¹ La namaly Bildada zay Sohita ka nivola hoe: ² ' Zisiky mbia ro hivola reo raha reo iha? Zisiky mbia gny safa aloky gny molotsy ro ho lasa tsioky mahery? ³ Mamadiky gny rariny va Ndranagnahary? Mamadiky gny fahamarigna va gny Tsitoha? ⁴ Fa nanota taminy gny anakao; haintsika io, fa nameany teo an-tagnan'ny fahotany rozy. ⁵ Hevero fa nila gnan-Dranagnahary mare iha sady nampiseho gny fangatahanao tamin'ny Tsitoha. ⁶ Laha malio voho mahity iha, la azo antoky fa hiamby gnanao Ie sady hampimpoly gnanao eo amin'ny toeran'ny fahamarignanao. ⁷ Ka la kely aza ro niandohanao, la ho bevata mare ro hiafaranao. ⁸ Agnontanio lahy reo avorohota taloha, voho fantaro zay nianaran'ny razambenao. ⁹ ( Fa tsika la vao teraky nimaly sady tsy mahay ndra ini ino fotony aloky gny androntsika etoy an-tany). ¹⁰ tsy hampianatsy gnanao va rozy ka hisafa aminao? Tsy hivola reo safa bakao am-pony va rozy? ¹¹ Afaky mitombo va gny zozori laha tsy misy ketsaketsa? Afaky mitombo va gny volotara laha tsy misy rano? ¹² Laha mbo maitso voho tsy voakapa rozy, la malazo alohan'ny zava-maniry hafa. ¹³ Manahaky gnan'io koa gny lalan'ireo iaby zay magnaligno gnan-Dranagnahary, ho rava gny fanantenan'ny mpaniratsira. ¹⁴ Hiala gny tokiny , sady fahatokiany la marefo manahaky gny tragnon-kala. ¹⁵ Hitehina amin'ny tragnony ie, fa tsy hanoha gnazy io; hitanjaky gnan'io ie, nefa tsy hahazaka io. Eo agnabon'ny masoandro la maitso ie, sady gny sampany miboaky eo amin'ny zaridainany manontolo. ¹⁷ Gny fakany la voafogno korotam-bato; mila toera soa eo amin'ny vato rozy. ¹⁸ Fa laha nopotehy hiala amin'ny toerany io olo io,la handa gnazy io toera io ka hivola hoe:" Mbo tsy nahita gnanao zao aho." ¹⁹ Ingo, io gny " fazotoan'ny" fitondran-tenan'ny olo manahaky gnan'io; sady hisy zava-maniry hafa hitsimky eo amin'ny nofon-tany mitovy eo amin'ny toerany. ²⁰ Ingo, Ndranagnahary tsy hagnary johary raiky tsy manan-tsiny ; na handay gny tagnan'ny mpanao raty ²¹ Mbo ho fenoany fiheheza avao gny vavanao, voho fandrengea gny sognina. ²² Reo zay malay gnanao la hisiky hegnatsy; sady tsy hisy sasy gny lain'ny raty fagnahy."