¹ Gny olo, zay naterak'ampela, la miana andro kelikely avao sady feno fijalia. ² Mitsimoka amin'ny tany manahaky gny voninkazo ie sady voatapaky; mandosiky manahaky gny aloky ie sady tsy maharitsy. ³ Mba magnenty any regny va Iha? Moa andesinao ho tsara miaraky agnanamina zaho? ⁴ Ia ro afaky manday raha malio bakamin'ny raha maloto? Tsy misy. ⁵ Voafaritsy gny andron'ny olo. Iha ro manapaky gny isan'ny vola iaignany; iha ro nanondro gny fetrany zay tsy azony hihoara. ⁶ Miodiky aminy mba hitofany, ka mba hankafizany gny androny manahaky gny mpikarama laha afaky manao izay ie. ⁷ Mety hisy fagnatena gny hazo; laha voatapaky izay, la mety hitiry ndraiky, mba tsy hanjavo gny tahony tanora. ⁸ Na la miha-antitsy ao amin'ny tany aza gny fotony, sady maty ao amin'ny tany gny fotony, ⁹ nefa na la mamofo rano fotsiny aza izay, la hitiry voho hisondrotsy manahaky gny raha mitiry izay. ¹⁰ Maty gny olo; la lasa malemy ie; eka vatany, mitofa tsy miay gny olo, sady aia ie bakeo? ¹¹ Manahaky gny fanjavognan'ny rano amin'ny faritsy, voho manahaky gny faharitan'ny renirano ka miay, ¹² la manahaky izay koa ro handran'ny olo sady tsy mifoha sasy. zisiky tsy hisian'ny lagnitsy sasy, la tsy hifoha na hitsanga amin'ny torimasony rozy. ¹³ Iriko gny mba hagnetahanao gnahy agny amin'ny Fiaigna-tsy hita lavitsy gny fijalea, sady mba hitanjahanao gnahy ao amin'ny fietaha zisiky itofa gny hatezeranao, voho hanondroanao fotoa voatondro ho gnahy hijanognako agny sady mba hahatiarovanao gnahy bakeo! ¹⁴ Laha maty gny olo raiky, moa mbo hiay ndraiky ie? Laha izay, la magniry gny hiamby gny fotoam-paharerahako iaby agny zaho zisiky mbian'ny fanafaha gnahy. ¹⁵ Hikaiky Iha, la hamaly Gnanao zaho. Hanam-pagniria amin'ny asan'ny tagnanao Iha. ¹⁶ Hagnisaky gny fahotako Iha. ¹⁷ Ho voahisy tombo-kase ao agnty kitapo gny fandikan-dalako; sady hagnaro gny heloko Iha. ¹⁸ Fa na gny tendrombohitsy aza mintota sady lasa tsinotsino; ¹⁹ na gny vatolampy aza voahozongozo amin'ny toerany; lanin'ny rano gny vato; lasan'ny riaky gny vovoky gny tany. Manahaky izay, ro hamotehanao gny fagnantenan'ny olo. ²⁰ Mandresy gnazy mandrakizay Iha, sady lasa ie, ombia gny vatany sady halefanao mba ho maty ie. ²¹ Laha omem-boninahitsy reo anany lahy, la tsy hainy izay; sady laha haetry rozy, la tsy hitany izay. ²² Gny fanaintainan'ny vatany manoka avao ro tsapany, sady misaora ho an'ny tenany avao ie.