¹ " Mu sonikini mbasi yi nzo Nzambi Bu: 'Wa ndingi mutu wu simbidi mbwetete nsambwadi mu koko di yandi di ki tata di ka tuku mu nkati ka miende nsambwadi mi wolo. ² Nzeye misamu miakulu lu sadidi, mpasi za lu monawu mu kisalu we bu lu kasa ma mbundu. Nzeye na lu zakalaku kiziki ki mosi yi batu ba mbi; lu ba meke ba hoyi na benu bambangi ba mene, kingi kweku bwabunu, lu mwene na benu lwene bingumbu. ³ Lu kasidi mbundu mana lu lembeloko, tangu lu mwene mu diambu di mene. ⁴ Mana mbi mosi yi mwene ku benu, ya yi: Lu zolaku dihiki bu lu zolele ntete. ⁵ Lu banza kiziki ki lu kele, bwe lu budi.Lu balumunu mambundu, di lu vutukidi bisalu bienu bi ntama. Ho lubalumenoko mambundu, yi kusu ku lwene benu yi katulu miende mi benu. ⁶ Mana mamboti mbwene ku lwene benu mawu ma: Lu bisawu misamu ba salawu batu ba Nikolasi, bunu yi bisawu mene. ⁷ Mutu wene yi matu, ka wa misamu ka hoyele mpefu ku mabundu! Wu nungu, yi mu heke nzidi ka dia miti mi moyi mienawu ku Mpaladi yi Nzambi. ⁸ Soniki ku mbasi nzo Nzambi Simidi:"Tala misamu ka hoyawu wu wene mutu ntete we wu bunsuki, wu fudi yi ka vumbukidi." ⁹ "Nzeye mpasi za nge we bumbwa bu nge(Mana wene mvwama);Nzeye ba batuku di vwese na bene Bayuda ( Mana beku, kingi bene nzo Nzambi yi mufu) ¹⁰ Ya ku banga mpasi za tuku ku hingidi. Tala, mufu kene bele bele ka bwaka batu ba benu ba hiki mu boloko ka lu meke mana lu mono mpasi bilumbu kumi. Lu kala we ku tambusulu tii mu difwa mana yi lu heke mpu yi dizingu. ¹¹ Wu wene we matu ka wa misamu ka hoyele mpefu Nzambi mu manzo ma Nzambi. Wu nungu ka monoko mpasi mu difwa di dizolo. ¹² Mu sonikini mbasi yi nzo Nzambi Pergami:" Tala misamu ka hoyele mbele simbidi mbele yi menu molo: ¹³ Nzeye ku kalawu, kwakunu monawu kimfumu ki mufu. Mana wu simbi zini di mene ngolo, nzeye na hanoko dikwikidi di nge ku mene ata bilumbu bi Antipasi mbangi mene mukidisitu mene ba hondele mu nkati ka benu; ku ka zingawu mufu. ¹⁴ Yi bwabwu yene yi misamu yi ku sungukidi wene yi batu ha nkati ka benu ba tambusalawu bungi malongi ma Balami, ka longele Balaka mu ku heke ndongisidi, ka ba busu bana ba Isalayedi, musamu ba dia bambisi ba hene makabu ku banzambi ba biteke; we ba bizumbu. ¹⁵ Mpidi mosi kwene yi batu mu nkati ka benu ba kangama mu malongi ma Nikolasi. ¹⁶ Yi bwawu lu balumunu mambundu! Holo yi kusu yi hingidoko yi sala mviti we bawu yi mbele yi lubuku mu munwa mene. ¹⁷ Wu wene yi matu ka wa ma ka hoyele mpefu mu ma nzo ma Nzambi. Wu nungu, yi mu heke ma dia mana yi mu swekidi we tadi di kaseme di ba soniki zini di mpa di kondele ku yabana ku mutu wunu wu di bongele."" ¹⁸ Soniki ku mbasi yi Tiatire: "Tala ndingi mwana Nzambi wene yi mesu menawu na muleku leku mbawu malu nga matadi ma ntalu: ¹⁹ " Nzeye bisalu biaku, dizolo diaku, dikwikidi diaku, nzeye bisalu biaku we kingolo ngolo kiaku. Nzeye na bisalu biaku bi tangu di bi hiokele bisalu biakulu bi ntete. ²⁰ Tangu di yi ku sungukida bu: Mu tambusulawu mu munketu Zizabele na kene mbangi mu malongi ma yandi, ka hunawu bisadi bi mene mu ku ba tese bizumbu we ku dia bambisi bana ba hanawu ku biteke. ²¹ Yi mu hele tangu ka balumunu mbundu, mana ka tuku yambuloko mambi mandi ( ku ta mbongi) ²² Tala, yi mu loso ha ntangi babefu we ba ba tawu mbongi yi yandi, yi ba kotisi mu nkati ka mpasi, na ba yambweloko ma ba salawu. ²³ Yi hondo bana bakulu mana ma nzo ma yaba na mene yi yabawu mabanza we mambundu ma batu. Yi futu ku mutu yandikulu bunu bwene bunu kiene kisalu kiandi. ²⁴ Mana ma mabenu ma sele ku Tiyatire, ku ba ba kondele ku koto mu malongi ma mana we ba ba kondele ku yaba bimi bimi bi munkati ka misamu mi mufu, Kwene benu mpoyele: "Yi hanoko ata buzitu bu mosi ku kwene benu." ²⁵ Mu misamu miakulu, lu kasa mbundu tii hana yi kusu mene. ²⁶ Wu nungu we wu sala ma yi sala mene tii ku bunsuki, yi mu heke ngolo za kimfumu ku nsi misamu miakulu. ²⁷ Ka bayala we muti kibendi wu kimfumu. Ka ba bulu bibenge benge nga manzungu ma tumu. ²⁸ Bunuyi bongele ku tata yi mu heke bwabunu nga mbwetete wu kibungi. ²⁹ Yambulu wu wene yi matu ka wa ma ka hoyele mpefu mu mamnzo ma Nzambi.