¹ Bakeo gny fokon'Israely iaby nagnagny amin'i Davida tagny Hebrona sad nilaza hoe:" Ingo, nofo voho taolanao rahay. ² Vao tsy ela zay, fony nanjaka teo amintsika i Saoly, la iha ro nitariky gny tafiky Israely. Yaveh nilaza taminao hoe:' Handigny gnan'Israely vahoakako iha, sady ho lasa mpanapaky eo amin'Israely." ³ Ka avy tagny amin'ilay mpanjaka tagny Hebrona reo loholon'Israely manontolo, sady Davida Mpanjaka nanao fagnenkea tamin-drozy teo agnatrehan'i Yaveh. ⁴ Nagnositsy gnan'i Davida ho mpanjaka teo amin'Israely rozy. Telopolo tao i Davida ro nanomboky nanjaka , sady nanjaka nandritsa gny efapolo tao ie. ⁵ Tagny Hebrona la nanjaka teo amin'i Joda nandritsa gny fito tao voho enim-bola ie, sady tagny Jerosalema la nanjaka nandritsa gny telopolo telo amby tao teo amin'Israely voho Joda manontolo ie. ⁶ Nandeha nagnagny Jerosalema gny mpanjaka voho reo olony mba hanohitsy reo Jebosita,reo mponin'ilay tany. Hoy rozy tamin'i Davida hoe:" Tsy ho avy eto iha laha tsy gny jiky voho gny mandringa o hampimpoly gnanao. Tsy afaky gny ho avy eto Davida." ⁷ Ndra la io aza, la nambabo gny fiarova mafin'i Ziona, zay tanan'i Davida amizao i Davida. ⁸ Tamin'io fotoa io i Davida nilaza hoe:" Reo zay manafaky gny Jebosita la tsy maintsy handalo amin'ny lalan-drano mba hitanjaky gny mandringa voho gny jiky zay fahavalon'i Davida. " Io ro ilazan'ny olo hoe:" Gny jiky voho gny mandringa la tsy mahazo militsy gny lapa." ⁹ Ka nipetraky tao amin'ilay fiarova mafy i Davida sady nikaiky gnan'io hoe lay tananan'i Davida. Nohamafisiny gny magnodidy gnanio, bakegny amin'ny lavaranga magnagny agnitiny. ¹⁰ Lasa natanjaky mare Davida fotony Yaveh, lay Ndranagnahary gny maro, ro niaraky taminy. ¹¹ Bakeo Hirama mpanjakan'i Tyra nagniraky mpanday hafatsy, voho hazo sedera, mpandrafitsy, sady mpagnamboatsy tragno tagny amin'i Davida. Nagnamboatsy tragno ho gnan'i Davida rozy. ¹² Hain'i Davida fa nametraky gnazy ho mpanjakan'Israely i Yaveh, sady fa nanandratsy gny fanjaka nohon'ny amin'Israely vahoakiny Ie. ¹³ Bakeo Davida niala tao Hebrona sady nandeha tagny Jerosalema, nangalaky vaditsindrano voho valy maromaro tagny Jersalema ie, sady nisy anaky lahy maro voho anaky ampela maro naterany. ¹⁴ Reto iaby gny agnaran'ireo anaky naterany tagny Jerosalema:Samoa, Sababa, Natana, Solomona, ¹⁵ Jibara, Elisoa, Nafega, Jafia, ¹⁶ Elisama, Eliada, voho Elifeleta. ¹⁷ Sady lafa ren'ireo Filistina fa voahosotsy ho mpanjakan'Israely i Davida, la niboaky rozy iaby mba hila gnazy. Nefa nahare momba gnan'io Davida la nandeha nizotso tagny amin'ny fiarova mafy. ¹⁸ Sady la avy reo Filistina ka niparitaky tagny an-Dohasahan'i Refaima. ¹⁹ La nila vonjy tamin'i Yaveh i Davida. Hoy ie hoe:' Tokony hanafiky reo Filistina va aho?" Hagnome fandresea amin-drozy va Iha?" Hoy Yaveh tamin'i Davida hoe:" manafiha , fa hagnome fandresea ho gnanareo eo amin'ireo Filistina tokoa Aho." ²⁰ Ka nanafiky tao Bala-Perazima i Davida, sady tao ro nandreseny gnan-drozy. Naneho hevitsy ie hoe:" Nisafoaky tamin'ireo fahavaloko teo agnatrehako manahaky gny fisafoakan'ny safo-drano i Yaveh." Ka lasa Bala-Perazima gny agnaran'io toera io. ²¹ Nengan'ireo Filistina teo gny sampin-drozy, sady nandesin'i Davida voho reo johariny lavitsy reo. ²² Bakeo la niakatsy ndraiky reo Filistina sady niparitaky fagnindroany tegny an-Dohasahan'i Refaima. ²³ Ka la nila vonjy tamin'i Yaveh ndraiky Davida, sady hoy Yaveh taminy hoe:" Ka manafiky gny magnatriky gnan-drozy iha, fa hiodidigno bakao afara rozy sady mamonjea gnan-drozy bakeo amin'ireo hazo balsama.