¹ Ku manimi ma bwabunu, yi mbwene mambasi ma ya ma telemenewu mu malweke ma ya ma nsi, yi ma kwete mimpebe mini miakulu mia mi ya mi nsi, mu diambu ata mumpebe mosi ka yaku tele mu nsi, mu nzadi we ata mu muti mosi. ² Yi mbwene mbasi yi hiki yi tukidi ku di selukawu tangu yi simbidiwu kiniemini ki Nzambi wu moyi. Yi yi hoyele ngolo ku mambasi ma ya ma bongele nswa yi ku sala mu nsi we mu nzadi. ³ " Lu yaku sala mbi mu nsi, ata mu nzadi, ata ku muti mosi tii kunu ntu kusu cha kiniemini, mu bilunzi bi bisadi bi Nzambi." ⁴ Ngudiwu ntalu yi ba mbele ba kele ba bongelewu ba sidi kiniemini: Nkama mosi yi ma ku ma ya we ya (144 000) ba kele ba ku cha kiniemini we ba kele mu kikanda kiakulu ki Isalayedi: ⁵ Mafundu kumi yi molo ma kikanda ki Yudasi; mafundu kumi yi molo ma kikanda ki Lubeni; mafundu kumi yi molo ma kikanda ki Gadi(Gad); ⁶ Mafundu kumi yi molo ma kikanda ki Azedi; mafundu kumi yi molo ma kikanda ki Manase; ⁷ Mafundu kumi yi molo ma kikanda ki Simeyoni; mafundu kumi yi molo ma kikanda ki Levi; mafundu kumi yi molo ma kikanda ki Isakadi(Issacar); ⁸ Mafundu kumi yi molo ma kikanda ki Zabiloni; mafundu kumi yi molo ma kikanda ki Yozefi; mafundu kumi yi molo ma kikanda ki Benziamini ba ba kele ba ku cha kiniemini. ⁹ Ku manimi ma bwabunu yi ntadidi yi mbwene kibuku ki batu ki kiene ata mutu ka fenoko ku ba tanga, ki tukidi mu mansi makulu, mu bikanda biakulu, batu bakulu we mandingi makulu, ba telemene ku di se di kiti ki kimfumu we ku di se di mwana mukoko. ¹⁰ Mana yi ba yandikidi ku hoyi mu ndingi ngolo: " Ku huluku kwene ku Nzambi betu wu zakala ha kiti ki kimfumu we ku mwana mukoko." ¹¹ Mambasi makulu yi ma telemene mu malweke ma kiti ki kimfumu, we mu malweke ma minunu yi bimi bi ya bini bi mosi ka sadidi Nzambi mana yi ba fokomene yi ba zenzemene ku di se di kiti ki kimfumu. Yi ba bandikidi ku mu sikisi muNzambi. ¹² We ku hoyi na:"Bwabunu! Sikisi, dikumu, nduku, ku vutulu matondo we ngolo za kala kwene Nzambi betu tangu diakulu bwabunu!" ¹³ Mana mosi mu nkati ka minunu yi ka mpiulele: " Bana ba vetewu mamvele ma kaseme, mana akwe ba tukidi?" ¹⁴ Yi mu vutusele: Mfumu mene nge yebe."Mana ka nkambawu:" Bene ba ba lubukidiwu mu nkati ka mpasi. Ba sukele mamvele ma bawu mana yi ba ma semese mu menge ma mwana mukoko. ¹⁵ Mu kinungu kiakini, bena ku di se di kiti ki kimfumu ki Nzambi we ku mu sambidi mpibi yi muni mu nzo Nzambi yandi. Wu wene zakelewu ha kiti ki kimfumu ka ba sweke mu nzo yandi. ¹⁶ Ba kaloko ata yi nzala ata yi mfunu. Tangu di ba yokoko ata lukutini di kaloko. ¹⁷ Samu mwana mukoko wena ha nkati ka kiti ki kimfumu ka kala kisadi mana ka ba nata bele bele yi manto ma mikoko mi moyi we Nzambi ka ba kungunu mansamga mu mesu ma bawu.