¹ Tafaran'io la nanafiky reo Filistina i David ka nandresy gnan-drozy. Nohon'io la nalan'i Davida tsy ho eo amin'ny fifehezan'ireo Filistina i Gata voho reo ana-bohiny. ² La nandresy gny Moabita ie ka nandrefy gny olon-drozy tamin'ny tsipika tamin'ny fampandria gnan-drozy teo amin'ny tany. Nandrefy indroen'ny tsipika ie mba hamonoa, sady draiky mandeha avao mba hitanjaky ho velo. Ka la lasa mpanompon'i Davida reo Moabita sady nanomboky nandoa hetra taminy. ³ Ka la resin'i Davida i hadadezera anak'i Rehoba, lay mpanjakan'i Zoba, laha lasa nampoly gny fanjakany teo amoron'ny Ony Eofrata i Hedadezera. ⁴ Nambabo kalesy 1,700 voho miaramila an-tomboky roa aly bakamin'i Davida. Notraingon'i Davida iaby gny kalesin-tsoavaly manontolo, fa nanoka zay tokony ho ampy gny kalesy zato tamin-drozy ie. ⁵ Lafa avy hagnampy gnan'i Hadadezera mpanjakan'i Zoba voho Syria bakagny Damaskosy, la nahafaty johary Syriana roa rivo voho roa aly i Davida. ⁶ Bakeo i Davida nametraky miaramila tagny Syria agny Damaskosy, sady lasa mpanompony ka nandoa hetra taminy gny syria. nampandresy gnan'i Davida tegny amin'izay iaby nandehanany i Yaveh. ⁷ La nalan'i Davida gny ampinga volamena zay tagny amin'ny mpanompon'i Hedadezera ka nandesiny tagny Jerosalema reo. ⁸ Bakeo i Davida mpanjaka la nangalaky saba maro la maro bakao Beta voho Berotahy, tanan'i Hadadezera. ⁹ Lafa ren'i Toy, mpanjakan'i Hamata, fa nandresy gny tafik'i Hadadezera iaby i Davida, ¹⁰ la nirahin'i Toy ho agny amin'i Davida mpanjaka i Jorama anay mba hiarahaba gnazy voho hitso-drano gnazy, fotony Davida nialy tamin'i Hadadezera ka nandresy gnazy, sady fotony Hadadezera la nialy tamin'i Toy. Gorama la nanday raha vita tamin'ny volafoty, volamena voho saba niaraky taminy. ¹¹ Davida mpanjaka la nanoka raha reo ho gnan'i Yaveh, niaraky tamin'ny volafoty voho volamenan'ireo firenena iaby zay resiny_ ¹² bakamin'i Syria, Moaba, reo olon'i Amona, reo Filistina, voho gny Amalekita, niaraky tamin'ireo enta iaby voarobaky tamin'i Hadadezera anak'i Rehoba, mpanjakan'i Zoba. ¹³ Fanta-daza gny agnaran'i Davida lafa baka nambabo gny Syriana tagny amin'ny lohasahan-tsira, niaraky tamin'ireo johary valo arivo sy ray aly rozy. ¹⁴ Nametrahany miaramila manera gnan'i Edoma manontolo, sady gny Edomita iaby la avy mpanompony. Sady Yaveh nampandresy gnan'i Davida tegny amin'izay iaby nandehanany.