¹ Sady namaly i Joba ka nivola hoe: ² " Njanjigno soa reo safako, sady engao ho fankahereza omenareo gnahy izay. ³ Mahareta agnamiko, fa hivola avao koa zaho; afaran'ny hitenegnako, la manesoa hatrany. ⁴ Laha gny agnamiko, amin'ny olo raiky va gny fitaraignako? Nagnino zaho ro tsy tokony tsy hanam-pahareta? ⁵ Henteo zaho sady ho talanjo, sady apetraho eo amin'ny tsihovinareo gny tagnanareo. ⁶ Lafa misaintsay reo fijaliko zaho, la mihorohoro, sady tora-kovitsy gny vatako. ⁷ Nagnino gny olo raty fagnahy ro mbo miay, tratsy antitsy, sady mitombo hery amin'ny fahefa? ⁸ Miorina miaraky aminy eo imason-drozy gny taranany, sady reo anany la miory eo imason-drozy. ⁹ Gny tragnon-drozy la lavitsy gny tahotsy; sady tsy eo amin-drozy gny kapokan-Dranagnahary. ¹⁰ Mampagnaraky gny aombilahiny rozy; sady la mahavagno; gny aomby vavin-drozy reo la miteraky sady tsy mamotsotsy gny anany tsy avy vola. ¹¹ Mamoaky reo aja maliniky manahaky gny aondry aman'aosy rozy, sady misindraky reo anany. ¹² Mihira amin'ny ampongatapaky voho lokanga rozy sady mifaly miaraky amin'ny feon-tsodina. ¹³ Miaina gny androny amin'ny fanambina rozy, sady mizotso mangingiky ho agny amin'ny Fiaignan-tsy hita. ¹⁴ Hoy rozy amin-Dranagnahary hoe: ' Miala agnaminay fa tsy magniry gny hahay gny lalanao rahay. ¹⁵ Ino moa gny Tsitoha, ro tokony hanompo Gnazy? Ino ro tombontsoa azonay laha mivavaky rahay?' ¹⁶ Ingo, moa va tsy eo an-tanan-drozy avao gny fagnambinan-drozy? Tsy misy hirarahiako gny toro-hevitsy gny olo raty fagnahy. ¹⁷ Impiry ro maty gny jiron'ny olo raty fagnahy, na avy eo aminy gny lozan-drozy? Impiry ro mizara alahelo amin-drozy amin'ny fahatezera Ndranagnahary? ¹⁸ Impiry rozy ro avy manahaky gny tsatsango tsiofin'ny tioky na manahaky gny fako andesin'ny tafio tsioky? ¹⁹ Hoy nareo hoe: ' Ndranagnahary mitahiry gny helony mba hohefain'ireo anany.' Engao gny vatany avao ro handoa izay, mba hahafantarany gny helony. ²⁰ Engao gny fijeriny hagnenty gny faharavany, sady engao ie hino gny fahatezeran'ny Tsitoha. ²¹ Fotony ino ro hiraharahiany gny momba reo avorohotany mandimby gnazy lafa tapaky gny isan'ireo safany? ²² Moa va misy olo afaky mampianatsy fahalala an-Dranagnahary fotony na la reo zay agnabo aza la Ie ro mitsara? ²³ Gny olo raiky la maty ao agnatin'ny heriny feno, tony tanteraky sady miada. ²⁴ Atsiky ronono gny vatany, sady gny tsokan'ny taolany la mando voho salama soa. ²⁵ Misy olo raiky hafa maty ao agnatin'ny fangilian'ny fagnahy, olo zay tsy mbo niaina raha soa. ²⁶ Samby miroro agnaty lemboky rozy; sady mandrakoky gny vatan-drozy kanka. ²⁷ Ingo, haiko gny eritreritrinareo, voho reo fomba zay irinareo mba handisoa gnahy. ²⁸ Fa hoy nareo hoe: ' Aia zao gny tragnon'ny andriandahy? Aia gny lay zay nipetraran'ny raty fagnahy taloha?' ²⁹ Tsy mbo nagnontany gny olo mpandeha lavitsy mihintsy va nareo? Tsy hainareo va gny porofo azon-drozy ambara, ³⁰ fa voaaro amin'ny andron'ny loza reo raty fagnahy, sady havily lavitry gny andron'ny fahatezera ie? ³¹ Ia ro hagnameloky gny fomban'ny raty fagnahy eo agnatrehany? Ia ro hagnefa gnazy amin'ny raha vitany? ³² Nefa mbo ho lanja ho agny an-dolo ie; reo olo la hiamby gny olony. ³³ Ho mamy aminy gny baingan-dohasaha; hagnaraky gnazy bakao afarany gny olo iaby, manahaky gny nandehanan'ireo olo maro tsy voatanisa teo alohany. ³⁴ Nagnino sady nareo ro mampionona gnahy amin'ny raha tsy misy dikany, fotony ao amin'ireo valinteninareo la tsy misy afa-tsy vandy avao?"