¹ Soniki ku mbasi yi nzo Nzambi yi Sarde:" Tala ndingi yi mutu wunu wu simbi mampefu nsambwadi we bambwetete nsambwadi nzey bisalu bi nge, monikawu na wene wu moyi mana wene wu fwa. ² Vumbuku ba heke ngolo ba ba sala we ba bene na ba diku fwa samu mbwenoko bisalu bi nge bi wana ku di se di Nzambi. Mana banza makulu ma wu bongele we ma wu wudi. Tambusulu mana balumunu mbundu, mana na vumbukidoko, yi kusu nga mufi mana nge ngiaboko na nki tangu di yi kusu ku wene nge. ⁴ Mana kwene hene mwana ntalu mazini ma batu ku Sarde ba kondele ku mpitisi milele mi bawu. Bawu ba kwende yi mene, ba vetewu milele mi ka seme mu diambu bene ba ku fana. ⁵ Wu nungu wunu ka vata milele mi ka seme, yi katuloko zini di yandi mu mkanda wawunu yi hoyidi zini di yandi ku di se di tata we mambasi ma yandi. ⁶ Wu wene yi matu ka wa mi ka hoyele mpefu mu ma nzo ma Nzambi. ⁷ " Soniki ku mbasi yi nzo Nzambi yi Filadelfi: Tala ndingi yi wu kondele disumu wene wu kiediki. Kene yi vungulu di Tavidi ho ka yangulu heke mutu hoyi; na ka kasa mpe heku mutu yangulu. ⁸ "Ngiebe bisalu bi nge; tala, nsidiwu ku di se di nge mwelu wu ku yangulu mtu ka fenoko ku kasa. Ngiebe na weku yi ngolo zengi mana nge lemvukele mu ningi mene mana nge bisidoko zini di mene. ⁹ Tala ba bene mu nzo nzambi yi mufu, ba tuku hoyi na bene Bayuda mana beku, ba tuku hunu. Yi kusu ba nati bese fokama ha malu ma nge mana ba yaba na mene yi ku zolawu. ¹⁰ Mu diambu nge ke swekele munsiku mene wu ku kasa mbundu, mene mpe yi lu kebe mu tangu di mpasi zana za kusu mu nsi yakulu. ¹¹ Ntama yingi lo yi kusawu lu simbi ngolo kimvwama kini lwene kio mu diambu ata mutu mosi ka yaku hotono kimvwama kiene. ¹² Wu nungu wunu yi mu cha nga mpanda mu nzo Nzambi yi tata mene mana ka lu bukoko. YI soniki ha ntandu yandi zini di Nzambi mene, zini di hata di tata mene, (Yelusalemi di mpa di tuku ku zulu bele bele yi Nzambi mene we Zini di mene di mpa.) ¹³ Wu wene yi matu ka wa mi ka tuku hoyi mpefu mu ma nzo ma Nzambi. ¹⁴ "Soniki ku mbasi Nzambi yi nzo Nzambi Laodise" Tala mi ka tuku hoyi yi bwawu,(Amen)Mbangi wu kiediki kene wu tuku yala wunu mu biakulu ka sadidi Nzambi." ¹⁵ Ngiebe bisalu bi nge weku ata yi mbawu holo kiosi. Nzolele wu kala mbawu holo kiosi! ¹⁶ Mu diambu wene yi mwana kididi ki mbawu, weku yi mbawu weku mpe yi kiosi, yekini bele bele muku ku luku mu munwa mene. ¹⁷ Samu tuku di hoyidi:"Yene mvwama, bongele bimi bingi mana yeku dihiki yi mfunu bimi." Mana tuku yaboko na wene mutu mpasi, mutu ngebe, mbwa, mutu wu fwa mesu wu kondo milele. ¹⁸ Wa mulongi mene:Nsumbu kwene mene wolo dini ba sukulu ku mbawu, mana wu kumu mvwama we milele mi kaseme mi tuku ngelama mu ku kondo ku songidi nsoni za kinkongo ki nge. Sumbu masi wu kusu ku mesu mu diambu wu mono. ¹⁹ Yi hana ndolo ku batu bana yi sida mene mbundu ba cha kituyi ba ba sobo mambundu. ²⁰ Tala ntelemene ha mwelu yi tuku betiki. Na mutu ka wa ndingi mene na nga ngiangululu, yi koto mu nzo yandi, yi we yandi kiziki ki mosi. ²¹ Wu nungu wunu, yi mu heke nswa mtu zakala ha kiti ki kimfumu we mene bunu yi nungini mene di yi ntu zakele yi tata mene ha kiti ki yandi ki kimfumu. ²² Wu wene yi matu ka wa mi ka hoyele mpefu mu ma nzo ma Nzambi.""