¹ Sady lafa avy gny lohatao, amin'ny fotoa zay fandehanan'ireo mpanjaka hialy, la nirahin'i Davida i Joaba, mpanompony, voho reo tafik'Israely manontolo. Nandringa gny tafik'i Amona sady nanao fahirano gnan'i Raba rozy. Fa ingo nijano tagny Jerosalema i Davida. ² Nony avy gny hariva la nifoha teo am-pandriany i Davida sady nandeha tagny amin'ny tafon'ny lapany. Bakegny ie ro nahajilo ampela raiky zay teo am-pandroa, sady tena mahafinaritsy Hentea lay ampela. ³ Nohon'io la nandefa voho nagnontany olo zay mahay gny momba lay ampela i Davida. Nisy olo raiky nivola hoe:" Tsy i Batseba , anaky ampelan'i Eliama va io, sady tsy lay valin'i Oria lay Hetita va ie?" ⁴ La nandefa mpanday hafatsy i Davida sady nangalaky gnazy; la avy tagny aminy ie, sady niara-nandry taminy ie(fotony vo baka nagnadio gny vatany tamin'ny fadim-bola ie) Bakeo la nimpoly tagny an-tragnony ie. Nibevoka lay ampela, sady nampigniraky voho nivola gnan'i Davida ie; hoy ie hoe:" Bevohoka aho." ⁶ Bakeo i Davida nampagniraky tagny amini Joaba nanao hoe:" Alefaso atoy amiko i Oria lay Hetita." La nalefan'i Joaba tagny amin'i Davida i Oria. ⁷ Lafa avy i Oria, la nagnontany gnazy i Davida hoe nanao akory Joaba, nanao akory gny tafiky, sady nanao akory gny fandehan'ny aly. ⁸ La hoy i Davida tamin'i Oriahoe:"Mizotsoa agny amin'ny tragnonao, sady sasao gny tombokao." Ka la niala tao amin'ny plapan'ny mpanjaka i Oria, sady nandefa fagnomeza ho gnan'i Oria gny mpanjaka tafaran'ny nandehanany. ⁹ Fa nandry teo am-baravagnan'ny lapan'ny mpanjaka niaraky tamin'ireo mpanompon'ny tompony iaby i Oria, sady tsy nizotso tagny an-tragnony ie. ¹⁰ Lafa nivola tamin'i Davida rozy hoe:" Tsy nizotso tagny an-tragnony i Oria, "la hoy i Davida tamin'i Oria hoe:" Tsy baka nandeha va iha? Nagnino iha ro tsy nandeha nizotso tagny an-tragnonao?" ¹¹ Namaly gnan'i Davida i Oria hoe:" Lay fiara, voho Israely sady Joda la mijano ao amin'ireo lay, sady Joaba tompoko voho tompon'ireo mpanompoko la nivory tagny an-dohasaha. Manao akory ary ro ahafahako magnagny an-tragnoko mba hihina voho hino voho hiroro hiaraky amin'ny valiko? Laha mbo velo tokoa iha, la tsy hanao gnan'io aho." ¹² Ka hoy i Davida tamin'i Oria hoe:" Mijanogna aloha eto androany, fa hamaray iha hengako handeha." Ka nijano tao Jerosalema tamin'io andro io voho hamarain'io i Oria. ¹³ Lafa nikaiky gnazy i Davida, la nihina voho nino teo agnatrehany ie, sady nomamoin'i Davida ie. Gny hariva iOria la niboaky mba hiroro miaraky amin'ireo mpanompon'ny tompony eo am-pandriany; tsy nandeha nilitsy tagny an-tragnony ie. ¹⁴ Sady lafa avy gny maray la nanoratsy taratasy ho gnan'i Joaba i Davida, sady nandefa gnan'io tamin'ny alalan'ny tagnan'i Oria. ¹⁵ Davida nanoratsy tao amin'ny taratasy manao hoe:" Apetraho eo agnatrehan'ny aly maahery i Oria, sady miala eo aminy bakeo , mba ho voavely voho voavono ie." ¹⁶ Ka lafa nanao fahirano tamin'ny tana i Joaba, la nanendry gnani Oria tamin'ny toera zay nahaizany reo miaramila fahavalo matanjaky mare hialia ie. ¹⁷ Lafa niboaky reo joharin'ny tana sady nialy tamin'ny tafik'i Joaba, la lavo gny sasany tamin'ireo miaramilan'i Davida, sady Oria lay Hetita avao koa la voavono tagny. ¹⁸ Lafa nandefa teny tagny amin'i Davida momba gny raha mahakasiky gny aly i Joaba, ¹⁹ la nandidy gny mpanday hafatsy ie, nilaza hoe:" Lafa voateninao amin'ny mpanjaka gny raha iaby mahakasiky lay aly, ²⁰ gny mety hiseho la hoe hasiaky gny mpanjaka, ka hivola aminao ie hoe:" Nagnino ro nagnenky loatsy gny tana iha ro nialy? Tsy haiko va fa mety bakegny amin'ny manda rozy ro hitifitsy? ²¹ Ia ro namono gnan'i Abimeleka anak'i Jeroboseta? Moa tsy ampela raiky va ro nandefa vato fikosoham-bary taminy bakegny amin'ny manda, zay nahafaty gnazy tagny Tebeza? Nagnino iha ro tegny amin'izay mariniky la mariniky gny manda ro nandeha? Sady tsy maintsy hamaly iha hoe:" Oria lay Hetita mpanomponao avao koa la maty." ²⁴ Bakeo nitifitsy tagny amin'ireo miaramilanao bakegny amin'ny manda gny mpitifitsin-drozy, sady voavono gny sasany tamin'ireo mpanomponan'ny mpanjaka, sady maty avao koa Oria lay Hetita mpanomponao," ²⁵ La hoy i Davida tamin'ilay mpanday hafatsy hoe:" Volagno gnan'i zao Joaba:Ka atao mampasiaky gnanao toy, fa gny sabatsy la handevo raiky hafa . Hamafiso soa hagnorena lay tana gny alinao, ka ravao io; sady ampirisiho ie." ²⁶ Ka lafa ren'ny valin'i Oria fa maty i Oria valiny, la nisaona tanteraky gny valiny ie. ²⁷ Lafa nisava gny alahelony, la nampagniraky voho nampoly gnazy tagny tagny amin'ny lapany i Davida, ka lasa valiny ie sady niteraky zazalahy taminy. Kanefa tsy nankasitrahan'i Yaveh gny nataon'i Davida.