¹ Azo antoky fa misy toeram-pitrandraha volafoty, toera zay fagnaliovan-drozy volamena. ² Gny vy la nalany bakamin'ny tany; gny saba la mitsoniky miala bakamin'ny vato. ³ Mampisava gny maiky olo ka mikaroky, hatrany amin'ny fetra lavitsy mare, gny vato agny agnaty maiky voho aizin-kitroky. ⁴ Mihaly lavaky miala gny toera hipetraran'ny olo ie, toera zay fa nihalignon'ny olo. Mihanto lavitsy gny olo ie; mitsingevaheva eto voho eroe ie. ⁵ Laha gny amin'ny tany, zay iboahan'ny mofo, la mivaliky ao ambany manahaky gny tamin'ny alalan'ny bolo izay. ⁶ Gny vaton'izay toera ahita reo safira, sady gny lemboky la misy volamena. ⁷ Tsy misy voro mpihaza mahay gny lala magnagny, na gny mason'ny voro mahery ka mahita izay. ⁸ Tsy nisy bibidia matanjaky ka nandia gny lala manahaky izay, na liona masiaky ka nandalo teo. ⁹ Gny olo la mametraky gny tagnany eo agnabo vato karanga; avaliny hatrany amin'ny fotony gny tendrombohitsy. ¹⁰ Manapaky fantsona eo amin'ireo vatolampy ie; mahita gny raha sarobidy iaby ao gny masony. ¹¹ Manentsy gny riaky mba tsy hikoria ie; zay mietaky ao amin'izay la haboakiny ho amin'ny mazava. ¹² Aia ro hahita gny fahendrea? Aia gny toeran'ny fahazavan-tsay? ¹³ Gny olo la tsy mahay gny viliny; sady tsy hita eo amin'ny tanin'ny velo izay. ¹⁴ Gny rano laliky ambanin'ny tany manao hoe: ' Tsy ato agnamiko izay'; gny ranomasy manao hoe: ' Tsy atoy agnamiko izay.' ¹⁵ Tsy azom-bolamena izay; na gny volafoty aza tsy azo lanja ho viliny. ¹⁶ Tsy mahatehaky gnazy gny volamen'i Ofira, mbamin'ny beryla sarobidy na safira. ¹⁷ Gny volamena voho gny vato krystaly la tsy azo ampitahay amin'ny lanjany; sady tsy afaky atakalo amin'ny firavaky gny volamena voalio izay. ¹⁸ Tsy ho ambara mihintsy gny lanjan'ny haran-dranomasy na gny jaspy; eka vatany, gny vilin'ny fahendrea la mihoatsy noho gny ruby. ¹⁹ Gny topazan'i Etiopia la tsy mifampitaha aminy; na gny tana volamena aza tsy azo ampitaha amin'izay. ²⁰ Koa bakaia ary, ro hiavian'ny fahendrea? ²¹ Aia ro toeran'ny fahazavan-tsay? Gny fahendrea la mietaky amin'ny mason'ny raha managnay iaby sady aetaky an'ireo voron'ny habakabaky. ²² Gny Faharava voho Fahafatesa la mivola hoe: ' Tsaho avao ro njan'ny sofinay gny amin'izay.' ²³ Ndranagnahary mahay gny lala magnagny; hainy gny toeran'izay. ²⁴ Fotony Ie magnenty hatrany amin'ny fara-vazan-tany sady mahita gny ambanin'ny lagnitsy iaby. ²⁵ Nanao gny herin'ny tsioky Ie sady namaritsy gny rano araky gny refiny. ²⁶ Nanao lily ho gnan'ny ora Ie sady lala ho gnan'ny tselatsy gny kotrok'ora. ²⁷ La nahita gny fahendrea Ie ka nagnambara izay; nametraky izay Ie, eka vatany, nandiniky izay Ie. ²⁸ Hoy Ie tamin'ny olo hoe: ' Ingo, gny fahatahora gny Tompo__izay ro fahendrea; gny fiala amin'ny raty ro fahazavan-tsay."'