¹ Mukanda wu, wu kinsweke, Nzambi ka songele ku Yesu kidisitu ka ba kamba mu batu ba kisalu misamu mi kusu ku manimi ma mwana bilumbu. Kidisitu hitikidi mbasi ku Zwani kisadi ki yandi, mu diambu kese songidi misamu miakulu. ² Di yi tuku hoyi ndingi Nzambi we misamu miakulu ka nsongele nga ku ndosi. ³ Kiesi ku mutu tuku tangidi batu ndingi yi tukidi ku mpefu yi Nzambi, kiesi ku ba batuku wa we ku tambusulu miakulu mini ba soniki mu diambu di tangu diekini bele bele. ⁵ Na ku Yesu Kidisitu wene mbangi ntete wu bunkete, wu butukidi mu di fwa, mfumu wu bamfumu ba nsi ku yandi wu ntu zolawu, wu ntu katulawu masumu ma betu mu menge mandi. ⁶ Ntu kotisi mu kikanda ki bamfumu , ba nganga-Nzambi ba ba mu sadila mu Nzambi tata yandi: Sikisi we ngolo zza kala ku yandi mvulu yi mvulu keku bwabunu? Bwabunu. ⁷ Yandi wunu kusawu mu nkati ka matuti. Batu bakulu ba mu mono ata ba ba mu tubele dihati. Batu ba makanda makulu ha nsi ba didi we ku mu banga. Ma musamu mi kala bwabunu. ⁸ Mfumu Nzambi mu nkwa ngolo zakulu, wu wene, wu kalawu, ka kusu, ka hoyele bu: "Mene yene dibandikidi we bunsuki." ⁹ Mene Zwani mpangi benu; mu kimvuku we Yesu, betukulu ntu tuku mono mpasi, ntu bongele kimfumu ntu tuku kasa mfundu mpidi mosi ba nkwete mene yi ba mpitikidi ku kisangi ki Mpatimosi, mu diambu yi ye longi misamu mi Nzambi ku batu ba yisi ka yisi ndatini Yesu Kidisitu. ¹⁰ Mu kilumbu ki mfumu mpefu yi nkotolele, bwabunu yi wudi ndingi yi kabala yi wakakene nga mvudi mvudi, yi hoyawu: ¹¹ "Misamu tuku mono ,soniki mukanda, wu hitiki mu ma nzo ma Nzambi nsambwadi:Efere,Simirne, Pergame,Tiyatire,SardeFiladelifi we lawudise." ¹² Mbalumukini yi tala na wu nkembe, di mbwene miende nsambwadi mi wolo. ¹³ Mu nkati miawu mbwene nga mutu mosi telemenewu, vete nzambala we nsibu yi wolo ha ntulu. ¹⁴ Mutwe we nsuki za yandi ku seme nga mulele mpana, kuseme dihiki yaba nga matuti, nsuki za kele nga muleku leku mbawu. ¹⁵ Bikanzu bi kele nga kibendi ki ntalu ba yidikidi mu masini, ndingi yandi nga malokoso ma dinkwaku di mamba. ¹⁶ Ka simbidi bambwetete nsambwadi ku koko di yandi di kitata di mu munwa yandi mu lubukidi mbele yi menu molo. Kilunzu ki lemenewu nga tangu. ¹⁷ Bu yi mu mwene, yi mbudi mu malu ma yandi nga mutu fwa. Yi ka nsidi koko di yandi di kitata hi ka hoyele:"Ya ku wa bomo yene wu ntete we wu bunsuki. ¹⁸ Yene wu moyi, yi kele wu fwa, yi tuku zingi tangu diakulu yi tuku vungulu di difwa we kilumbu ki difwa. ²⁰ Na ku kimpa ki bambwetete nsambwadi wu mwene ku koko di mene di kitata we miende nsambwadi mi wolo:Bambwetete nsambwadi ba tuku bongo kiziki ki mambasi nsambwadi ma nzo Nzambi nsambwadi, miende nsambwadi mi tuku bongo kiziki ki ma nzo ma Nzambi nsambwadi."