¹ Di, yi mbwene zulu di mpa we mafu ma mpa mu diambu zulu di nkulu we mafu ma nkulu ma lala, we manzadi mpe ma keloko. ² Yi mbwene mbanza yi kondo masumu, Yelusalemi di mpa, di tulukidi ku zulu mu lweke di Nzambi, mbasi yi yilimene yi yi holyele na yaku yilama mu diambu di munkettwaku: ³ Yi ngudi ndingi yi kabala yi tukidi ku kimfumu yi hoyawu na:" Tala! Nzambi wu tungu ha nkati ka batu we ku zakala yi bawu. Ba kala batu ba yandi, Nzambi ka kala yi bawu na yandi Nzambi bawu. ⁴ Ba kungunawu mansanga ma kulumukawu mu mesu mawu ku kaloko dihiki ata difwa ata kizamba ku kala kiadi holo mpe mpasi. mu diambu misamu mi ntama mi hudi. ⁵ Wu kele wu zakala ha kiti ki kimfumu yi ka hoyele:" Tala, yi sala bimi biakulu bi mpa."Ka hoyawu :" Soniki bimi bi mu diambu misamu mi miene mi musamu we kiediki." ⁶ Ba nkambawu:"Bimi bi biene bi salama! Yene Alufa we Omega, dibandikidi we bunsuki wu wene yi huni, yi mu heke mamba ka bongo ku nto mamba ma dizingu. ⁷ Wu nungu wunu ka bongo bimi di yi kala Nzambi yandi: Yandi kakala mwanama. ⁸ Mana mu batu bana ba bangawu, ba loso dikwikidi, batu ba bi fu bi mbi, baloki, ba ba hondawu batu, bi ta mbongi, ba ba sambidawu manzambi ma biteke, we bingumbu, kiziki kiawu ki kala ku kizangi ki mbawu diadini yi diawu difwa di di zolo." ⁹ Mbasi mosi mu nkati ka mambasi nsambwadi yi yisidi kwene mene yi yini yi kele we makobo nsambwadi ma basa yi mpasi, di yi yi hoyele:"Awusu ha, yi ku songidi munketu wu ka kwele mwana mukoko." ¹⁰ Di, yi ka ndete mu mpefu ku zulu di mongo wu mosi wu ka leyi kaleyi di yi ka nsongele mbanza yi kondo disumu, Yelusalemi, yi tulukidi ku zulu kwene Nzambi. ¹¹ Yelusalemi ka kele yi mukanda Nzambi, di mikedi kedi kiandi mi kele nga kimi ki matu ki ntalu, nga tadi di ntalu di bunkete. ¹² ka kele yi kibaki ki mbutu we ki kaleyi we biafulu kumi yi biolo we mambasi kumi yi molo ku biafulu. Mazini ma bikanda kumi yi biolo ma bana ba Isalayedi ma kele ba soniki mu biafulu. ¹³ Ku kele biafulu bi tatu ku kulubukidawu tangu, biafulu bi tatu ku Nodi, biafulu bitatu ku Sudi we biafulu bi tatu ku kuselukidawu tangu. ¹⁴ Bi baki bi mbanza bi kele yi mafondasio kumi yi molo ku mawu ma kele ba soniki mazini kumi yi molo ba bangenzi ba mwana mukoko. ¹⁵ Wu hoyawu we mene ka kele we mwana muti ki wolo mu diambu di ku tesidi mbanza, biafulu we bibaki biandi. ¹⁶ Mbanza yi kele yi fanakana we malweke ma ya ku leyi ku fanakana we ku toko. Ba teselewu mbanza we kitini ki muti ku leyi kwandi yi mu nsi yi mu zulu ku kele mpidi mosi mafundu kumi yi molo estadesi(12000) ¹⁷ Yi ba tesese mpe bibaka biawu bi kele nkama yi ma ku ma ya yi ya Nkudese (144), mbasi yi yitesele bunu ba tesawu batu. ¹⁸ Bibaki bi kele we matadi ma ntalu we mbanza mu wolo di ba sukulu dini di monokenewu nga kimpele. ¹⁹ Fondasio di bibaki ba cha matadi ma ntalu ma mpidi yi mpidi. Di dintete di kele Jaspe, di dizolo Safi, di ditatu Agata, di diya Emerude, ²⁰ Di ditanu mu Sardoni, di disambanu mu Sardium, di dinsambwadi mu Chaysidithe, di di nanamu Beryl, di di vwa mu Topaze, di di kumi mu Chrysophase, di di kumi yi mosi mu Hyacinthe we di di kumi yi zolo muAmethyste. ²¹ Biafulu kumi yi biolo mi kele misangu kumi yi miolo kiafulu ki mosi ki mosi ki salamenewu yi musanga mosi mosi, mabala bala ma mbanza ma kele mu wolo dini ba sukulu di ngelamawu nga kimpele. ²² Yi mwenoko ata nzo Nzambi mosi mu nkati ka mbanza mu diambu mfumuNzambi mu nkwa ngolo zakulu we mwana mukoko kene nzo Nzambi. ²³ Mbanza yi keloko yi mfunu tangu holo ngondo mu diambu di ku nkiesawu kumu, mu diambu ku nkia ku Nzambi ku kele mu nkati ka yandi we mwandi mukoko wene mwendandi. ²⁴ Batu ba nsi ba kangalawu mu wangalawu di mbanza. Bamfumu ba ma nsi ba di natinawu kimvwama kiawu. ²⁵ Biafulu biandi ba bi kasaku mu muni di mpibi mpe yi kalaku. ²⁶ Ba mu natini, kimvwama kiandi we dikumu di mu nsi. ²⁷ Di ku kaloko kimi ki mvindu ki fene ku koto ku kene yandi, ku kotoko ata mutu mosi wu salwu kimi ki mosi ki nsoni holo kingumbu na bana ba soniki ma zini mawu mu mkanda wu moyi wu mwana mukoko.