¹ Itsin evanzili e Yeszu Kristo mon'e Nziam. ² Otin emifugni wu n'onkean e Esaya profeta: lir, ngia tum ne nteang e gnug longi eme, na ngidika mbug eyie; ³ El'otuba e wur eletshung olie n'oawiy: yidikagni mbug e nkum, bongisagni wa mbug inde. ⁴ Yoan apwinde, apikinde mbotika n'swiy, mpi alongiki nde via mbotika e nshima etura, djuna ndolula e masumu. ⁵ Okir enkum e yudea na aviar ankum a Yerusaleme atsiki wo atay ende; mpi na mfungunaka masumu iwo aveyi wo mbotika nande ne nzeyi e yordani. ⁶ Yoan ayinde n'eleam e vieyi e shiama, okabu e mpuyi i gnam n'ikini ende. Alikinde abampay na mpag okun. ⁷ Alongikinde, na ntuba:wur eleyi ne mbiy eme endenge na biu, mpi me mpikug n'ongama eshin e sabata. ⁸ Me, ndopia gni mbotika ne vayi; nde, ayo peagni nde e mpeve santu. ⁹ Ne ntang enay, Yeso ayum nde Nazareta e Galilea, mpi ayindi mvey mbotika etay e Yoan ne Yordane. ¹⁰ Ntang eyi pwinde ne vayi, ayen olung etingam mpi mpeve santu aker ne dzug inde kamsi nkodima. ¹¹ Mbiy, otuba emog etuba eyum olung:Ene eli mon' me e nsea, n'ande mi tshug ngagn eme enkum. ¹² Ne ntang enagn, mpeve santu atum Yeso n'oswiy, ¹³ Mpioy akie ntswi oning, avia mpukumuna e satana. Ayindi ti ya gna okun, ti wa wanjio eyosadisiki. ¹⁴ Ntang'eyishir wo ntshung Yoan, Yoan ne Galilea, alongikinde avanzili e Nziam. ¹⁵ Atubiki nde:ntang eyikug, mpi ekub e Nziam evianga. Tshimagni itura, mpi ndimagni oshong e wuo. ¹⁶ Ntang eyilagikinde mbiama na nzeyi e Galilea, ayen Simoni ndia Andrea, otung e Simoni, ayituomiki oshing ne nzeyi; djuna ayikiwo aviar alobe nse. ¹⁷ Yezu atuba ndia wo:ondjiagni, mpi ayokumisagni me viar alobe aviar. ¹⁸ Ne ntang enagn, waseanga esing, waseanga esing, sodji wo nde. ¹⁹ Ntang eyi kunde etey, ayen Zaki, mon e Zebede, mpi Yoan, otung nde, eyi, wu mpu, ayiwu ne war mpi wayidika eshing. ²⁰ Ne ntang enagn, s'avinde, mpi, wa seanga Tea wo Zebede ne war ti aviar otshia, wodjie. ²¹ Wa tsha Kapernaom. Mpi, eswiy e saba Yezu asue ntete ne sinagoga, mpi alonge along. ²² Aviar ayituki wo n'along ande; djuna alongikinde kamsi na kiyeka, epa kamsi wa kalaka(sikribi). ²³ Ne tuy e sinagoga ayiwu na wur eyi na mpeve ipwo, mpi eyitshig olie: ²⁴ Viawu nge eli kati na sug na yie, Yezu e nazareta? Ayiyie djuna mvidisa aviar. Ndajia wur eliyie:santu e Nziam. ²⁵ Yezu s'ogniangi nde, na ntuba: tshung tsung odjum, mpi pwe ne djug i wur ine. ²⁶ Mpi mpeve ipwo ipwe ne djug i wur enay, e oningisa na biu, mpi atsug olieo biu. ²⁷ Aviar ankum wayen ngituka, s'awuyue wu na wu:wene nge? along ampa! Ayapia mitindu na ata na mpeve ipwo, mpi wayo lemfuka! ²⁸ Mbiy lukumu ende epagn eviang n'endie enkum eyi pipi na Galilea. ²⁹ Nempue wole ne sinagoga, watsa wia Zaki na Yoan n'evura e Simoni ndia Andre. ³⁰ Okio e Simoni ayindi ngevur, ayindi oshong e nkiang e mea ewo. ³¹ Ntang evianginde,otelemisa okir n'ewuo,mbal'emog fevre eshir. Mbiy onkkiar ewo opia vum anda. ³² Epiekwo, ntang eyiji vun, wojie viar ankum'ankeang mpi viar alina mpeve ipwo. ³³ Mpi aviar a wiya onen enkum wajia kimfuka ne ntiang e epfug ende. ³⁴ Avua aviar etshing e nkiang etshin n'etshing; akema mpi mpeve ipwo entsing, mpi akapia nsua entuba, djuna ofikiwo. ³⁵ Ne liy liy, ntang eyi ntete ko mpib, endie esamikinde. ³⁶ Simoni ndia aviar eyiyiy nande wabana n'onding. ³⁷ Mbiy ntang eyoyen wo, watuba nande:aviar ankum wayoling. ³⁸ Nde apia mvutu:nso'agni etang ikiy, nsindong along mpi, eli djuna wo eyipwe me. ³⁹ Mbiy atsa ndong ne wa sinagoga, ne Galilea enkum, mpi akema wa mpeve ipwo. ⁴⁰ Wur e nkeang e wazi ayinde ayinde na Yezu, afukama, atuba n'otsin e ngebondila nande:yu oyaleang, ontieme. ⁴¹ Yezu, ayug ngiy, ashima ewuo, okir, mpi atuba:Ndaleang, yia ngitieme. ⁴² Ne ntang enagn, nkiang e wazi elim, mpi akum ngitieme. ⁴³ Yezu okiara mbal'emog, na wa mitindo i biu. ⁴⁴ Mpi atuba n'ande: olekabiki wur; kansi tshog nganga Nziami oyen, mpi pea djuna nge tieme eyie nsiku eyipi Mose, djuna eyi mbanu. ⁴⁵ Kansi wur ene, eyikiende, abana ntuba etay enkum na biu viy'awu, na nkaba avear, ekun nde kuku diaka mpila enashue Yezu ne wia enen ne viyaviar. asanditsua n'elien, n''endie ekwon vim, mpi aviar ayum etay n'etay ayukiwo etay ende.