¹ Tafara tatoy la maty gny mpanjakan'ny vahoakin'i Amona, sady lasa mpanjaka teo amin'ny toerany i Hanona anaky lahiny. ² Hoy i Davida hoe:" Hanao soa amin'i Hanona anak'i Nahasy aho, manahaky gny nanaovan'ny rainy soa tamiko." Ka la nandefa reo mpanompony hampahery gnan'i Hanona mahakasiky gny rainy i Davida . Nilitsy tao amin'ny tanin'ny vahoakan'i Amona reo mpanompony . ³ Fa ingo hoy reo mpitariky gny vahoakan'i Amona tamin'i Hanona tompon-drozy hoe:"Mihevitsy tokoa va iha fa magnome voninahitsy gny rainao i Davida fotony nandefa reo mpanompony hampahery gnanao ie?Tsy fa nandefa reo mpanompony taminao va i Davida mba hanenty gny tana, hitsikilo gnan'io , mba handrava gnan'io?" ⁶ Lafa hitan'ny vahoakan'i Amona fa lasa mafaitsy holitsy amin'i Davida rozy, la nandefa mpanday hafatsy gny vahoakan'i Amona sady nagnakarama reo Syria bakao Beti-rehoba voho Zoba, miaramila nandeha an-tomboky roa aly, voho johary roa rivo tamin'ny mpanjakan'i Maka, sady johary roarivo voho ray aly tamin'ireo olon'i Toba. ⁷ Lafa nahare gnan'io Davida, la nandefa gnan'i Joaba voho gny tafiky miaramila iaby ie. ⁸ Avy reo Amonita sady nilahatsy hialy teo amin'ny filira teo amin'ny vavahadin'ny tanan-drozy, laha mbo nijoro teo amin'ny saha malalaky reo Syriana bakagny Zoba voho Rehoba, sady reo olo bakagny Toba voho Maka. ⁹ Lafa nahita reo fahavalo teo agnatrehany voho tafarany tao i Joaba, la nifily gny sasany tamin'ireo zay mahay mialy mare ie sady nandami gnan-drozy hialy amin'ireo Syriana. ¹⁰ Laha gny amin'ireo tafiky sisa tavela, la tolorany ho baikon'i Abisay rahalahiny, ka nalany hialy amin'ny tafik'i Amona rozy. ¹¹ Hoy i Joaba hoe:" Laha mahery loatsy ho gnahy reo Syriana, la iha , Abisay, ro tsy maintsy magnavotsy gnahy. Fa laha mahery loatsy ho gnanareo gny tafik'i Amona, la ho avy aho sady hagnavotsy gnanareo. ¹² Mahereza, sady nadeha tsika haneho gny tanjantsika ho gnan'ny vahoakantsika voho reo tanan'ny Ndranagnahary, fotony i Yaveh la hanao zay soa ho gnan'ny tanjony." ¹³ Ka nandroso i Joaba voho reo miaramila tao amin'ny tafiny mba hialy hanohitsy reo Syriana, zay voatery nitsoaky teo agnatrehan'ny tafik'Israely. ¹⁴ Lafa nahita reo miaramilan'ny Syriana nandositsy gny tafik'i Amona, la nitsoaky gnan'i Abisay koa rozy sady nimpoly tao amin'ny tana. Bakeo i Joaba nimpoly bakagny amin'ny vahoakan'i Amona sady nimpoly tagny Jerosalema. ¹⁵ Lafa hitan'ireo Syriana fa ho resin'Israely rozy, la nivory niaraky ndraiky rozy. ¹⁶ Bakeo Hadadezera nampikaiky andiana Syriana bakagny an-dafin'ny Onin'i Eofrota. Avy tao Helama niaraky tamin'i Sobaka, lay mpifehy gny tafik'i Hedadezera lohan-drozy rozy. ¹⁷ Lafa nivolagniny tamin'io Davida, la namory gny Israely iaby ie, niampita gnan'i Jordana, sady avy tagny Helama. Nilahatsy hialy hanohitsy gnan'i Davida reo Syriana sady nialy taminy. ¹⁸ Nandositsy gnan'Israely reo Syriana. Nahafaty miaramila mpanday kalesy fitonjato voho mpanday soavaly afatr'aly i Davida. Naratsy i Sobaka mpifehy gny tafikin-drozy sady maty tagny. ¹⁹ Lafa hitan'ireo mpanjaka iaby zay mpanompon'i Hadadezera fa resin'Israely rozy, la nanao fihavana tamin'Israely rozy ka lasa mpanompony. Nohon'io reo Syriana la natahotsy gny hagnampy gny vahoakan'i Amona.