¹ Bakeo Joba namaly ka nanao hoe: ² " Na laandroany aza la mangily gny fitaraignako; gny mavesatsy nohon'ny fitaraignako. ³ Indrisy, laha mba haiko zay mety hahitako Gnazy, Eh! hahaviako eo amin'ny toerany! ⁴ Handahatsy gny aliko eo agnatrehany zaho sady hameno gny vavako amin'ny fandresen-dahatsy. ⁵ Hianatsy reo safa zay hamaliany gnahy sady hahazo zay ho ambarany agnamiko. ⁶ Hialy hevitsy hanohitsy gnahy amin'ny haben'ny fahefany va Ie? Aha, hinjanjy gnahy Ie. ⁷ Agny ro hialy hevitsy Aaminy gny olo mahity. Amin'izay fomba izay ro hanafahan'ny mpitsarako gnahy maliolio mandrakizay. ⁸ Ingo, mandeha miantignana zaho, fa tsy agny Ie, sady miagnandrefa, nefa tsy mety mahita Gnazy zaho. ⁹ Gny agny avaratsy, zay iasany, nefa tsy afaky mahita Gnazy zaho, sady gny agny atimo, zay agnetahany gny vatany mba tsy hahafahako mahita Gnazy. ¹⁰ Nefa mahay gny lala zay andehanako Ie; lafa nisedra gnahy Ie, la hiboaky manahaky gny volamena zaho. ¹¹ Nifikitsy tamin'ny liany gny tomboko; nifikitsy tamin'ny lalany zaho sady tsy niodaky. ¹² Tsy niala tamin'ireo lilin'ny molony zaho; gny safan'ny tsihoviny la niraketiko tao am-poko mihoatsy noho gny anjara haniko. ¹³ Fa tsy manam-pijalia Ie, ia ro afaky hamily Gnazy ndraiky? Zay iriany la ataony. ¹⁴ Fa tanterahany hanohitsy gnahy reo lalany; misy maro manahaky reo. ¹⁵ Noho izay, mihorohoro zaho eo amin'ny fagnatrehany; lafa mieritreritsy gny momba Gnazy zaho, la matahotsy Gnazy. ¹⁶ Fotony fa nataon-Dranagnahary malemy gny foko; nampihorohoro gnahy gny Tsitoha. ¹⁷ Tsy nitaperiny tamin'ny maiky zaho, nohohn'ny aizin-kitroky zay magnaro gny aizim-piton'ny vatako.