¹ Bakeo Bilidada gny Sohita namaly sady nivola hoe: ² " Mbia ro hatsahatrao gny volanao? Diniho, sady afaran'izay la hivola rahay. ³ Nagnino rahay ro himpoly manahaky gny biby; nagnino rahay ro nanjary adala eo imasonao? ⁴ Iha zay mamiravira gny vatanao amin'ny fahatezeranao, tokony hahafoy ho gnanao va gny tany sa tokony ho ala eo amin'ny toerany reo vatolampy? ⁵ Eka vatany, ho vonoe gny fahazavan'ny olo raty fagnahy; tsy hamirapiratsy gny pitiky bolony. ⁶ Ho maiky gny fahazavanao ao an-dainy; sady gny jiro eo amboniny la ho vonoe. ⁷ Hafohezy gny dingan'ny heriny; gny fikasany avao ro handrava gnazy. ⁸ Fa hifatratsy agnaty harato amin'ny alalan'ny tombony avao ie; sady hilatsaky agnaty vela-pandriky raiky ie. ⁹ Hisy fandriky hahazo gnazy amin'ny kitro; sady hhitanjaky raiky mietaky ho gnazy eo amin'ny tany; sady fandriky raiky ho gnazy eo amin'ny lalagna. ¹¹ Hampatahotsy gnazy gny fampihorohoroa amin'ny sisiny iaby; hagnenjiky gnazy amin'ny kitrony rozy. ¹² Hivaliky hanoagna gny hanagna, sady ho vonona eo agnilany gny loza. ¹³ Gny ratsam-batany la ho voarapaky; eka vatany, gny voalohan-teraky gny fahafatesa la handrapaky gny rantsany. ¹⁴ Voaviravira tsy ho amin'ny fiarovan'ny lainy ie sady hiboaky magnagny amin'ny mpanjakan'ny horohoro. ¹⁵ Gny olo zay tsy gnazy la hipetraky ao an-dainy afaran'ny hahitan-drozy fa niperitaky tao an-tragnony gny solifara. ¹⁶ Ho maiky bakagny ambany gny fotony; sady eo agnabo ro hanapaha reo sampany. ¹⁷ Ho tsisy dikany eto an-tany gny fahatiarova gnazy; tsy hana agnara egny an-dalagna ie. ¹⁸ Ho andesy bakamin'ny mazava ho agny amin'ny maiky ie sady ho voaroaky eto amin'izao tontolo izao. ¹⁹ Tsy hana anaky na zafy eo amin'ny olony ie, na hana sisa tavela amin'ireo faramandimby zay nijanognany. ²⁰ Reo zay mipetraky agny andrefa la hiorin-kolitsy amin'izay hanjo gnazy ndraiky andro agny; sady reo zay mipetraky agny atignana la ho raiki-tahotsy amin'izay. ²¹ Azo antoky fa manahaky izay gny tragnon'ny olo tsy to, la gny toeran'ireo zay tsy mahay an-Dranagnahary."