⁴ Ndraik'andro la nisy mpamangy avy tao amin'ilay johary mana-kanagna, fa tsy te-hangalaky raiky bakao amin'ny andian'aondry aman'aosiny voho reo aombiny mba hamea ho sakafo ho gnazy lay johary manan-kanagna. Fa nalany gny aondrivavy kelin'ilay mahantra sady niketrehinay ho gnan'ny mpamangy gnazy io." ⁵ Nirehitsy gny heloky tamin'ilay johary manan-kanagna i Davida, ka nivola an-keloky tamin'i Natana hoe:" Laha mbo velo koa Yaveh , la mendriky gny ho voanoa ho maty gny johary zay nanao gnan'io. ⁶ Tsy maintsy honerany efatsy heny gny anak'aondry fotony nanao raha manahaky gnan'io, sady fotony tsy nana fiantra tamin'ilay johary nahantra ie." ⁷ Sady hoy i Natana tamin'i Davida hoe:" Iha io johary io! Yaveh, lay Ndranagnaharin'Israely ,nivola :Nagnosotsy gnanao ho mpanjakan'Israely Aho, sady namonjy gnanao hiala teo an-tagnan'i Saoly. ⁸ Nagnome gnanao tragnon'ny tomponao Aho, sady reo valin'ny tomponao ho eo an-tsandrinao. Nameako gnanao avao koa gny avorohotan'Israely voho Joda. Fa laha mbo kely loatsy io, la ho nagnome gnanao raha maro hafa ho fagnampiny Aho, ⁹ Ka nagnino iha ro nanao tsinontsino reo lilin'i Yaveh, sady nanao zay raty teo imasony? Novonoanao tamin'ny sabatsy i Oria lay Hetita sady nalanao ho valinao gny valiny. Novonoanao tamin'ny sabatsy gny tafik'i Amona ie. ¹⁰ Ka amizao la tsy hiala amin'ny avorohotanao mandrakizay gny sabatsy, fotony nanao tsinontsino gnahy nangalaky gny valin'i Oria lay Hetita ho lasa valinao iha." ¹¹ Hoy Yaveh hoe:" Ingo, hananga loza hanohitsy gnanao bakao amin'ny avorotanao avao Aho. Eo agnatrehan'ny masonao avao, ro hangalako reo valinao sady hagnomezako gnan-drozy ho gnan'ny namanao, sady hiara-handry am-pahalalaha amin'ireo valinao amin'ny atoandronanahary ie. ¹² Fa nanota nietaky iha, fa ingo hataoko eo agnatrehan'Israely manontolo io raha io, amin'ny atoandrobe-nanahary." ¹³ La hoy i Davida tamin'i Natana hoe:" Nanota tamin'i Yaveh aho." Namaly gnan'i Davida i Natana hoe:" Yaveh avao koa fa namela gny fahotanao. Tsy ho vonoa iha. ¹⁴ Kanefa , fotony tamin'ny alalan'io fihetsiky io ro nanaovanao tsinontsino gnan'i Yaveh, la ho maty tokoa gny zaza zay aterakao." ¹⁵ Bakeo la niala i Natana sady noly tagny an-tragno. Namely lay zaza zay nateraky gny valin'i Oria tamin'i Davida i Yaveh ka narary mare ie. ¹⁶ Bakeo la nitalaho mare tamin-Dranagnahary ho gnan'ilay zazalahy i Davida. Nifaly hany i Davida sady nilitsy tao ka nandry tamin'ny tany nandritsa gny haly maontolo. ¹⁷ Reo loholon'ny tragnony la nijano voho nitsanga teo agnilany, mba hampiary gnazy eo amin'ny tany, fa tsy nety niary ie, sady tsy nety nisakafo niaraky tamin-drozy. ¹⁸ Sadt tamin'ny andro fahafito ro nahafaty lay zazalahy. Reo mpanompon'i Davida la natahotsy gny hilaza taminy fa maty lay zaza, fo hoy rozy hoe:" Ingo, laha mbo velo lay zaza la niresaky taminy rahay, sady tsy nijanjy gny feonay ie. Ino ro mety ho hataony amin'ny vatany laha mivola aminy rahay fa maty lay zazalahy?" ¹⁹ Fa lafa jerin'i Davida fa nifampibisibisiky reo mpanompony , la hain'i davida fa maty lay zaza. Hoy ie tamin'ireo mpanompony hoe:" Maty va lay zaza?" Namaly rozy hoe:" Maty ie." ²⁰ La nitsanga bakaeo amin'ny tany i Davida sady nanasa gny vatany, nino diloilo, voho nanolo reo fisikignany. Nandeha nagnagny amin'ny tabernakelin'i Yaveh ie sady nanao fanompoam-pivavava tagny, sady bakeo nimpoly noly tagny amin'ny lapany ie. Lafa nangataky ie, la napetran-drozy teo agnatrehany gny sakafo, ka nihina ie. ²¹ Bakeo reo mpanompony nivola taminy hoe:' Nagnino ro nanao gnan'izao iha? Nifaly hany iha sady nitagny gnan'ilay zaza tamin'ie mbo velo, fa lafa maty lay zaza, la nitsanga iha sady nihina." ²² La namaly i Davida hoe:" Laha mbo velo lay zaza la nifaly hany voho nitagny aho. Hoy aho hoe:" Ia ro mahay na hamindra fo amiko Yaveh na tsia. Ka mety ho velo gny zaza? ²³ Fa amizao maty ie , ka nagnino aho ro tokony hifaly hany? Afaky hampimpoly gnanzy ndraiky va aho? Handeha ho agny aminy aho, fa tsy himpoly amiko ie." ²⁴ Nampionona gnan'i Batseba valiny i Davida, sady nilitsitsy tao aminy, ka niara-nandry taminy. Tatoy afara la niteraky zazalahy ie, sady nomeany gny agnara hoe Solomona lay zaza. Nitia gnazy Yaveh ²⁵ sady nandefa teny tamin'i Natana mpaminany Ie mba hanao gny agnarany hoe Jedidia, fotony tia gnazy Yaveh. ²⁹ La namory gny tafiky manontolo i Davida ka nandeha tagny Raba; nialy tamin'ilay tana ie sady nambabo gnan'io. ³⁰ Nalan'i Davida tegny amin'ny lohan'ny mpanjankan-drozy gny satro-boninahitsy__talenta volamena raiky ro lanjan'io, sady nidy vato sarobidy tao agnatiny. Napetraky teo agnabony lohan'i Davida lay satro-boninahitsy . bakeo la nandesiny niboaky reo babon'ny tana maro .