¹ Tangu ka katwele mwana mukoko kiniemini ki nsambwadi, zulu yi di hwenene mpweti mu kitini ki tangu di mosi. ² Di yi mbwene mambasi nsambwadi yi ma telemene ku di se di Nzambi; ba ma hele bamvudi mvudi nsambwadi. ³ Mbasi wu hiki yi kesele, yi ka simbindi kinzanzi ki wenge ki wolo ku moko ma yandi yi ka telemene ku di se di kinzanzi ki wenge. Yi ba mu hele binzanzi bi wenge bingi, mu diambu ka yoko we bisambu bi bakidisitu ha mese ma binzanzi bi wolo ku di se di kiti ki kimfumu. ⁴ Musi wu kinzanzi ki wenge, we bisambu bi bakidisitu, yi bitelemene ha moko mambasi ku di se di Nzambi. ⁵ Mbasi yi yi simbidi kinzanzi ki wenge yi yibasisi mbawu yi tukidi ha mese ma makabu. di ku manimi, yi ka losele ha nsi, di yi ka wudi mikedi kedi mi nzasi mi vulu vulu, midikitidi, mikedi kedi we ku ningana ku mafu. ⁶ Mambasi nsambwadi ma kele we mamvudi mvudi nsambwadi, ma yilemenewu samu ba ma siki. ⁷ Mbasi yi ntete yi sikidi kimvudi mvudi, mana yi ba bongele mvulu matadi we mbawu ba sangisi yi menge.Yi ba losele ha ntandu mafu, di kitini ki tatu ki mafu we kitini ki tatu ki miti yi ki hidi mbawu, we bititi biakulu bi nse yi bi hidi mbawu. ⁸ Mbasi yi zolo yi sikidi kimvudi mvudi we kimi ki mosi ki fanakene yi mongo wu mbutu mbutu yi kese bwa mu nkati ka nzadi. ⁹ Kitini ki tatu ki nzadi yi ki kumini menge, kitini ki batu kasadidi Nzambi mu nsi nzadi ba fudi, mana kitini ki tatu ki maswa yi ki mpanzene. ¹⁰ Mbasi yi tatu yi sikidi kimvudi mvudi, we mbwetete wu mbutu mbutu tuku ngelama nga muleku leku mbawu budi ku zulu, ha ntandu kitini ki tatu ki nzadi we nto mukoko. ¹¹ Zini di mbwetete wene nkadi. Kitini ki tatu ki mamba yi ki kumini nkadi, mana batu ba vulu vulu ba fudi mamba ma mana ma kumini nkadi. ¹² Mbwetete wu ya yi ka sikidi kimvudi mvudi we kitini ki tatu ki tangu yi ki ningene, we kitini ki tatu kingondo we kitini ki tatu ki bambwetete. Di, kitini ki tatu mu nkati ka biawu yi bi mpitidi,we kitini ki tatu ki kilmbu, bwabunu kitini ki tatu ki mpibi muni ka tendeloko. ¹³ Yi tadidiwu we yi wudi ngonono mosi wu mpulumukiniwu mu nkati ka zulu ka ye totodiwu mu ndingi yi kabala:" Ngebe, ngebe, ngebe ku batu ba zakalawu ha nsi mutoto, mu diambu di mvudi mvudi yini ba sikawu mambasi ma tatu.'