¹ Yi mbwene mwana mukoko yi ka yandikidi ku yangulu biniemini nsambwadi, bunu ka katwele kiniemini ki ntete, yi ngudi ndingi yi ntele bunu ka kalawu nzasi; Ka hoyawu:" A wusu!" ² Yi ntadidi yi mbwene mpundu wu ka seme. Mutu matiniwu ha ntandu yi ka simbidiwu buta bu matomo; yi ba mu sikisi mu diambu nungini mviti, mana lubukidi mu diambu ka nungini di hiki. ³ Tangu ka katwele mwana mukoko kiniemini ki ki zolo, yi ngudi batu bolo ba hoyawu: "A wusu!" ⁴ Mpundu hiki yi ka lubukidi ka kele wu kabenge. Ba mu hele nzidi yi ku katulu mpweti mu nsi mutoto mu diambu batu ba di hondo babene. Yi ba mu hele mbele yi menu molo. ⁵ Tangu ka yangwele mwana mukoko kiniemini ki tatu, yi ngudi batu ba tatu ba hoyawu:" Awusu!" Yi mbwene mpundu wu ka mpiti, mutu matiniwu ha ntandu mpundu yi ka simbidi kitesidi ku moko ma yandi. ⁶ Yi ngudi bunu ku kala ndingi yi tukidi ku kwene mambasi ma ya Ma hoya:"Difuti di kilumbu ki mosi di kisalu di kala nga kobo di bule(Ble), holo makobo ma tatu ma orge, mana, lu yaku bongo ma hia ma Olive holo vinu" ⁷ Tangu ka yangwele mwana mukoko kiniemini ki ya, yi ngudi mbasi yi ya yi hoyawu:"Awusu1" ⁸ Yi ntadidi, mana yi mbwene mwana mukoko ka kele mvindu. Mutu wu matini ha ntandu yandi zini diandi Difwa. Mfumu hata di batu ba fwa yi ka mu lende. Ba mu hele kimfumu ka hondo kitini ki nsi, ku kala na mu ku nwana, ku kala na mu nzala, ku kala na mu kibefu, holo na mu bambisi ba mbi. ⁹ Tangu ka yangwele mwana mukoko kiniemini ki tanu, yi mbwen ha nsi mese ma makabu mioyi mi batu bana ba hondele mu diambu ba tambuselewu mu ndingi Nzambi, we ku longo ndingi yandi. ¹⁰ Yi ba yandikidi ku tamukini mu mandingi ma ngolo: " Tii nki tangu mfumu wu bamfumu wu kondo masumu, nki tangu sambisi nge batu ba nsi mutoto, mu ku ba vutululu mambi mawu mu diambu di mambi ma betu?" ¹¹ Yi ba ba hele mamvele ma kaseme mutu yi mutu, ba ba kamba bu: Lu ma hingidi mu diambu yi kunu lu wene bunu ba lu hondele, ku fene ba hondo dihiki bampangi ba benu ba kisalu we makanda ma benu. ¹² Tangu ka yangwele mwana mukoko kiniemini ki kisambanu: Yi mbwene mafu ma nigene ngolo, muni yika mpitidi mpenza, ngondo ke kinawu wu kabenge nga menge. ¹³ Bambwetete yi ba budi ha nsi nga bibundu bindende (Bi kafi) Na mfunzi yi bi ningisi ngolo. ¹⁴ Zulu yi di dindimukini nga kibundu ki milele ba ye dindimuni. Mongo yandikulu we bisangi biakulu bi katukidi ha kiziki bi kele. ¹⁵ Ku manimi, bamfumu ba mutoto batu bambutu, bamfumu ba basuta, bamvwama, ba nkwa ngolo, batu ba hiki dihiki ba mpiku we ba ba kondele bampiku, ba ye swama mu bitadi, we mu matadi ma miongo. ¹⁶ Ba nkembe ku miongo we ku bitadi: " Lu ntu bulu! Lu ntu sweke ku di se yi wu zakele ha kiti ki kimfumu we nkabu za mwana mukoko. ¹⁷ Mu diambu kilumbu kimbutu ki nkabu za bawu na huluku?"