¹ Ne mbiy e nswi,Yezu akia ne kapernaum. Wa yug nde ali n'enur. ² Aviar entsing wakutana mpi ekayia diaka n'ndiy ne ntuang apfug djuna aviar ankum wakug. Alongi nde along. ³ Aviar wayia etay ende, wevari wur'ekom n'aviar anigni. ⁴ Kamsi wakakug ne tuba nande, djuna ngem'aviar, wagnama otuon evuru endiy eyindi, mpi wakiya n'itunu enagn ntir eyi vur wur'ekom. ⁵ Yezu, ayen lukwikilu ewo, atuba na ,wur'ekom;mon me, masumu iyie ivia ndolula. ⁶ Ayiwu kog na wa kalaka, eyiyi ngekiansi, mpi eyitubiki n'itura:otin nge wur ene etubande ngay? okolama. ⁷ Wur nagni efana ndolula masumu, yu epa Nziam ndemie? ⁸ Yezu, ntang ejinde mbala emog ne mbug e mpeve ngindu eyiyi n'itura iwo, atuba ndiawo:Djuna nge elignu na wa ngindu otsin enagni n'itura ignu? ⁹ Nge eli kuluta wuo, na ntuba na wur'ekom:masumu iyie ivia ndolula, too na ntuba: yima , vey mbeto eyie mpi kien? ¹⁰ Kansi, djuna ojiagni nde mon e wur ali n'ekub e ndolula masumu iviar ne buu. ¹¹ Nguopea mitindu, otuba na wur wur'ekom, yima, vey mboto eyie, mpi tshog evur eyi. ¹² Mpi ne mbal'emog,ayima, avey mbeto ende mpi apwe na viy aviar enkum, n'otin nde aviar ankum wayen ngituka mpi wakumisa Nziam, watuba: sitotigningien viy otin ene. ¹³ Yezu akia mpwe n'etay e nzeyi. Ngrima aviar ankum wayia etay nde, mpi Yezu alog. ¹⁴ Ne ndag ende, ayen Lewi, mon e Alfe, akiansi n'endie efutawo ekiri. Atuba nande: ondani. Lewi ayima mpi odjie. ¹⁵ Ntang eyilikinde ne mesa n'evur e Lewi,wa publika entsing na aviar apwo wa yia nda ende emog n'ande intsing eyodjiy. ¹⁶ Wa klaka, na wa farisia, eyoyen wo ala ndia wa publika na aviar apwo, watuba na wantumwa inde: djuna nge elande mpi egnonde viana ndia wa publika na aviar apwo? ¹⁷ Eyiyug Yezu viawu, qatuba ndiawo: epa eli aviar akwon nkiang etsa ngia na mfumu e munganga, kansi aviara nkiang. Nkayia djuna mvie aviar a masonga, kansi na mvie aviar a masumu. ¹⁸ Wa ntumua e Yoan na wa farisia wakila. Wajia tuba na Yezu: ''djuna nge wantumua i Yoan ti wantumua ewa farisia wakila, kansi iyie waleli mpi kili?'' ¹⁹ Yezu akiara:iwur i wum wa fuete nkila ntang eli wum ndia wuo? Ntang eli wum ndia wuo, wqapi kug ,nkila. ²⁰ Ntshwi ayayiawo ntang eyakuma wo wum mpi ayakilawo n'eswi enay. ²¹ Kaku wur emog eku ntung indiemog etay eliam empa ekavara etin eliam engignugni, mpi otay ayiawu epwo. ²² Mpi wur epikug nsug viana empa ne wa ipfuyi engegnugni; yu kaku viana asiyara wo ipfuyi,mpi asivilisa wona viana na ipfuyi; kansi eloma na ntsig viana ampa n'ipfuyi impa. ²⁴ Eswiy emog e saba,Yezu eleleg kinde ne kati ivur i bile. wantumua inde, ntang eleleg wo, wabana mogo awunu i bile. ²³ Wa farisia woyionkaba:''Tolir, djuna na nge wantumua ekiewo, vum amipumwo nankie na ntang e saba? ²⁵ Yezu akiara:ototangigni viy ayiki David, ntang eyiyu nde na nzia mpe na mfunu enda nde ndia aviar eyi nande? ²⁶ Otsin eyiswinde n'evur'e Nziam, ne ntang e nganga Nziam enen Abiatari, mpi ala mampa otshia e Nziam, eyipiwo nswa ende kuna wanganga Nzami, mpi apea nkutu ti n'aviar eyiyi nande! ²⁷ Mbiy atuba na wo:saba asalami wo djuna wur, epa wur djuna saba. ²⁸ N'otur o nagn mon e wur ali nkum tii e saba.