¹ |a namaly Joba ka nanao hoe: ² Tsy hisalasala fa nareo ro olo; sady ho faty miaraky aminareo gny fahendrea. ³ Fa mana fahazavan-tsay manahaky gnanareo koa aho; sady tsy ambaninareo aho. Eka tokoa , ia ro tsy mahay gny raha manahaky gnan'io? ⁴ Raha fihehean'ny mpiaray vodirindry amiko aho__ Zaho, zay nikaiky gnan-Dranagnahary sady zay novaliany! Zaho, johary marina voho tsy misy tsiny__ lasa raha fihehea aho amizao. ⁵ Amin'ny eritreritsy gny olo zay miada, la misy fagnamavoa lozabe; mieritseritsy gny amin'ny fomba zay manday loza maro tokoa ho gnan'ireo zay solafaka ie. ⁶ Ambiny gny lain'ireo jilahy, mahatiaro milamy reo zay mampasiaky gnan-Dranagnahary; gny tagnan-drozy avao ro ndranagnaharin-drozy. ⁷ Fa amizao agnontanio reo bibidia, la hampianatsy gnanao rozy; agnontanio reo voron'ny lagnitsy, la hivola aminao rozy. ⁸ na miresaky amin'ny tany, la hampianatsy gnanao io; hagnambara aminao reo fian-dranomasina. ⁹ Biby ibo amin'ireo iaby reo ro tsy mahay fa gny tagnan'i Yaveh ro nanao gnan'izao? ¹⁰ Eo an-tagnany gny ain'ny olombelo iaby voho gny fofon'ain'ny olombelo iaby. ¹¹ Tsy gny sofy va r mamantatsy gny safa manahaky gny lagnilagny gny tsiron'ny sakafo? ¹² Ao amin'ny anti-dahy ro misy gny fahendrea; ao amin'ny fahalavan'ny andro gny fahazavan-tsay. ¹³ Mana fahendrea voho hery Ndranagnahary; mana torohevitsy voho fahazavan-tsay Ie. ¹⁴ Ingo, mandrava Ie, sady tsy afaky hamboary ndraiky io; laha magnagadra olo raiky Ie, la tsy hisy fagnafaha. ¹⁵ Ingo, laha mitanjaky reo rano Ie, ho ritsy reo; sady laha mandefa gnan'io agny ivelany ie, la manafotsy gny tany reo. ¹⁶ Ao aminy gny hery voho fahendrea; gny vahoaky zay voafitaky voho mpamitaky la samby eo amin'ny fahefany. ¹⁷ Mangalaky voninahitsy gny mpanolon-tsay amin'ny alahelo Ie; sady mampoly reo mpitsara ho adala Ie. ¹⁸ Alany amin'ireo mpanjaka gny rojom-pahefa; nampisiky siky gny valahany rozy. ¹⁹ Mangalaky voninahitsy gny mpisoro amin'alahelo Ie sady mandrava gny olo mahery. ²⁰ Mangalaky gny lahatenin'ireo zay nitokiaa Ie sady alany amin'ireo loholo gny fahazavan-tsay. ²¹ Mandatsaky fagnamavoa amin'ny andrian-dahy Ie sady mamaha gny fehin-trokin'ny olo-matanjaky. ²² Maneho raha laliky bakao amin'ny hahiky Ie sady manday gny aloko zay misy reo olo maty hiboaky ho amin'ny fahazava. ²³ Mampatanjaky reo firenena Ie, sady mamotiky gnan-drozy avao koa; magnitatsy reo firenena Ie, sady mitariky reo manahaky gny voafonja avao koa Ie. ²⁴ Mangala gny fahazavan-tsay amin'ireo mpitariky gny olon'ny tany Ie; mahatonga gnan-drozy hirenireny agny agn'efitsy zay tsy misy lala Ie. ²⁵ Mitsapa ao amin'ny haiky tsy misy hazava rozy; sady mampivembe gnan-drozy manahaky gny olo mamo Ie.