¹ La namaly Joba ka nanao hoe: ² " Hafiria ro hampijalianareo gnahy voho hamotipotehinareo gnahy amin'ny safa? ³ Tamin'izay nandatsanareo gnahy impolo zay; tsy mba megnatsy nampijaly gnahy nareo. ⁴ Laha tena to vatany fa nania zaho, la hijagno ho gnahy regny gny fahadisoako. ⁵ Laha hanondrotsy gny vatanareo ho agnaboko vatany nareo sady hampiasa gny fahafam-barakako hanohitsy gnahy, ⁶ la vatany ho hainareo fa Ndranagnahary fa nanao gny tsy nety tagnamiko sady nahatratsy gnahy tamin'ny haratony. ⁷ Ingo, mitaray zaho hoe. " Herisetra!' nefa tsy mahazo valiny zaho. Nikaiky vonjy mafy zaho, saingy tsy nahazo rariny. ⁸ Nasiany rindry gny lalako mba tsy hahafahako mandeha, sady nametraky gny maiky teo amin'ny lalako Ie. ⁹ Nesoriny tagnamiko gny voninahitsy, sady fa nangalaky gny satro-boninahitsy tamin'ny lohako Ie. ¹⁰ Fa namotiky gnahy tamin'ny zorony iaby Ie, la lasa zaho, nombotany manahaky gny hazo gny fagnantenako. ¹¹ Nampirehetiny tagnamiko avao koa gny fahatezerany; raisiny manahaky gny raiky amin'ireo fahavalony zaho. ¹² Miaraky avy reo tafiny; mananga dongoan-tany hanafiha gnahy rozy ka mitoby magnodidy gny laiko. ¹³ Nangalaky reo rahalahiko lavitsy gnahy Ie; nihafahafa tagnamiko tanteraky reo olo haiko. ¹⁴ Nahafoy gnan-drozy longoko; fa nagnadigno gnan-drozy namako marikitsy. ¹⁵ Reo zay ninjano mba ho vahiny tao an-tragnoko fahizay voho reo mpanompo vaviko la mandramby gnahy manahaky gny tsy olom-patasy; vahiny zaho eo imason-drozy. ¹⁶ Mikaiha gny mpanompoko zaho, fe tsy namaly gnahy ie na la miangavy gnazy amin'ny vavako aza zaho. ¹⁷ Magnafitohy gny valiko gny fofognaiko; maharikoriko reo zay nateraky gny kibon'ny reniko mihitsy aza zaho. ¹⁸ Na reo aja aza manao tsinotsino gnahy; laha mitsanga hivola zaho, la mivola magnodidy rozy. ¹⁹ Reo namako nahazatsy la malay gnahy; nivaliky tagnamiko reo zay teako. ²⁰ Miraikitsy amin'ny holitsy voho gny nofoko gny taolako; gny hany evelomako la amin'ny holitry gny nifiko. ²¹ Mana famindram-po agnamiko, mana famindram-po agnamiko, namako, fotony gny tanan-Dranagnahary la fa nikasiky gnahy. ²² Nagnino nareo ro magnenjiky gnahy manahaky gny hoe nareo ro Ndranagnahary? Nagnino ro tsy afa-po amin'ny fandevogna gny nofoko nareo? ²³ Eh, enga anie ka ho voasoratsy gny safako henanizao! Eh, enga anie ka ho voarakitsy ao agnaty boky regny! ²⁴ Eh, enga anie ka ho voasokitsy amin'ny penina vy voho firaky eo amin'ny vatolampy mandrakizay regny! ²⁵ Fe laha gny agnamiko, haiko fa velo gny mpagnavotsy gnahy, sady agny am-parany la hitsanga eo amin'ny tany Ie; ²⁶ afaran'izay gny holitsy, izay hoe, toy vata toy, la potiky, sady la ao amin'ny nofoko ro hahitako an-Dranagnahary. ²⁷ Hahita Gnazy amin'ny masoko mihintsy zaho__Zaho, fa tsy olon-kafa. Fa sasa-miamby izay gny foko ato agnatiko ato. ²⁸ Laha hoy nareo hoe: ' Manao akory ro hagnenjehantsika gnazy! Gny fotoan'ireo fijalia la ao aminy,' ²⁹ sady matahora gny sabatsy, fotony gny fahatezera la hahavy famaiza amin'ny sabatsy, mba hahafantaranareo fa misy gny fitsara."