¹ Ku manimi ma kimi kiakini, yi ntadidi yi mbwene kiafulu ki yangukidiwu ku zulu. Ndingi ntete yi wudi yi nkambawu mvudi mvudi:" Tomboko ha yi ku songidi bi bi kusu ku manimi." ² Munu tangu di mosi, yi kele mu mpefu yi mbwene kiti ki kimfumu ba sidi ku zulu we mutu mosi wu kele zakelewu ha hana. ³ Wu kele zakelewu ha hana ka kele wu fanakana we tadi di mosi di ntalu. Ku kele nkongolo mu lweke di kiti ki kimfumu. Nkongolo wu fanakana we tadi di ntalu. ⁴ Mu lweke di kiti ki kimfumu, ku kele biti ma ku molo yi ya bi kimfumu we bambutu ma ku molo yi ma ya ba kele ba zakelewu, ba vetewu milele mi kaseme we bidimbu bi wolo mu mitwe mi bawu. ⁵ Biti bi kimfumu bi lubelewu mikedi kedi we malokoso ma mibandala, miende nsambwadi mi lemenewu ha di se di kiti ki kimfumu miende nsambwadi mi kele mampefu nsambwadi ma Nzambi. ⁶ Di hiki, mu lweke di kiti ki kimfumu yi mwene nzadi wu bimpele, nga tadi di ntalu mu nkati we mu lweke di kiti ki kimfumu mu kele batu ba ya ba moyi ba ba cha mesu ku di se we ku manimi. ⁷ Mutu wu ntete wu moyi ka fanakenewu nga ntambu, wu zolo ka fanakenewu nga mwana ngo, wu tatu ka kele yi kilunzi ki mutu di wu ya kafanakenewu nga mbanzi wunu mpulumukawu. ⁸ Batu ba ya ba moyi, mutu yandi kulu ka kele we ma he ma ya ku ntandu we ku banda. Ba lembeleku mu ku hoyi mu mpibi we mu muni." Wu kondo yi disumu, wu kondele disuku, wu kondele yi disumu mfumu Nzambi betu, wu kele, wu wene, we wu kusu." ⁹ Tangu diakulu ba hene batu ba moyi dikumu kwene Nzambi, dikumu we ku mu vutululu matondo wu kele wu zakala ha kiti ki kimfumu, wu zingawu mvulu yi mvulu. ¹⁰ Bambutu ma ku molo yi ya ba fokomene ku di se di kiti ki kimfumu. Ba fokomenewu ku wu zingawu mvulu yi mvulu, ba loselewu kidimbu kiawu ku di se di kiti ki kimfumu di ba hoyawu: ¹¹ "Wene wu fana mfumwetu mu ku bongo dikumu we ngolo mu diambu di nge wu sadidi bimi biakulu, we dizolo diaku, bi salamene mana mpe bi zingawu.