¹ Yezu akia nsue ne sinagoga. Netiy ayiwo na wur eyeyi n'ewuo e ngeyum. ² Alirikiwo Yezu, djuna ndir yu asobikisa nde esui e saba: enay ayu djuna wofugni. ³ Yezo atuba na wur eyiyi n'ewuoengiyum:yina, mpign ne kati kati. ⁴ Mbiy atuba ndiawo:wami pea nsua esur e saba , nankie wuo to na nkie ipwo, na mvua wur to n'ondjag? kansi wayia pwo. ⁵ Mbiy, alir a viar na viy a ngiy, na mpay djuna etura biu iwo, atuba na wur ewo:shima ewuo eyie. Ashima ewuo, mpi ewuo ende e beluka. ⁶ Wafarisia wapwe, mbai'emog wayiywe na aviar e Eradi djuna ndig mpila ondjag. ⁷ Yezu alim atsa etag e nzeyi ndia wantumua inde. Olwi aviar wodjie wayum Galilea, amuu Yuda. ⁸ Amuu Yerusalema, amuu idumea, tii olenge Yordane, mpi wa i pipi na tiri na Sidoni,alwi aviar, eyiyug ki viankum akikinde, wayia etay ende ⁹ Awigna na wantumua inde wowum djuma nde imoni war, djuna olwi aviar wokognege. ¹⁰ Djuna, otin avugkinde aviar ensing, aviar a nkiang ankum alog kiwo na djug inde djuna n'onkir. ¹¹ Wa mpeve ipwo,ntangoyoyen wo,kur abuong ne ntiang ende, mpi wa tshia elie: oli mon e Nziam. ¹² Kansi nde abine nde atiy biu djuna wakuon ntuba viande. ¹³ Mbiy aviar ne nguma;avie aviar ayileande mvie, mpi yayia pipi na nde. ¹⁴ Ason viar djum n'epe, dju wayi nande, mpi atum na ntsa ndog. ¹⁵ Na biu e nkema wa mpeve ipwo. ¹⁶ Lir aviar djum n'epe eyi tsug nde:Simon, eyi piy nde dzin e Petelo. ¹⁷ Zaki, mon e Zebede, ti Yoan, otung e Zaki, ayapiy nde dzin e Boanergese, eli ntuba aman a nzar, ¹⁸ Andrea,Filipi, Bartemi, Matay,Zaki, mon e Alfe, Tade, Simonie e Cananito, ¹⁹ mpi Yuda Isikario, wur Eyisar Yezu.Watsa n'evuru. ²⁰ Mpi olwi e viar wasangana diaka, n'otin nde Yezu na wantumua ende yaka yia diaka na mpila enda. ²¹ Bibuti i Yezo, eyiyug wo viy alelag, wayia djunn'onkir; djuna atubikiwo: atikwon wagni. ²² Wa kalaka , eyiyum Yerusaleme, atubiwo: Ali na mpeve epwo e Belsebulu; eli ne mbug e nkum ewa demona eli kuminde wa demona. ²³ Yezo avia, mpi atuba ndia wo ne mbug e bingana:otin nge satana aqlena nkema satana? ²⁴ Yug ekub nkiang ewo elinginam, ekub enay epa zinga. ²⁵ Mpi yu evuru wemie elinginam, evuru enay epa zinga. ²⁶ Yu mpi satana atitomboka ndemie, alinginam mpi apikug nzinga, kansi asalami wo nde. ²⁷ Kaku wur e fana nsue n'evur e wur e biu mpi akumi vim ande, yu nteang wakotsung wur e biu eshing mbiy wavey vim ande. ²⁸ Ndokabagni e djwidjwi, masumu inkumu aman aviar mpi na itiy otuba aviar Nziam ayitukbikiwo, ayaviawo ndolua; ²⁹ Kansi wur e tue mpeve santu apayasavia ndolula ata eswi emog:ativia emu e disumu otshog. ³⁰ Yezu atubindi ngegn djuna atubikiwo:djuna nde, aki na mpe epwo. ³¹ Mea ti atung a Yezu wayia, eyimiwo n'elien, watum wur n'onvie. ³² Oluy e viar akiy wo ansi yatshig Yezu ne kati kati, ''mpi yatuba nande: Lir, mea yie ti atung ayie wali n'elien mpi atung wayiling. ³³ Okiara: nagn eli mea me, mpi atung ame wanagn? ³⁴ Mbiy, alir aviar eyyi nge keansi nande atuba:lir mea me ti atung ame. ³⁵ Djuna, wur enkum ekie luzolo e Nziam, wur enay ali atung eme, otung eme ompeam, onkiar mpi mea me.