¹ Sady nitsanga niaraky tamin'ireo mpisoro rahalahiny i Eliasiba mpisoronabe, la nagnamboatsy gny Vavahadin'aondry rozy. Natokan-drozy izay sady napetrany tamin'ny toerany gny varavarany. Natokan-drozy hatrany amin'ny Tilikambon'ny Zato lahy ka hatrany amin'ny Tilikambon'i Hananela izay. ² Tafarany ro niasa gny olon'i Jeriko, sady niasa tafaran-drozy i Zakora anaky lahin'i Imry. ³ Namboarin'ireo anaky lahin'i Hasena gny Vavahadin'ny Hazandrano. Nanao andry ho gnan'izay rozy, sady nametraky gny varavarany, gny hiliny, noho gny barany. ⁴ Sady Meremota ro nagnamboatsy gny faritsy nagnaraky izay. Ie la anaky lahin'i Oria anaky lahin'i Hakoza. Tafaran-drozy ro nagnamboatsy i Mesolama. Ie la anaky lahin'i Berekia anaky lahin'i Mesezabela. Tafaran-drozy ro nagnamboatsy i Zadoka. Ie la anaky lahin'i Bana. ⁵ Tafaran-drozy gny Tekoita ro nagnamboatsy, fa tsy nanaiky hanao gny asa nampanaovin'ny mpagnara-maso gnazy mpitarikin-drozy. ⁶ Joiada anaky lahin'i Pasea noho Mesolama anaky lahin'i Besodia ro nagnamboatsy gny Vavahady Taloha. Nanao andry ho gnan'izay rozy, sady nametraky gny varavarany, gny hiliny, noho gny barany. ⁷ Tafaran-drozy i Melatia Gibeonita noho Jadona Merononita, zay olon'i Gibeona noho Mizpa ro nanao fagnamboara teo amin'ny faritsy nipetrahan'ny governoran'ny Faritany Tandrifin'ny Ony. ⁸ Oziela anaky lahin'i Haraia ro teo agnilany, raiky amin'ireo mpanefy volamena, ro nagnamboatsy, sady teo agnilany i Hanania, zay mpanao ranomaritra. Nampolin-drozy namboary i Jerosalema hatragny amin'ny Rindry Bevata. ⁹ Teo agnilan-drozy i Refaia anaky lahin'i Hora ro nagnamboatsy. Ie ro mpanapaky gny antsasaky gny distrikan'i Jerosalema. ¹⁰ Tafaran-drozy la i Jedaia anaky lahin'i Haromafa ro nagnamboatsy gny teo agnilan'ny tragnony. Tafarany la Hatosy anaky lahin'i Hasabnia ro nagnamboatsy. ¹¹ Malkia anaky lahin'i Harima voho Hasoba anaky lahin'i Pahatamoaba la nagnamboatsy faritsy hafa magnaraky gny Tilikambon'ny Fatana. ¹² Tafaran-drozy la i Saloma anaky lahin'i Halohesy, zay mpanapaky gny antsasaky gny distrikan'i Jerosalema, la nagnamboatsy, nisondry tamin'ireo anany ampela. ¹³ Hanona noho reo ,olon'i Zanoa la nagnamboatsy gny Vavahadin'ny Lohasaha. Nampolin-drozy naory zay sady napetrany gny varavarany, gny hiliny, noho gny barany. Nagnamboatsy mira arivo hakiho hatragny amin'ny Vavahadin-Jeziky rozy. ¹⁴ Malkia anaky lahin'i Rekaba, mpanapaky gny distrikan'i Beti-Hakerema, ro nagnamboatsy gny Vavahadin-Jeziky. Ie ro nagnamboatsy izay, sady nametraky gny varavarany, gny hiliny, noho gny barany. ¹⁵ Saloma anaky lahin'i Kola-Hoze, mpanapaky gny distrikan'i Mizpa, ro nampimpoly nagnamboatsy gny Vavahadin'ny Loharano. Ie ro nagnamboatsy izay, sady nandrakoky izay noho barany. Ie avao koa ro nampimpoly nagnamboatsy gny mandan'ny Farihin'i Siloa zay teo agnilan'ny zaridainan'ny mpanjaka, hatragny amin'ny tohatsy mizotso magnagny amin'ny tanan'i Davida. ¹⁶ Nehemia anaky lahin'i Azboka, mpanapaky gny antsasaky gny distrikan'i Beti-Zora, la nagnamboatsy teo amin'ny toera mandalo eo amin'ny lolon'i Davida, hatragny amin'ny farihy nataon'olombelo, ka hatragny amin'ny tragnon'ireo olo mahery. ¹⁷ Tafany la gny Levita ro nagnamboatsy, ao agnatin'izay i Rehoma anaky lahin'i Bany, sady nagnaraky gnazy, Hasabia, gny mpanapaky gny antsasaky gny distrikan'i Keila, ho gnan'ny distrikany. ¹⁸ Nagnamboatsy teo agnilany gny olon-drozy, tao agnatin'izay i Bavay anaky lahin'i Henadada, mpanapaky gny antsasaky gny distrikan'i Keila. ¹⁹ Tafarany, la Ezera anaky lahin'i Jesoa, mpanapaky tao Mizpa, ro nagnamboatsy faritsy hafa nagnatriky gny fiakara magnagny amin'ny tragno fitehiriza fitaovam-pialia teo an-joron'ny manda. ²⁰ Teo agnilany la nagnolo-tena nagnamboatsy faritsy hafa i Baroka anaky lahin'i Zabay, bakeo amin'ny zoron-dridry hatragny amin'ny varavaran-tragnon'i Eliasiba mpisoronabe. ²¹ Nagnamboatsy faritsy hafa teo agnilany i Meremota anaky lahin'i Oria anak'i Hakoza, bakeo amin'ny varavaran-tragnon'i Eliasiba ka hatragny amin'ny faran'ny tragnon'i Eliasiba. ²² Tafarany la reo mpisoro, johary bakamin'ny faritsy magnodidy gnan'i Jerosalema, ro nagnamboatsy. ²³ Tafaran-drozy la Benjamina noho Hasoba ro nagnamboatsy nagnandrify gny tragnon-drozy manoka. ²⁴ Tafarany i Binoy anaky lahin'i Henadada la nagnamboatsy faritsy hafa, bakeo amin'ny tragnon'i Azaria hatragny amin'ny zoron'ny manda. ²⁵ Palala anaky lahin'i Ozay la nagnamboatsy gny magnatriky gny zoron'ny manda noho gny tilikambo zay mitohy miakatsy bakeo amin'ny tragno abon'ny mpanjaka eo amin'ny tokotanin'ny mpiamby. Pedaia anaky lahin'i Parosy ro nagnamboatsy teo agnilany. ²⁶ Sady reo mpanompon'ny tempoly nipetraky tao Ofela la nagnamboatsy hatreo amin'ny tandrifin'ny Vavahadin-Drano atimon'ny tilikambo bevata. ²⁷ Nagnaraky gnazy la nagnamboatsy faritsy hafa gny Tekoita zay tandrifin'ny tilikambo bevata hatragny amin'ny mandan'i Ofela. ²⁸ Reo mpisoro la nagnamboatsy gny teo agnabon'ny Vavahadin-tsoavaly, zay tandrifin'ny tragnon'ny kiraidraiky. ²⁹ Nagnamboatsy gny faritsy hafa tandrifin'ny tragnony teo agnilan-drozy i Zadoka anaky lahin'i Imera. Sady nagnamboatsy teo agnilany i Semaia anaky lahin'i Sekania, mpiamby gny vavahady atignana. ³⁰ Nagnamboatsy faritsy hafa teo agnilany i Hanania anaky lahin'i Selemia, noho hanona gny anaky lahy fahenin'i Zalafa. Nagnaraky gnazy i Mesolama anaky lahin'i Berekia zay nagnamboatsygny tandrifin'ny efitragnony. ³¹ Teo agnilany i Malkia, raiky amin'ireo mpanefy volamena, zay nagnamboatsy gny tragnon'ny mpanompo an-tempoly noho reo mpivarotsy zay tandrifin'ny Vavahady Fanendrea noho gny efitragno agnabo teo an-jorony. ³² Reo mpanefy volamena noho reo mpivarotsy la nagnamboatsy gny teo agnelagnelan'ny efitragno agnabo teo an-jorony voho gny Vavahadin'Ondry.