¹ Sady namaly Joba ka nanao hoe: ² " Endrey gny fanampianao gny raiky zay tsy manan-kery! Endrey gny namonjenao gny sandry zay tsy nana tanjaky! ³ Endrey gny nanoroanao hevitsy gny olo zay tsy manam-pahendrea voho gny nagnambaranao fahalala soa taminy! ⁴ Tamin'ny fagnampian'ia ro nivolagnanao regny safa regny? Fanahin'ia ro niboaky bakaminao? ⁵ Zary mangovitsy gny maty, la reo zay agny ambany rano voho reo iaby zay mipetraky ao amin'izay. ⁶ Mitanjaky eo agnatrehan-Dranagnahary gny Fiaignan-tsy hita; gny faharava mihintsy ro tsy misy fagnarona aminy. ⁷ Mamelatsy gny lagnitsy avaratsy egny amin'ny toera babangoana Ie, sady mampihanto gny tany eo amin'ny tsy misy. ⁸ Mampitambatsy gny rano ao amin'ny rahony matevy Ie, nefa tsy matriatra ao ambanin'izay gny rahona. ⁹ Magnaro gny volana ie sady mampiely gny rahony eo amin'izay. ¹⁰ Nisokitsy faritsy boribory teo agnabo rano ho efatsy eo amin'ny mazava voho gny maiky Ie. ¹¹ Mihovitrovitsy gny andrin'ny lagnitsy sady taitsy tamin'ny fivolagnany mare. ¹² Nampitony gny ranomasy tamin'ny heriny Ie; tamin'ny fahazavan-tsainy ro nampianjerany an-dRahaba. ¹³ Tamin'ny fofognainy ro nampisavany gny lagnitsy; gny tagnany ro nanindro gny menarana teo am-pandosira. ¹⁴ Ingo, sombiny amin'ny lalany fotsiny avao izay; endrey gny halefaky gny bitsiky rentsika bakamy! Ia ro afa-mahatakatsy gny kotroky gny heriny?"