¹ Mana, yi mbwene mabasi yi tukidi ku zulu yi yisimbidiwu nsabi yi dibulu di ba kasa mpefu yi Nzambi we miyololo mi mbutu mbutu ku moko. ² Mbasi yi yi mu kwete mu mufu holo satana, yi yi musidi mu boloko tiii ku manimi ma mvulu fundu di mosi.(1000) ³ Yi yi mu bweke mu dibulu, yiyi sidi nsabi ha ntandu kiafulu. Mu diambu kayaku hunu dihiki batu ba bikanda biakulu tii kunu ka waninisi mamvulu mafundu nkama ku manimi yi ba mu yambwele mu mwana tangu ka nkeke. ⁴ Ku manimi yi mbwene ha biti bi kimfumu; ba ba zakele ha hana ba bongele kimfumu ki nduku ki ku sambisi misamu mi batu bakulu. Yi mbwene dihiki mioyi mi batu ba hondele mu diambu di kimbangi ki Yesu we mu ndingi Nzambi bawu. Ba mu sambididoko mbisi wawunu we biteke, bawu ba bisidiwu ba yaku ba cha kinsisu ku kilunzi we mu moko. Yi ba vutukidi mu dizingu mana yi ba bongele kimfumu kiziki kimosi we Yesu yi ba zingidi dihiki mamvulu nkama (1000) ⁵ Ba ba hiki batu ba fwa ba vutukidoko mu dizingu tii mamvulu nkama ma hiokele . Ku butuku ku ntete. Kiese ku ba bene batu bantete mu ku butuku mu di fwa! Di fwa di zolo dieku yi ngolo kwene bawu. Ba kele ba nganga-Nzambi we ba Kidisitu, mana ba zingi yi yandi mamvulu nkama(1000). ⁷ Ku bunsuki bu mamvulu nkama, mufu ba mu yambululu mu boloko. ⁸ Ka lubuku mu diambu di ku bebisi nsi mu malweke ma ya ma mu nsi mutoto Gog we Magog mu ku basangisi bakulu mu diambu di ku nwana mviti. Ba kala ba vulu nga mafu manzadi. ⁹ Yi ba mpanzene nsi yakulu mana yi zingidi ba suta ba Nzambi we mbanza yi ka zakalawu yandi. Mana mbawu yi tukidi ku zulu yi ba yokele bakulu. ¹⁰ Mufu wu ba hunini yi ba mu bweke ku kizangi ki mbawu, kiziki ba losele mufu we banganga ba bumpala. Ba ditungisiwu mpibi yi muni tii ku bunsuki. ¹¹ Ku manumi yimbwene kiti ki mfumu ki kaseme, mana yi mbwene dihiki wu zakele ha kiti. Nsi mutoto di tinini kiana ku di se di yandi, mana ku keloko kumu ku mosi ba fene na bende. ¹² Yi mbwene batu ba fwa, bambutu we ba leke, ba telemenewu ku di se di kiti ki mfumu, ku manimi buku yi di yangukidi, buku di dizingu. Batu ba fwa ba ba sambisi mu diambu di misamu mini ba soniki mu buku di dizingu, mvutu yi ma ba basadidi. ¹³ Nzadi yi ka ba lubele bakulu ba fudi mu mamba. Ba fudi we ba kele mu nsi ba fwa yi ka ba lubele, mana yi ba ba sambisi mutu yi mutu yi misamu miandi ka sadidi. ¹⁴ Ba fwa we ba kele mu nsi bafwa yi ba ba losele ku yanga di mbawu. Yanga di mbawu difwa di zolo. ¹⁵ Mutu yandikulu na zini di yandi dieku mu buku di dizingu yi ba mu bweke ku yanga di mbawu.