¹ Ingo, gny masoko fa nahita gnan'io iaby io; sofiko fa nahare ka nahatakatsy gnan'io. ² Zay hainareo , la fantaro avao koa ; tsy ambaninareo aho. ³ Kanefa, aleoko miresaky amin'ny Tsitoha; magniry gny hifandahatsy amin-Dranagnahary aho. ⁴ Fa fotianareoamin'ny vandy gny marina; mpitsabo tsy misy lanjany iaby nareo. ⁵ Eh, tanjaho ho gnanareo gny fahanginanareo! Ho fahendrenareo io. ⁶ Amizao janjigno gny fandaharako; janjigno gny fiangavian'ny sogniko. ⁷ Hivola amin'ny tsy fahamarigna ho gnan-Dranagnahary va nareo, sady moa hivola amin-pitakia ho Gnazy? ⁸ Tena haneho hasoam-pagnahy aminy va nareo? Hialy agny am-pitsara tokoa va nareo mba ho vavolombelonDranagnahary? ⁹ Mety aminareo tokoa va laha mila gnanareo Ie? Afaky gny hamitaky Gnazy manahaky gny mety ho famitahanareo olo va nareo? ¹⁰ Hagnanatsy gnanareo tokoa Ie laha nampiseho fiangara mietaky nareo. ¹¹ Tsy hampitahotsy gnanareo va gny voninahitsy? Tsy ho lavo aminareo va gny fahatanora Gnazy? ¹² Gny safa fahatiarovanareo la ohabola vita amin'ny lavenoky; sady gny safa fiarovanareo la fiarova vita amin'ny tanimanga. ¹³ Tanjaho agny gny fahanginanareo, engao raiky avao aho, mba hahafahako mivola, ao ho avy amiko zay ho avy. ¹⁴ Gny hiko avao ro hagnombotako gny nofoko; sady rambesiko ho eo an-tagnako gny aiko. ¹⁵ Ingo, laha mamono gnahy Ie, la ho rava gny fanantenako; fa ndra io aza , la hiaro gny lalako eo agnatrehany aho. ¹⁶ Zao ro ho anton'ny fialan-tsiniko, mba tsy handehanako eo agnatrehany manahaky gny olo mpaniratsira. ¹⁷ Ndranagnahary o, janjigno soa gny safa alahatso; ao gny fagnambarako ho avy eo an-tsofinao. ¹⁸ Ingo amizao , fa nalahatso soa gny fiarovan-tenako; haiko fa tsy manan-tsiny aho. ¹⁹ Ia gny raiky zay hialy amiko eo amin'ny fitsara? Laha avy hanao gnan'io Iha , ka laha voaporofo fa diso aho, la hangina aho ka hahafoy gny aiko. ²⁰ Ndranagnahary o, raha roe avao ro ataovo amiko, la tsy hanafiky gny vatako amin'ny tarehinao aho: ²¹ alao amiko gny tagna-pijalianao, sady ka enga hampatahotsy gnahy gny fampihorohoroanao. ²² Kahio aho, la hamaly aho; na mamela gnahy hivola aminao, la hamaly gnahy Iha. ²³ Firy gny hadisoako voho gny fahotako? Ampahafantaro gnahy gny heloko voho gny fahotako. ²⁴ Nagnino Iha ro magnetaky gny tarehinao amiko ka manday gnahy manahaky gny fahavalonao? ²⁵ Hagnenjiky ravin-kazo lasan'ny tsioky va Iha? Hagnenjiky mololo raiky va Iha? ²⁶ Fa manoratsy raha mafaitsy hanohitsy gnahy Iha; hampandovanao gnahy gny heloky gny fahatanorako. ²⁷ ataonao ao agnaty seny vy avao gny tomboko; Henteanao mariniky gny lalako iaby; dinihinao avao koa gny tany zay nitsahin'ny lelan-tmboko ²⁸ ndra la manahaky gny raha lo zay miharava aza aho, manahaky gny akanjo lanin'ny kalalao.