¹ La namaly Elifaza gny Temanita ka nivola hoe: ² " Mety ilain-Dranagnahary va gny olo? Mety ilainy va gny johary hendry? ³ Moa va fahafinareta ho an'ny Tsitoha laha to iha? Moa va tombony ho Gnazy laha manao gny lalanao hotsy misy tsiny iha? ⁴ Moa va gny fanehoanao fagnaja Gnazy ro hamaizany gnanao voho handaisany gnanao amin'ny fitsara? ⁵ Moa va tsy bevata gny faharatianao? Tsy misy fiafara va reo helokinao? ⁶ Fa nangataky antoky tamin'ny findraman-dralan'ny rahalahinao tamin'ny tsy misy antony iha, sady fa nanendaky fitafia tamin'izay nitanjaky iha. ⁷ Tsy nagnome rano ho inomin'ny olo reraky iha; nandrakoky mofo tsy ho gnan'ny olo mosare iha, ⁸ na la olo mahery aza iha, zay nana gny tany, na la olo manam-boninahitsy aza iha, zay nipetraky tao amin'izay. ⁹ Nalefanao maiky gny mpitondratena; sady gny tagnan'ireo kamboty la nitapahy. ¹⁰ Noho izay, misy fandriky gny magnodidy gnanao iaby, sady gny fahatahora tampoky ro mampijaly gnanao. ¹¹ Misy gny maiky, mba tsy hahitanao; sady gny rano be mandroky gnanao. ¹² Moa va Ndranagnahary tsy agny amin'ny haabon'ny lagnitsy? Henteo gny haabon'ireo kintana, endrey gny hahabon-drozy! ¹³ Sady hoy iha hoe:' Ino ro hain-Dranagnahary? Mety hitsara amin'ny alalan'ny aizim-pito va Ie? Gny rahona matevy ro firakofany, mba tsy hahitany antsika; mandeha egny amin'ny andohalambon'ny lagnitsy Ie.' ¹⁵ Hitandry gny lalagna taloha zay nandehanan'ny olo raty fagnahy va iha__ ¹⁶ reo zay nalanao talohan'ny fotoany, reo zay voafaoky manahaky gny renirano gny fototrin-drozy, ¹⁷ reo zay nivola tamin-Dranagnahary hoe: ' Miala agnaminay'; reo zay nivola hoe: ' Ino ro azon'ny Tsitoha atao agnaminay?' ¹⁸ Nefa mbo nameno gny tragnon-drozy tamin'ny raha-soa Ie; gny tetik'ireo raty fagnahy la lavitsy gnahy. ¹⁹ Gny olo-to mahita gny anjarany ka faly; gny olo tsy mana-tsiny miomehy gnan-drozy mba handatsa gnazy. ²⁰ Hoy rozy hoe:' Azo antoky fa nitapahy reo zay nitsanga nanohitsy antsika; nandevo gny fanagnany gny bolo.' ²¹ Ka henanizao, maneke an-Dranagnahary sady mihavagna aminy; amin'izay fomba izay, ro hiavian'ny soa agnaminao. ²² Mitalaho agnaminao zaho, mandrambesa fampianara bakamin'ny molony; tehirizo ao am-ponao gny safany. ²³ Laha mimpoly amin'ny Tsitoha iha, la hiory, laha mametraky gny tsy fahamarignanao lavitsy gny lainao iha. ²⁴ Ampandrio eo amin'ny lemboky gny hanagnahao, gny volamenan'i Ofira eo amin'ny vaton'ny lohasahan-drozky, ²⁵ sady gny Tsitoha ro ho hanagnahao, volafoty sarobidy ho gnanao. ²⁶ Fa amin'izay la hisinisiny amin'ny Tsitoha iha; hanondrotsy gny vatanao amin-Dranagnahary iha. ²⁷ Hivavaky aminy iha, la hinjanjy gnanao Ie; handoa reo voalinao aminy iha. ²⁸ Handidy gny raha iaby koa iha, sady la ho hamafisy ho gnanao izay; hamiratsy amin'ny lalanao gny fahazava. ²⁹ Ndranagnahary la mampiambany gny olo mirehareha, sady mamonjy gny olo mampizotsy gny mosary. ³⁰ Hagnafaky Ie na la gny olo manan-tsiny aza; zay ho vonje eo amin'ny fahadiovan'ny tagnanao."