemi, na ntangu ekieneki Yezu ne tempelo, wi nsur ba nganga Nzambi, wa kalaka etugn enkian mpi wa ansur e dibundu wa ya etayi nde, ²⁸ Mpi wo kaba: ne kiyeka nge ekieye vima ne, mpi nagn opi kiyeka na kie wog? ²⁹ Yezu akiara:aso yugni me djwi; onkiaragni mvutu mpi asokabagnu ne kiyeka nge ekienme viya ene. ³⁰ Mbotika e Yoani eyim dzug,to n'aviar? okiansni mvutu. ³¹ Kansi wayindula wog na wog: yug simi kiara: yum le dzug, asitubande: djwa nge ekondimagnu nde? ³² Mpi yug sitikiara: avear ... atsangyugwo peple wom, djwi aviar ankum aveyikiwo Yoani kesi profeta. ³³ Wakiara Yezu: Sipijia. Mpi Yezu avura: Me mpi mpijia, mpokabagni na kiyeka nge ekieme vi ane.