¹ Mana, mbasi yi tanu yi yi sikidi mvudi mvudi yandi yi mwene mbwetete mosi wu tukidi ku zulu yi kese bwa ha nsi. Yi ba mu hele mbasi nsabi yi dibulu yi ba sweke mpefu yi Nzambi. ² Yi ka yangwele dibulu mana musi yi ka lubukidi mu nkati, wu fanakana we mumbundu musi yi ka telemene. Tangu we kumu kwekini ku ka mpiti mu diambu di musi wunu wu lubukidi ku zulu. ³ Mu lweke di musi, mayoyi ma lubukidiwu ma tuku ha ntandu mafu yi ba ma hele kimfumu ki fanakene nga bankutu ha nsi mutoto. ⁴ Yi ba ma bisididi ma yaku bungu bisaka bi mu nsi mutoto we miti; mana ma sala kaka mbi ku batu bana ba kondele ku mu yamba Yesu we ba ba kondele kiniemini ku biunzi bi bawu. ⁵ Ma bongeloko nswa mu ku ba hondo batu bene, mana ba ba yangisi ngondo tanu. Mpasi za bawu za fanakana nga bu ka lunzawu nkutu mu mutu. ⁶ Mu bilumbu biabini batu ba dingi di fwa mana ba di monoko. Ba kala yi mfunu di fwa mana di fwa di ba tini kiana yi bawu. ⁷ Mayoyi ma fanakene nga bampundu bana ba yilimenewu mu kwe nwana. Ma kele ha ntandu mitwe mi bawu we bimi bi fanakana we mpu yi kimfumu yi wolo mana bilunzi bi kele nga bilunzi bi batu. ⁸ Ma kele yi nsuki za fanakana nga za banketu we menu nga bantambu. ⁹ Ma vete milele mi fanakene nga milele mi bibendi malokoso ma nsala za bawu mafanakene nga malokoso ma mampusu mpusu we bampundu ba kwe yetikidi mu kwe nwana. ¹⁰ Mikidi mi bawu mi kele nga mikidi mi bankutu; mu mikidi mi bawu, ba kele yi kiyeke ki ku sala bumbi ku batu mu ngondo tanu. ¹¹ Mfumu mawu ka kele mbasi yini yi tadidiwu dibulu dini ba sweke ma mpefu ma mbi. Zini diandi di kele mu Ebele Abando we Ampolio mu ki Geleki. ¹² Mpasi za ntete za hioko tala! Ku manimi ma bimi bi, kwene misamu miolo mi ngebe mi hiki mi kusu. ¹³ Mbasi yi sambanu yi yisikidi mvudi mvudi yandi, we yi ngudi ndingi mosi yi tukidi mu mansongi ma ya mese ma wolo di makabu menawu ku di se di Nzambi. ¹⁴ Ndingi yini yi hoyawu ku mbasi yi sambanu yi kele we mvudi mvudi:"Ma yambululu mambasi ma ya mana menawu ma ku kasa ku nzadi mbutu Efalata." ¹⁵ Mambasi ma ya mana ba yidikidi mu tangu di fene, kilumbu kiene, mu ngondo wene, mana mvulu ya yini yi ba ba yambwele mu diambu ba bebisi kitini ki tatu ki nsi. ¹⁶ Ntalu yi basuta ba bampundu yi kele nkama zolo za ba midiyo.(200 000 000) Yi wudu ntalu bawu. ¹⁷ Tala nki mpidi yi mwene bampundu we ba ba matiniwu mu mabanza ma mene: Mulele bawu wu kibendi ka kele wu mamba wu kubenge ku mbawu, dimbungi dimbungi we lutu di lalanzi. Mitwe mi bampundu mi monokenewu nga mi bantambu, mana mi minwa mi bawu mu lubukidiwu mbawu, musi we malemini. ¹⁸ Kitini ki tatu ki batu ba ki hondele mu bimi bi tatu bi: Mbawu, musi we malemini bi bilubukidiwu mu minwa mi bawu. ¹⁹ Samu kimfumu ki bampundu ki kele mu munwa bawu we mu mikidi mi bawu. Di, mikidi mi bawu mi kele nga mi banioko mana mikele yi mitwe mi bawu mi lwekelewu batu. ²⁰ Ba basele mu nsi ba ba kondele ku hondo ku bimi biene ba balumenoko mambundu mu bisalu biawu bi ba sadidi, we ku kondo ku kuyambulu mu ku mu sikisi mufu we biteke bi wolo, Arja, bolonzi, bi matadi we bi miti; Bimi bi konda ku mono, ku wa, we ku kangala. ²¹ Mana ba balumenoko mbundu ata mu ku hondo batu, mu buloki bwawu, mu ku ta mbongi, ata mu ku hunu batu.