¹ La nanohy niresaky ndraiky Joba ka nanao hoe: ² " Laha mbo velo tokoa Ndranagnahary, zay nangalaky gny rariny ho gnahy, gny Tsitoha, zay nampangily gny fiaignako, ³ laha mbo ato agnamiko gny aiko, sady eo am-bavoroko gny fofon'aina baka amin-Dranagnahary, la zao ro ho atako. ⁴ Tsy hivola faharatia gny molotro, na hivola fitaky gny lelako; ⁵ tsy hanaiky mihitsy zaho hoe to nareo telo; mandra-pahafaty la tsy handa gny fahitiako mihitsy zaho. ⁶ Tanjahiko mare gny fahamarignako sady tsy hengako handeha; tsy handatsa gnahy mihintsy gny eritreritro laha mbo velo zaho. ⁷ Ao gny fahavaloko ho manahaky gny olo raty fagnahy; ao zay mitsanga hanohitsy gnahy ho manahaky gny olo tsy to. ⁸ Fa ino ro fanantenan'ny mpagniratsira lafa haringan-Dranagnahary ie, lafa alan-Dranagnahary gny ainy? ⁹ Moa ho njanjin-Dranagnahary gny fitaraignany lafa avy aminy gny fijalia? Moa hampisinisiny gny vatany amin'ny Tsitoha ie sady hilaiky an-Dranagnahary amin'ny fotoa iaby? ¹¹ Hampianatsy anareo mahakasiky gny tagnan-Dranagnahary zaho; sady tsy hagnetaky gny eritreritrin'ny Tsitoha zaho. ¹² Ingo, nareo iaby mihitsy ro nahita toy; koa nagnino nareo ro nivola zao raha tsy misy dikany iaby zao? ¹³ Zao ro anjaran'ny olo raty fagnahy amin-Dranagnahary, gny lovan'ny mpampijaly zay raisiny bakamin'ny Tsitoha: ¹⁴ Laha mihamaro gny anany, la ho gnan'ny sabatsy izay; tsy ho ampy sakafo mihintsy gny taranany. ¹⁵ Reo zay sisa velo amin'izay la halevin'ny areti-mandringa, sady gny valy navelan-drozy tsy mba mitomany an-drozy. ¹⁶ Na la mamory volafoty manahaky gny lemboky aza gny olo raty fagnahy, sady mamory salotsy manahaky gny tanimanga, ¹⁷ la mety hamoruy salotsy avao ie, fa gny olo to ro hisalotsy izay, sady gny olo tsy manan-tsiny hizara gny volafoty eo amin-drozy. ¹⁸ Mananga gny tragnony manahaky gny hala ie, manahaky gny tragno bongo zay ataon'ny mpiamby. ¹⁹ Miroro ao am-pandria amin'ny fanagnan-kanagna ie, nefa tsy hijano amin'izay ie; manokatsy gny masony ie, sady lasa gny raha iaby. ²⁰ Mandrendriky gnazy manahaky rano gny horohoro; mangalaky gnazy amin'ny haliky gny tafio-tsioky. ²¹ Andesin'ny tsioky bakagny atignana ie, sady lasa; mamafa gnazy tsy ho eo amin'ny toerany izay. ²² Mampifatratsy gny vatany agny aminy izay sady tsy mijano; miezaky gny mitsoaky miala gny tagnany ie. ²³ Miteha-tagna gnazy amin'ny fangala izay; misiotsioky gnazy hiala amin'ny toerany izay.