1 Sady Zofara zay Namatita namaly sady nivola hoe:" 2 Tsy tokony ho valia va gny safa maro manahaky gnan'io? Tokony hinoa va toy johry, be resky toy? 3 Tokony hampangina reo hafa va gny fireharehanao? Laha manevateva gny fampianarany iha, tsy hisy olo hampahamegnatsy gnanao va? 4 Fotony iha nivola taminDranagnahary hoe: Malio gny finoako, tsy manan-tsiny eo amasonao aho. 5 Nefa, eh, hivola Ndranagnahary sady hanokatsy gny molony hanohitsy gnagao; 6 mba haneho gnanao reo tsiambaratelon'ny fahendrea! Fa bevata amin'ny fahazavan-tsay Ie. Fantaro fa kely noho zay mendriky gny helokao ro angatahin-Dranagnahary aminao. 7 Mahatakatsy gnan-Dranagnahary amin'ny fila Gnazy va iha? Takatsao tanteraky va gny Tsitoha? 8 Io raha io la abo manahaky lagnitsy; ino ro afaky ataonao? Laliky noho gny Fiaignan-tsy hita io; ka ino ro hainao? 9 Gny refin'io la lava noho gny tany , sady bevata noho gny ranomasina. 10 Laha mandalo Ie ka mampangina olo, laha mikaiky olo ho tsara Ie, la ia ro afaky hanaka Gnazy? 11 Fa Ie mahay gny olo diso; lafa mahita heloky Ie, tsy tsikariny va io? 12 Nefa gny olo adala tsy mana fahatakara; ho azon-drozy io lafa miteraky olo gny apondran-dia. 13 Nefa hevero fa fa nametraky soa gny fonao iha sady fa nagnatsotsa gny tagnanao ho amin-Dranagnahary; 14 hevero hoe eo an-tagnanao gny heloky, nefa bakeo la nohalavirinao lavitsy gnanao io, sady tsy nagnenga gny tsy fahamarigna hipetraky ao an-dainao iha. 15 La hanandratsy gny tarehinao tsy misy famantara hegnatsy tokoa iha; eka tokoa, tsy hiovaova iha sady tsy hatahotsy. 16 Hagnaligno gny fahorianao iha; ho tiaronao manahaky gny rano zay nikoria avao io. 17 Hamiratsy noho gny amin'ny mitatavovona gny fiaignanao; ndra la nisy hiky aza , la ho avy manahaky gny maray io. 18 Ho voaaro iha fotony misy fanantena; eka tokoa, hahita fiarova momba gnanao iha sady hana fijagna am-pilamy. 19 Handry am-pijanogna koa iha, sady tsy misy olo hampatahotsy gnanao; eka tokoa, maro ro hila sitraky aminao. 20 Fa ho jiky gny mason'ny olo raty fagnahy; tsy hahita lala handositsy rozy; gny hany fanantenan-drozy la gny fialan'aina farany."