¹ Tamin'io andro io , avy niseho teo agnatrehan'i Yaveh reo anakin-Dranagnahary. Avy niaraky tamin-drozy hiseho teo agnatrehan'i Yaveh koa Satana. ² Hoy gnataony tamin'i Satana :" bakaia iha?" La namaly gnan'i Yaveh Satana ka nanao hoe:" Baka nirenireny tegny an-tany, nivezivezy tegny." ³ Hoy Yaveh tamin'i Satana hoe:" Moa va fa nandiniky gnan'i Joba mpanompoko iha? Fotony tsy misy ndra raiky aza eto an-tany ka mitovy aminy, johary tsy misy tsiny sady marina, matahotsy gnan-Dranagnahary sady mifaly gny raty.Mbo mitanjaky gny fahitiany hatragny ie, ndra la fa namily Gnahy hanohitsy gnazy aza iha,mba hamotiky gnazy tsy amin'ny antony." ⁴ Satana namaly gnan'i Yaveh ka nanao hoe:" Hoditsy takalon'ny hoditsy; eka tokoa; gny olo la hagnome zay iaby hanagnany hatakalon'ny gnainy. ⁵ Fa ahamparo gny tagnanao amizao ka kasiho gny taolany voho gny nofony, la henteo laha tsy hagnozo gnanao eo amin'ny tarehinao ie." ⁶ Hoy Yaveh tamin'i Satana hoe:" Ingo, eo am-pelatagnanao ie; gny ainy avao ro ao harovanao." ⁷ La lasa Satana niala teo amin'ny fagnatrehan'i Yaveh. Namely ba raty gnan'i Joba hatregny bakegny an-tombony ka hatregny an-tampon-dohany ie. ⁸ Nangalaky vakim-balagny vita tamin'ny tanimanga Joba hihaokaorany gny vatany, sady nipetraky teo agnivon'ny lavenoky ie. ⁹ La hoy gny valiy taminy:" Mbo mitanjaky gny fahitianao avao va iha? Ozogny Ndranagnahary sady matesa." ¹⁰ Fa hoy ie taminy hoe:" Miresaky manahaky gny firesaky gny ampela adala iha. Gny soa va ro tokony ho rambesika bakamin- Dranagnahary ka tsy ho rambesy koa gny raty?" Nohon'io iaby io, la tsy nanota tamin'ny sognony Joba. ¹¹ Sady lafa nahare gny raty iaby nanjo gnazy reo naman'i Joba telo, la samby avy bakagny ain'ny toerany iaby rozy: Elifaza zay Temanita, Bildada zay Sohita voho Zofara zay Namatita.Nanoka fotoa rozy mba hiarahaaory aminy voho hampahery gnazy. ¹² Lafa nijilo bakegny lavitsy rozy, la tsy nahay gnazy. Nanandratsy gny feony rozy sady nitagny; samby nanataky gny akanjony no sady namafy vovoky tegny amin'ny tsioky voho teo amin'ny lohany avao gny kirakiraiky. ¹³ Bakeo la nipetraky tamin'ny tany niaraky taminy rozy nandritsa gny fito andro voho fito haly. Tsy nisy niresaky taminy rozy , fotony hitan-drozy fa tena bevata tokoa gny alahelony.