¹ Sasatsy gny miay aho; haneho malalaky gny fitarignao aho; hiresaky amin'ny hafatsin'ny fagnahiko aho. ² Hisafa amin-Dranagnahary aho hoe:" Ka magnameloky gnahy avao ; aseho gnahy gny antony hiampanganao gnahy. ³ Mety aminao va gny mampahory gnahy, gny manao tsinontsino gny asan'ny tagnanao eo am-piheheza amin'ireo tetiky gny raty fagnahy? ⁴ Mana maso-nofo va Iha? Mahita manahaky gny fahitan'ny olo va Iha? ⁵ Moa reo andronao va manahaky gny andron'ny olombelo na gny taonao manahaky reo taon'ny olo, ⁶ ro karohinao gny heloko sady henjehinao gny fahotako, ⁷ ndra la hainao aza fa tsy meloky aho sady tsy misy olo afaky hagnavotsy gnahy eo am-pelatagnanao? ⁸ Gny tagnanao ro namolavola voho nagnamboatsy gnahy manontolo, nefa potehinao avao aho. ⁹ Tarovo, mitalaho aminao aho, fa namolavola gnahy manahaky gny tanimanga Iha; la ho ampoly ho vovoky ndraiky va aho? ¹⁰ Moa tsy fa nandraraky gnahy manahaky ronono voho nampandry gnahy manahaky fromazy va iha? ¹¹ Notafianao tamin'ny holitsy voho nofo aho sady nampiraisinao tamin'ny taola voho ozatsy. ¹² Nameanao fiaigna voho fagnenkea mahatoky aho; niambiny gny fagnahiko gny fiahianao. ¹³ Nefa reo raha zay naetakinao tao am-ponao__ la haiko fa zao ro noeritreritanao: ¹⁴ laha manota aho, la ho tsikaritsiky io; tsy hagnafaky gnahy amin'ny heloko Iha. ¹⁵ Laha raty fagnahy aho, la loza ho gnahy; ndra la marina aza aho, la tsy afaky hanandratsy gny lohako, fotony fahamegnara aho sady mahita gny fijaliako manoka. ¹⁶ Laha miandrandra gny lohako, la hihaza gnahy manahaky gny liona iha; mampiseho gny vatanao ho mahery amiko ndraiky Iha. ¹⁷ Magnandesa vavolombelo vaovao manohitsy gnahy Iha sady mampitombo gny helokao amiko; manafiky gnahy amin'ny tafiky vaobao Iha. ¹⁸ Nagnino, ro naboakinao bakao am-bohoky aho? Naleoko gny fagnahiko ka tsy mba nisy maso nahita gnahy. ¹⁹ Hanahaky gny tsy isy na mbia mbia aho; handey bakao am-bohoky nagnagny am-pasana ah. ²⁰ Tsy ampy avao va gny androko? Ka ao zay lahy' , engao ho raiky aho, mba hialako sasatsy kely ²¹ alohan'ny hialako eo amin'izay tsy himpoliako, magnagny amin'izay taninin'ny hiky voho aloky gny fahafatesa, ²² gny tagny zay mahiky manahaky gny misasak'aly, gny tanin'ny aloky gny fahafatesa, tsy misy filamina, zay manahaky miasasak'alina gny hazava."