¹ Moa va gny olo tsy mana asa mahery eto an-tany? Moa va gny androny tsy mitovy amin'ny andron'ny johary raiky nikarama? ² Manahaky gny andevo raiky magniry mare gny aloky gny hariva, manahaky gny johary raiky mila gny karamany__ ³ Ka la natao mba hiaritsy gny volan'ny fikorontana aho. ⁴ Lafa mandry aho, la milaza amin'ny vatako hoe: Mbia aho ro hifoha sady mbia gny haly ro lasa?" Nivadibadiky ambony ambany aho mandra-parainy gn'andro. ⁵ Nisiky kankana voho baingan-tany gny nofoko; maiky gny fery tamin'ny hoditso voho bakeo la afaky ady mimpoly ndraiky. ⁶ malaky mandeha noho gny famahanantenona gny androko; mandalo tsy misy fanantena reo. ⁷ Ry Ndranagnahary, tarovo fa gny fiaignako la fofonaina raiky avao ; tsy hahita soa sasy gny masoko. ⁸ Gny fijerin-Dranagnahary , zay mahita gnahy, la tsy hahita gnahy sasy; gny fijerin-Dranagnahary la ho eo amiko, kanefa tsy hisy aho. ⁹ Manahaky gny hiboky rava voho mihelina, la manahaky gnan'io koa ro tsy hiakaran'izay mizotso agny amin'ny Fiaignan-tsy hita sasy. ¹⁰ Tsy himpoly agny ie; ndra gny fipetrahany aza tsy hahalala gnazy sasy. ¹¹ Nohon'io tsy hagnakombo gny vavako aho; fa hivola amin'ny fangirifirian'ny fagnahiko; hitaray amin'ny hafaitsin'ny fagnahiko aho. ¹² Moa va na biby masiaky an-dranomasina ro asianao fiambena eo amiko? ¹³ Lafa mivola aho hoe: Hampionona gnahy gny kitreliko, sady gny fandriako hampijano gny fitaraignako; ¹⁴ la mampatahotsy gnahy amin'ny nofy voho mampihorohoro gnahy amin'ny alalan'ny fahita Iha, ¹⁵ mba hifilianako gny fanaknda voho fahafatesa manahaky gnan'izay miaro reto taolako reto. ¹⁶ Halako gny fiaignako; tsy magniry gny ho velo lalandava aho; engao raiky avao aho fa tsy misy dikany gny androko. ¹⁷ Ino moa gny olo ro tokony hiahianao, ro tokony rarahianao, ¹⁸ ro tokony ho dinihinao isaky maray voho tsapanao amin'ny fotoa iaby? ¹⁹ Mandra-pahovia io alohan'ny hialanao amiko, alohan'ny hamelanao gnahy raiky avao ampy hitelegnako gny iviko? ²⁰ Ndra la nanota aza aho, la ho ino moa io, Iha zay mandiniky gny olo? Nagnino Iha ro nikendry gnahy, mba ho enta-mavesatsy ho gnanao? ²¹ Nagnino Iha ro tsy mamela gny hadisoako voho mangalaky gny heloko? Fa amizao aho la handry amin'ny vovoky; hila gnahy mare Iha, fa tsy hisy aho."