¹ La namaly Joba ka nivola hoe: ² Eh, laha mba voalanja moa gny fangirifiriako; laha mba natao teo amin'ny mizana iaby moa gny loza nanjo gnahy iaby! ³ Fa amizao la mavesatsy tokoa noho gy fasi-driaky io. Ka io ro mahatonga reo safako tsy am-pihevera. ⁴ Fa gny ana-sipikan'ny Tsitoha la ato amiko, mino poizy gny fagnahiko; reo fampihorohoroan-Dranagnahary la milahatsy hanohitsy gnahy. ⁵ Magneno mare va gny ampondran-dia laha mana akata? Na gny aomby hitrena nohon'ny mosary laha manam-bilo? ⁶ Sady zay tsy misy tsiro va azo hohany laha tsy misy sira? Na misy tsirony va gny tapotsin'atoly? ⁷ Manda gny hikasiky gnan'ireo aho; manahaky gny sakafo maharikoriko gnahy reo. ⁸ Eh, enga anie ka ho azoko gny fangatahako; eh, enga anie ka hamen-Dranagnahary gnahy gny raha zay iriko mare: ⁹ mba ho sitrakin-Dranagnahary gny hanorotoro gnahy ndraiky mandeha, ka hagnampatsy gny tagnany sady hangalaky gnahy amin'ny toy fiaigna toy Ie! ¹⁰ Ao mbo ho fiononako zao__ ndra la mazoto ao ami'ny tebiteby zay tsy mihena aza aho: fa tsy nanda gny safan'ilay Raiky Masy aho. ¹¹ Ino moa ro heriko, ro mbo tokony hiezaky handigny avao aho? Ino ro hiafarako, ro tokony ho halavako gny androko? ¹² Herim-bato va gny heriko? Na vita amin'ny saba va gny nofoko? ¹³ Tsy marina va fa tsy misy fagnampia sasy ao amin'ny vatako, sady io fahendrea io fa nalako tamiko? ¹⁴ Ho gnan'ny olo zay fa ho ketraky, gny fahatokia ro tokony hasehon'ny namany; ndra la ain'izay nahafoy gny fahatahora gny Tsiha aza. ¹⁵ Fa reo rahalahiko la nahatoky tamiko manahaky gny ranotrambo agny agn'efitsy, manahaky gny lakan-drono zay mandalo avao , ¹⁶ zay mahiky nohon'ny ranomnadry ao amin-drozy, sady manahaky ao amin-drozy . ¹⁷ Sady lafa rava rozy, la manjavo; lafa mafana , la mitsoniky am-pipetrahany. ¹⁸ Gny rodobe zay mandeha amin'ny lalany la niodaky hila rano; mirenireny egny an-tany tsy mamokatsy rozy regny ka la ninga. ¹⁹ Gny rodobe bakagny Tema la nijilo tegny, laha nanenta gnan-drozy gny antokon'i Sheba. ²⁰ Diso fanantena rozy noho gny fahatokiany fa hahta rano. Nandeha tagny rozy, kanefa voafitaky. ²¹ Fa amizao nareo namako la tsinontsino amiko; mahita gny raha mahatsiravina nanjo gnahy nareo ka matahotsy. ²² Nivola taminareo va aho hoe:" ameo raha aho? Na hoe: Hanolory fagnomeza bakamin'ny hanagnanareo aho? ²³ Na hoe: avoto amin'ny tagnan'ireo fahavaloko aho? Na hoe : afaho amin'ny tagnan'ireo mpampijaly ahy aho?" ²⁴ Ampianaro aho,la ho tanjahako gny fahanginako; ataovo zay hahatakarako hoe taia ro nahadiso ahy. ²⁵ Endrey gny ha rarin'ny teny marina! Kanefa gny fandresen-dahatrareo, akory gny tenna hanagnan'ireo gnahy? ²⁶ Mikasa gny hanao tsinontsino gny safako va nareo, manao gny safan'ny olo mamoy fa hanamahy gny tsioky? ²⁷ Eka tokoa, miloka gny zaza kamboty raiky nareo, sady nialy varotsy amin'ny namanareo manahaky gny entam-barotsy. ²⁸ Ka amizao, mba henteo lahy aho, fa tena tsy mba havandy eo agnatrehan'ny tarehinareo aho. ²⁹ Mijano, mitalaho aminareo aho; ao tsy hisy fahamarina eo aminareo; eka tokoa , mijano, fa marina gny adiko. ³⁰ Misy faharatia va eo amin'ny lelako? Tsy afaky mamahay gny raha raty va gny vavako?